تاق لأصدقائكم :*
الحلقة 3 من قصة " أسيل " ~~ :
الاء: وووه هرب الضئ
أنا : الاءءء متتحركيش نخااااااااااااف من الظلام وووه
الاء : هههههههـ خوف جازية من عيون النعاج تخافي من الظلام ياهبلة ~~ حي من ورااك
انا: ياباردة مشنااك هني روحك ~~ وبديت أنادي ع أمي تجيبلنا شئ لمبارة ولا شمعة ~~
ايمان : تي بااهي نقصي حسك هاك لمبارة توا اشبح أمتي يجي توا ملقوه مايهربوه الا في المغرب معناته ليلتنا دبه -_- حسبي الله ونعم الوكيل وخلاص
دانيا: اي البلاد الدراه الكبد وحق ربي درهت كبدي لا في مكان مقوم تطلعيله ولا في ضئ
ايمان : أحمدي ربك -_- هي منمشمي لحوش أم وليد هي سلام
أنا: باهي ماشي متتأخريش :3
الاء : هي انا خلي نكلم بوي نروح
أنا: تي أقعدي مزال وقت خليه لين هوا يكلمك
الاء : عادي منقولكش لا =D
وقعدنا نهدرزو لين جي بوها وروحت هيا وجت أمي والسيد الضئ قاعد هارب ماساة -_-
وفجأة جييي ووه وأخيرااا الحكاية نوو ماعاد تتحملي شئ وخشيت داري ومجانيش النووم بككل وقعدت نقكر ونفكر في كل شئ لين خداني النووم zZ~~ نضت تاني يوم ع صوت محمد يكلم في أمي عازم اصحابه -_- وعمتك ايمان توصي فيه الحاجات الناقصة وطلعتلهم
دانيا: ماتقولوش في عبده في الدار راقدة متعرفوش تنزلو تحكو لوطة -_-
محمد : سكري فمك وقولي صباح الخير صبح يافتاح :3
ايمان : اهم شئ أنك أعترفتي بأنك عبده =D
أنا: -_- مشناكم
ومشيت درت لفتي وفطرت ~~ وضميت الحوش ومشيت داري كسدت كلمت رانيا ::
أنا: أيواا رانيا
أيمن " راجلها " : اوو دانيا انا ايمن شن جوك
أنا : باهي تمام ماشية واتن شن جوك
ايمن : أهوو ماشي الحال أسمعي اليوم نخطم عليك تعالي كسدي معانا باهي
أنا : والله ماعارفة توا نشوف
ايمن : انا مانخدش في رايك انا قتلك منجيك يعني ح نجيك أهي رانيا خوديها =D
رانيا : اه دانيا شن اخبارك
أانا : باهي تمام خيره متاعك
رانيا : هههه أنا قتله ياحنة قايمة خشمك وتبيش تجي ع منو ياشفشفة هي توا وتي أمورك وفي العشية نخطمو عليك
أنا: باهي به هي سلام توا خلي نقول لي أمي
رانيا: قلتلها
أنا : ياعيني منظمة أمووورك هي تشاو
رانيا: تماام تشاو ~~
سكرت منها والحق باهي جت في وقتها كنت مكسدة ~~ وتيت حوايجي وخشيت دوشت وطلعت وتيت شنطتي وحاجاتي وكانت الساعة 2 نزلت تغديت ومشيت لـدار محمد
محمد : ها خيرك شن تبي
أنا:خيوو عطيني قيلم =D
محمد : كيف كنت منتفرج ع واحد هي تعالي كسدي معاي ~~ بس بشرط
أناا : ووووااك هي شن تبي ؟
محمد : ديري فوشار وجيبي برينقلز وسكري الضئ والباب
أنا : ماعلينا اصلا اليوم منمشي لي رانيا =D
محمد : بالله عليك اليوم جايني الولاد من بيساعد أمي ؟؟
أنا: أمي مبكري دارت كل شئ مزال ع التسخين وخلاص
محمد : بايرة -_- هي بري
أنا : وأفتخر =D
محمد : ع طياح سعدك مفتخرة =D
أنا : ايوا حاجة كيف هكك =D
محمد / هي وجك
ومشيت درت يلي يبيه ومشيتله وفتحلي فيلم رعب ~~ ووه قريب درتها تحتي من كتر ماخفت وطول الوقت لاصقة فيه ~~ ياماامي ماصدقت كمل الفيلم ركبلي الرعب ~~ مشيت داري وتيت روحي لبست بنطلون أزرق وكلمتني رانيا وقتلي أطلعي أحني شوي ونوصلولك ~~ مشيت منكلم محمد لقيته رقد فته وكلمت امي وطلعت في الشارع ونلقي وليييييد -_- معرفتش نقوله أهلا كيف الحال ولا نخش ونسكر الباب تحشمت قعدت واقفة في مكاني لين هوا كلمني
وليد : اووه دانيا شن الجو كيف حالك ان شاء الله بخير
أنا : الحمد الله بخير
وليد : دانيا خشي الداخل ولو تستني في حد لما يجيك أطلعي
طبعا أنا قعدت نشبحله ومصدومة من يكون هوا أصلاا أستغفر الله وخلاص قعدت نشبحله وخشيت وسكرت الباب لين جي ايمن وطلعتله
أنا: خيراات ياعيلة
رانيا : خيرات :* شن الجوو
أنا: أهوو قاعدة نعاني في هبال راجلك حبيب قلبك
أيمن : طلعتني مهبول في اخر عمري ياشينة
رانيا :هههـ هوا انتي لسا شفتي حاجة من هباله "وغمزت لي ايمن "
أنا : انا شينة امشي خززي
ايمن : ههههـ مسرع طرمتي شواربك مزاال الخير القدام هادي الترحيب بس =D
رانيا : ههه ايمن خلي البت في حالها ~~ اي رانيا شن جو القراية
أنا : اهووو ماشي الاسبوع الجاي امتحانات وقريتهم يعني منقعد عندكم يومم ومنروح
رانيا : لاا شوي يوم اقعدي كسدي معانا
أنا : نكمل ونجي تماام
ايمن : باهي ياشفشة
أنا : اسكت انت ألهى بسواقتك خليني نهدرز مع وخيتي
ايمن : لسانك يبي القص
وطول الوقت وعراكات انا وأيمن =D ~~ ومشي الوقت نصه في الطريق بحكم أنهم يسكنو بعيد شوي ~~
أنا : وأخيرا وصلناااا =D
ايمن : دانيا خديتلك سير =D
أنا : حي علييك شن قااالوولك سمممينةة امشي مشنااك رانيا كلمي راجلك من بكري طايح فيا
رانيا : وبدينااا تي ياسر انت وياها رايحين زي ناقر ونقير ايمن جيبلنا عشاء عنديش نية ندير حاجة
ايمن : تلفتلي وقالي
يتبع~~
