تاق لأصدقائكم :*
الحلقة 52 من قصة "أسيل" :
قعدنا نصورو وخدتلنا لقطات يهبلو <3 ~ وروح علاء <3 ..
ومر الوقت وبدت العيلة تجي ~ وبدت السهرية والرقيص والهياجة دارو جو حلوو <3 ~ #خيال <3
لحد ماجت الساعة 3 ~ قبل لا نرقد بعتت لعلاء رسالة <3
" كبر البحر .. بعد السماء .. بحبك <3 "
رد عليا وقتي :-D
"أنا وقلبي نحبكك "
ناعليااا قليبي <3 رديت عليه " احبك عدد أنفاسي وأنفاسك وأنفاسهم جميعا <3 "
رد عليا :-D "بااااه شن دخل نفسهم فينا ؟:-D يعني لو قلتي انا وياك ها ممكن بس هما ؟ "
-_- رومنسي للمليووون خونا رديت عليه " طيح سعدك بااهي وحق ربي الله مايمشي معاك خزي نحبكش هي :3 "
رد عليا "تحببش في عينك "
:-D ساد رسائل اليوم ~ حان الوقت للخلود الي النوم <3
بس النووم مايبيش يجي من الخوووف وااك شن مندير بس ~
تلفتت يمين يسار مالقيت بحداي حد العفو وين البنات اختفو في الليل ~
نزلت بشوووية لقيت العزايز راقدين وحدة تجبد والتانيه ترد عليها ~ كسرولي راسي في تانيه واحدة مابعدك يا أمي بس ~ طلعت للجنان ونلقاهم مجتمعيين وجايبين الماكلة ومفرشين في الجنان وياكلو ويهدرز وجوهم فوق الريح ~ ونجيهم بشوووية ﻷني سمعته يهدرز ع حاجات رعب ف حبيت نخوفهم :-D ..
ونجيهم من تالي ونصيح صيحةة حي حي وماتشوفي غير يلي تنقز ويليي صاخت ويلي دارت روحها ميته ويلي عفست ع التانيه منظر فزييع السراحة ~ واول ماشبحوني حي حي بدت عمليات الكر والفر ~~ انا نجري وهما يجرو لحد ما جهجي طاح خلاص معاش قدرت لبدت في تركينه وجوني زي المجننة ~~:-D
أنا : لااا استسلمت خلاااص حرام عليكم أنتم 7 بنات عليا انااا سامحوني ييي هيهييييي حراام غدوة نمشي لعريسي زرقا وحق ربي الله
لولييي حبيبتي انتي حطي المكنسة ارجووك ... نونااتي بليييز مش لازم من طاسة الميه حرااام ~~ جمانة عيوني انتي وحق ربي لو تحطي الشبشب نديرلك ياي تبيه ~~ وراسكم
الاء : ي حقيررررة ي قردةةة ~~ توا تشوفي خزي اخسسس اخسس
انا : اسفة وحق ربي الله معاش نعاودهاااا ياماامااا ~~
نور : طحتي في يدينا لا عاد فيها ماما ولا ماما ~
نورهان ~: هجووووم ..:-D
وطاحو فيا ضرب بتسهويك وحصلناه جو فزيع السراحة :-D ~
لحد ماكنا درنا وضع انبطاح في الجنان ~
طبعا جو الولاد الصبح ومكانوش يندرو ان في مخلوقات راقدة في الجنان ~ ف خاشيين هاديين مايندرو عليها منين زراقة ومش حتي تحشمو طلعو لالا ضحك وتسهويك شدوها ..
وانوضو كلنا جريييي للحوش وختمتها الاء اتطيح في الحوض كانت قاعدة راقدة وماتشبح ف شء ونايضة تجري زي الغبية -_- حشمتنا ~
أنا : حيييي طيح سعدكككك حي حيييي وووه ههههههههه
نور : حيييي هههه بسرعة طلعيهاااا
لحد ماجي محمد ~ ونقد الموقف وطلعها مكانتش تعرف تعوم ابدا ~
الاء : وو عليا ي حشمت يعاااري وووه من كان في حييي علياا
انا : هههه ولاد خالتي وعمتي والعيله وهكي هههه
الاء : ووووه معاش عندي وجه نقابل بييه بكل
انا : الاااء هيا نوضي بدلي تي وقت عليا المزييين خيرككك !!
الاء : تي بيرفعك محمد وانا مستحيل نركب بعد الموقف تي عاار
انا : وحق ربي توا لو متنوضيش تي لما نقتلك بااهي !! :-D
الاء :-_-
مشيت قريت قرانن مابين مابدلت الاء عارفتها تقعد سنة وصليت ركعتين ودعيت لربي يكمل عليا بالخير <3 ..
الاء : هييي انا واتيه
انا : ساعة بركه والله ~ هي حتي انا اطلعي هي
وطبعا درنا شوط هياجة قبل لا نطلعو .:-D :-)
ركبنا مع محمد~ وقعد يتسهوك ع الاء ..
انا : هييي سيلفي قبل المزين .. تشيييييز :-)
وصلت للمزين ~ نزلنا وبدت فيا ~
لحد ماجت الساعة 2 وجتني عاملة تخدم ف المزين جايبة معاها بوكى ورد وغداء قللت في خاطري سعدودها يلي راجلها مدكرها حتي في غداها ~
الاء : شووفي سعد الناس ياربي ربي يهنيهم :-D
ودوورة تقول وين رانيا .....~~~~
لالا أنا مصدومة بجد ومش بنطق ولا عارفة أرد ~ كدا اووفر بقى :-D
وكلهم يشوفولي عاد ..
الاء : ناعليا من الرومنسي ااه
وجاني مسج منه وفيه " صحتين ع قلبك ♡ "
رديت عليه وقتي عاد ' سلمك سلمك .. نحبكك ربي يخليك ليا ♡ "
كملتلي المزينة مع جو ال 4 وجابولي الفيلو ولبسته وطلعت نشوف روحي في المرايا ♡♡ ..
الاء: بسسسم الله مشاء الله تبارك الرحمن ♡ .. ولازم عا تختمها بشوط بكاء
انا : هههههههه ي هبلة ياسر تلبزي مكياجك .. حلووة ؟
الاء : تيي تهبلييي بيهبل علاء اليوووم :-D
انا : هههه ♡
المزينة : والله بجد طالعة تحفه حتي في بنات جاين بيحجزو اختارو نفس التسريحة والمكياج ¤♡
انا : تعرفي خاايفة قلبيي بيطلع ♡♡ خلاص مش قادرة
الاء : اقري قران مابين ماجي محمد ♡
قعمزت نقرا لحد ماجي محمج ونزل وركبني للسيارة
محمد : قصدك اليووم بتطلعي من الحوش ومعاش ف عراك بينا بكل --- ااه ي راحة البال ♡♡ منمشي للعلاء ننصحه ول اخرمرة مزال يقدر يتراجع
يتبع ..
Mk
