تاق لأصدقائكم :*
الحلقة 30 من قصة " أسيل " :
علاء : منشاوركم في حاجة =D
رانيا : شن في ؟؟
علاء : ياودي العرس نبيه الشهر الجاي =D
أنا : :0
أيمن : باهي كويس ربي يتمم بالخير
رانيا : وأخيرا <3 مبرووك ربي يهنيكم
انا : ههه علاء بعقلك الشهر الجاي مستحيل -_-
علاء : علاش مستحيل شن في ؟
أنا : قصدي في شهر تبيني نحجز كل شئ ؟؟ والفلوس فجاءة بيجو ؟ لالا والله مانقدر
رانيا : دانيا الحمد الله كل شئ موجود
علاء : أنا مانبي منك شئ أنتي تعالي بس
أنا : رانيا في شهر تقدري تاخدي الصالة يلي تبيها ؟ والتحجزي المزينة يلي تبيها ؟ والحلو والحار والفيلو والبتات مش شارية هلبا أصلا أنا !! أصلا نعتبر مخديتش شئ لأني مش حاطته في بالي بكل ..
تعكر جوي وبدت معاش نسسمع فيي شئ خديت الفوطة وبديت نمسح ونضم ومش معتبرلتهم وجود -_- وهما يهدرزو ويتفقو ~~
وأنا بالطقاق -_-
فتت مدورتش أصلا مايقدرو يحددو شئ من غير موافقتي =D
كملت ضمان الحوش ~~ وحسيت روحي سخوونة خشيت دوشت نبرد ع روحي <3
وطلعت لقيتهم يهدرزو مستمرين وكانت الساعة 7 ..
أتدكرت الاء خشيت للدار يلي كانو متوينها لبيبي فتحت المكيف ودرت وضع انبطاح ع الكنبة وفتحت شعري وقعدت نلعب بيه وكلمت الاء وحكيتلها ع يلي صار .. وتم الرصيد وخدااني النووم ومانندري عليها منين زارقة ~~~
علاء : بسم الله داانيا فيقي داانياا
رانيا : حيي عليااا وخيييتيي ..
أيمن : مابتشش تفييق ؟؟
علاء : وسسع حوول خلي نرفعهاا
أيمن : هي هيييييي أنت باش يشوفك خوها تي حول توا نرفعها في سيارتي
علاء : تي بااهي ياراااجل هيا
قامني علاء وحطني في السيارة وأنا في سبات وأحلام عميقة ~~
وصلوني للمستشفى دخلوني أسعافات .. ومن الأسعافات للعناية
oo
الدكتور : المريضة غاسلة وراقدة قدام المكيف ضربلهاا قلبها درنالها تخطيط قلب ووشوية تحاليل وتوا حطيناها في العناية لأن القلب تاعب .. وان شاء الله تنوض بالسلامة تحينا حالات هكي ديما والحالة خطيرة تعتبر في هلبا يوصلو متوفين .. بس حالتها ان شاء الله ح تنوض بالسلامة لحقتو عليها في الوقت المناسب .. هي نستأدن ..
أيمن : تمام شكرا
علاء : قعد يمسح في راسة بالقوة "
كلم أمها قوللها
أيمن : توا تنخلع في الليل
علاء : قول لي محمد ضروري ماحد يكون عنده علم
أيمن : باهي روح أنت
علاء : خش أرقد
أيمن : باش يشوفك أهنى ** ويعرفك كنت في الحوش ويديرلك عركة !!
علاء : لا اله الا الله -_-
وناض علاء كلم الدكتور يبي يشوفني شافني من بعيد وطلع
كلم أيمن محمد وي ومقالش لي أمي ..
محمد : خلاص روح أيمن ارتاح وبارك الله فيك
أيمن : أختي هادي باهي خلاص أنت قاعد أهنى ولا ؟ غير رانيا بروحها في الحوش
محمد : ايه قاعد خلاص روح ومنور أيمن
أيمن : هي سلام
روح أيمن قعد محمد معاي <3
فقت الصبح ولقيت بحداي محمد واقف ..
محمد : الحمد الله ع السلامة
أنا : خيرني ؟
محمد : راقدة قدام المكيف يافالحة وكيف غاسلة
انا : ااااه اهااا ايي
محمد : خلاص ماتعبيش روحك ~~ أنا طالع لو تبي حاجة ناديني
جي الدكتور وطلعني من العناية وحطني في دار ورقدت وفقت ع صوت امي تبكي فوقي
ايمان : ياناري علي بنتي كل شهر وهيا في المستششفيي بنرفعك لشييخة مش طبيعيييي كل مرة حاجة قضيتي نص عمرك في المستشفيااات
أنا : أستهدي بالله ياحاجة ههه
ايمان : كيف حالك توا ؟
أنا : نقولو الحمد الله غير دايخة شوية ..
ايمان :مليوون مرة نقولك فيها جففي شعررك قبل لا ترققدي وماترقديش قدام المكيف !! بس شئ شئ هات من يسمع نخرف للحيووط
أنا : حشاك خلاص أمي يلي صار صار -_-
مشي الوقت والجو ممل جدااااا جدااااا لحد مخش علاء وأمه نااعليياا ~~
سمية : السلام عليكم لاباس بنتي الحمد الله ع سلامتك
انا : الله لايوريك باس
علاء : كيف حالك ؟
أنا : سبحان الله ع الادب والاخلاق منين جاته بس =D "
الحمد الله بخير
سمية : ترا تعالي ايمان برا شوية
ناعليا من اللاي يلي تفهم في الجو <3
طلعو وجاني علاء بسرعة قعمز ع السرير بحداي وشد يدي وباسها ويشووفلي بنظراات كلهاا حبب وخاايف عليا من عيونه وواضح..
علاء : علاش متحافضيش ع روحك !! مهبولة ادوشي وترقدي قدام المكيف أنتييي متخافيش ع روحك !! متخافيش شن بي يصير في الناس يلي يحبوك لو صارتلك حاجة .. هادي مش أول مرة يادانياا !! حطي عقلك في راسك يااغبية -_-
أنا : خزي انا غبيية :\
علاء : من قاااال :0
أنا : أسأل روحكك
علاء : خوفتيني عليك :\
أنا : يعني خفت علياا =D
علاء : شن رايك أنتي
أنا : أنت يلي جبتني ؟
علاء : أنا وأيمن تي تعرفي لما شفتك راقدة الله محلاهااا ياحظي وخلاص ونكلم فيك ماترديش عليا نخلعت قعدت انادي فيهمم
انا : ياا خسيف الادب كيف تخش عليا وأنا بتوته شورت وشعري مفتوووح ورااقدة
علاء : بالصدفة مناخد حوايجي مرة خليتهم عندهم
أنا : صدقتك باه =D
علاء : شن تحسي توا باهية ؟
أنا : باهية كويسسسة
علاء : باهي الحمد الله
أنا : جبت تليفوني ؟
علاء : لالا ممشيتلهاش اليوم
أنا : غرييبة ~~~~~
علاء : لهيت في الخدمة هي توصي علي حاجة ؟؟
أنا : لالا سلامتك بس ودير بالك ع روحك
علاء : غير ديري بالك انتي بعدين ساهل
أنا : هههه خزيييي
علاء : هي سلاماات
انا : فيش كلمة حلوة :\ :\
علاء : هههه أنحبك
أنا : ايه وشن تاني
علاء : امممم ونموت فيك
أنا : امممممم وشن تاني
علاء : وهلبا حاجات خليهم للمرات الجاية =D
أنا : ووه بعيد السو عليا
علاء : هههه بتهبليني انتيي
أنا : هههه أهم شئ
علاء : ههه هي وقت العويلة برا
أنا : تمام زي ماقتلك
علاء : حاظر أمتي تروحي ؟
أنا : مش عارفة ممكن اليوم في الليل
علاء : خلاص أكيد أيمن ح يجيبلك حاجاتك
انا : تمام
ناض وباسني ع راسي وطلع سخيف -_-
ايمان : اليوم الخروج ~~
أنا : باهي الحمد الله
ايمان : كلمتني سمية ع العرس
أنا : براا -_- يام انا والله مانبيه توا
ايمان : تبي الحق حتي أنا يا بنيتي مانبيه توا بس هما مصرين هلبا
انا : كيف يصير ؟
ايمان : مش عارفة والله العرس يبي حتي عشرين ألف وأنا المبلغ ماعندي ومانبيش ندير حاجة ناقصة ولا نبي أنقص عليك حاجة
أنا : ان شاء الله يصير خير وربك يستر ~~
ايمان : ايه
مابيتش نخمم في الموضوع ولا نفكر فيه لي وقتها يحلها حلال ..
مر الوقت وجي ايمن وجابلي حاجاتي وروحنا أول ماوصلت كلمني علاء ~~
أنا : ايوااا اهوو كيف وصللت
علاء : الحمد الله ع السلامة غزالتي
أنا : الله يسلمك
علاء: بالله نبي نسالك سؤال
أنا : أسأل ..
يتبع ..
