الحلقة 50 من قصة "أسيل" :
نور : ديريي بروفا اخيرة للفيلوو هي
انا : اييه حتي انا من قيسه قداش ليا معاش قسته
رانيا : ضاعفة هلبا راه
انا : كنت نوزن 50 وتوا وليت 45 ~~
نورهان : خليك هكي يهبل جسمك <3
الاء : تي زيدي شوية رايحة زي الخبزة اليابسة =D
انا : خزييي قردة ~ هي يجي حد يسكرلي السريته ~~
رانيا : جيتك جيتك ~~ حيي ع ااممكك خييرره هكييي !!
نور : خير ؟؟ شن فيي ؟؟
رانيا : تي شوفيه كيف واسع !!
انا : عطيك الهنى ي فرخة نسحاب اشبح شن صارله ! تي عارفة مدايرة لقطة نقدر انقصه وانزيده ~ توا اتشوفي كيف يولي ~ ها وتوا ؟
رانيا : ايواا هكي تماام يقتل
نورهان : ناعليا منك تههببلي طالعة
انا : احم احم خجلتووني ~~ حي حي حي حي فرخة رانيييا متقوووليش تبكي !! اشئئئئ والاءءء ههه تي خييركممم هههه لالا متخلونيش حتي انا نبكي عااد
الاء : تهبلي طالعة <3 ربي يخليك ليا <3 وان شاء الله ربي يكمل عليك بالخير
رانيا : صار منك =D ~ وبتولي سلفتي <3
انا : شن تقصدي بيهااا ..؟؟ هوا انتي هازية ولا هازية ؟؟
رانيا : ههه الاتنين =D ~
نور : ههههههه حرام عليك
انا : ههه تي باهي به خودي راحتك توا بالي مشوش ومش فاضية بيك =D ~
نورهان : هي شنو بنااات تي سخنوو رووحكم تي افتحي المنظومة نور بحدااك =D ~ ايوااا ~
انا : وجت في الاغنية يلي نحبها زيادة =D ~ تاتك ياتاتك ي سمحة في خواتك <3 احم احم ~~ راني عليك نغني يابنيت باباتك ياتاتككك ~~
رانياا : سبحان الله من اول ماسمعتها حسيته يغني عليا ورورووروورويييي
انا : هههههه عيينك بري روحححي وحق ربي الا عليااا ~
رانيا : ههه غير علاء يتصل توا خلي نشوووفه وبعديين توا تشووفي =D ~
انا : حيييي دكرتينييي تليفوني في الدار خلي نمشي نشووفه ~
ومشيت ولقيته متصل بيا ومش راده عليه =D ~ قعمزت نستنى فيه يسكر من رانيا ويعاودي عطل الأخ =D
انا : رااانيييااا تي سكري البلى خلي نكلللمه مشنااك
رانيا : تسمع فيها تي شن تقوول ؟؟ علاء مزال قدامك فرصه تي شد الطرييق واهرب انققد رووحكك
علاء : ههههههه زعماا ؟؟
رانيا : تي امالا شنن كان تجي تشوفها طالقة الشيانة حي حي
علاء : هههههههههههههههههههه تي كان تشوفي منظري حتي انا اللحية وين وين ~~
رانيا : شين وشينة تلاقيتوو هههههههههههه
خديت منها التليفون وضربتها وخشيت للحمام وسكرته ~~
انا : اففففففف هدا الواحد وين ياخد راحته صح ولا
علاء : ههههه ايه ي شينتي شن جوك
انا : قصدي غدوة فاتحتي وتسأل فيا شن جوك اكيد زباالة يعني ~ وفهمك كفاية
علاء : هههه سبحان الله نفس الشعور ~
انا : تي امالا شن ~~
علاء : مش مصصدق خلاص غدوة ان شاء الله تكوني حلالي <3 وندير فيك يلي نبيه من غير علاااء بطللل بلحن متااعك =D
~
انا : علاااء اسسكككت حاسة روحي منتراجع في اخر لحظة =D
علاء : هههه في احلامك السعيدة خلاص معاش فيها
انا : عارفة هوا انا نقدر من غيرك
علاء : ايواا هكي الصح قداش ليا معاش شفتتك قريب شهر
انا : ههه لـ يوووم العرس
علاء : لبعد غدوتين هلبا =DD ~ تي غدوة وحياتك =
انا : لالا مش نطلعلك راه
علاء : نحلفلك بالطلاق بعدها
انا : سبله عاد
علاء : هههه تي كيف عااد ~
انا : نحبببببببببببككككككككككككككككك وننمووووت فيككككك
علاء : انتي حياتي <3 كلها ~
انا : خلاص رومانسية اليوم ساد =D .. وين قاعد ؟
علاء : في الاستراحة مع الاولاد ~مدايرين جو توديع العزوبية وانتي شن مدايرة
انا : شئ كيف منتوضا منصلي الظهر ~ وبعدها عازمة صحباتي والعيلة من بكري لوطا يطيبو ولا اشبح شن يديرو مش عارفة الحق ~ مش انتم بس يلي اديرو في توديع العزوبية راه =D
علاء : هههه اممتي بتلبسي البودري ولا اشبح شن اسمه ~
انا : اييه صح ~ غدوة الصبح ان شاء الله باش الفاتحة في الظهر والحنة ليا والسهرية لمحمد والقنديل والجو هاداكا في الليل
علاء : حيييييييييي ع امممككك قصدك مقتلكش ع الحنة ولاااا
انا : براا شن في ؟
علاء : متحلميش تحني راه مستحيييييييييلللل
انا : بالله ؟ ونبي هيا مرة في العمر راه وامي خاطرها تحني وحدة من بناتها ساد في رانيا ايمن قال لا وانتت توا تجي لا وفي اخر لحظة @!!
علاء : والله يلي عليا قللته وانتي تبي اديري تحملي ماكلتك مستحيل نقربهااا ومش تقوليلي خيرك وخيرك مستحيل نقربك راه نكرهاااا في الدممم !!
انا : باهي به البنات ينادو عليا تبي حاجة ؟
علاء : سلامتك تشاو
انا : باي ! -_-
نكد عليك كيف مانكدت عليا -_-
طلعت ولقيتهم يتبردو وجو دراه معاش خاطري في شئ خشيت وسكرت علي روحي بالمفتاح وقعمزت ~
نتدكر في حياتي يلي فاتت وكل يلي صارلي ~
من موتة بوي الله يرحمه انا كنت شاغلة روحي بالعرس مقريتش قراءن عليه متدكرتش ان بوي توفى نسييته !! صورته بدت تمتسح من دماغي !! لا ياربي بويييي <3 : ( خايفة يجي يوم ووننسااه ويقعد دكري ومشت !! خلاص وطلعت من حياتناااا !!! #أسؤا_شئ
بكيييت بكييت بعبرتي ادكرت ايامه فجاءة وكل شئ مر عليا ~~ ونوعي لما نبكي حتي الجيران يسمعوني : ( ~~
قعدت هكي لين رقدت لين نضت مخلوعه الساعة خمسة ع تخبيط الباب -_- ~
محمد : داانيياااااااااا افتحيي الباااب !!
انا : مرديتش عليه تي كيف نايضة -_- ~
محمد: اقسم بالله لو متفتحيش نكسره رااه نكسسرره
انا : فتحتله "
هاا شن تبييي ؟
محمد : خش وسكر الباب "
شن قصتك انتي ؟؟
انا : شن قصتي
محمد : تكلمي باهي راه خيرللكك يابنت
انا : تي شئ ياودي اضايقت خشيت بروحي فيها حاجة ؟
محمد : صدقتك شوفي غيري تي خير بلاك حتي من عيونك منفوخات
انا : تي شئ
محمد : متعاركة معااه ؟؟
انا : لا
محمد : اماالاا خير دعوووتك
انا : شئ محمد خلاص
محمد : باهي به براحتك بس متنسيش ان توا عرسنا خلي الامور تمشي ع خير اهاا وقبل لاننسى الباب هادا نبيه مفتوح
انا : محمد : ( خليك شوي
محمد : تعالي هنايا عارفك معبية دوووة تي احكي احكي =D اعتبريني راجلك واحكي هي =D
انا : مشناك -_- وقت برادة اخسس ~ استاحشت بوي : ( هلبا نتمناه يكون معاي نتمنى هوا يلي يزفني في يوم فرحتي ~ نتمنى نشوفه ولو لـ لحظة بسسس <3 : ( خايفة يجي يوم وننساه ننسى ملامحه وجهه شكله صووته كل شئ فيه : (
محمد : خلاص هدا هوا المكتوب بطلي بكي واطلعي البرا يبووك
انا : حاضر بااهي
محمد : مافيش حاجة تانية مضايقاتك ؟؟ متأكدة ؟
انا : اييه نسألك ريم بتحنني ؟؟
محمد :لالالا طبعااا هادا منااقص ع اساس متعرفينيش نكرههااا
انا : مشناكم كلكم زي بعض -_- خزي عليك
محمد : اهاااااااااااا توا عرفت الموضوع شنووو نوضي نوضي تحرككي
انا : ههههه مشنااك
محمد : خليت الحلاوة ليك ~ هي طاالع بالك تبي حاجة ؟
انا : لالا سلامتك ولا نقولك بالله كندر و برينقلز سلم ووخيي ياربي
محمد : نجيبلك الصبر فاضي بيك ~ -_- هي تشااااااووو
انا : امالا علاش تسأل مشناك -_- خزي
محمد : مزاج ~~
وطلللع وطلعتلهم ~ وجو البنات وهيجنا وغنينا ورقصنا ~ درنا جو حلو <3 ومافيش أحلى شعور زي شعور فرحة عرسكك <3 #خياال
حلوة لما تشوفي امك فرحانة بيك ودموعها ينزلو من #الفرحة
وحلوة لما تشوفي ناسك واقاربك فرحانين #لفرحتك
وحلوة لما تشوفي الدمعة في عيون اختك و#صاحبتك
سبحان الله قداش ماتجري الأيام <3
يتبع <3 ..
