تاق لأصدقائكم :*
الحلقة 22 من قصة " أسيل " :
وكملناا وقعدنا نلعبو في لعبة الصراحة .. وأونو .. وجلاد حكم وكككل شئ لحد ماجت الساعة 10 الصبح خلااص معااش قدررناا كلناا نووووم =D
ليلة تتتهبل بس في شئ عكرلي جوي بس بعدين فته ..
وقبل لا نرقدو كتبنا ورقة ع الباب " رقدنا الصبح يعني متنووضوونااش " ~~
وفعلا مانوضناش حد =D لحد مانضت أنا أول وحدة الساعة 5 ~~
أنا : الاااء نوور نورهاان حي علييييييكم تي نووضووو الساعة5
الاء : هييييي تي شن تقوولييي
نور : ههههه قصدك احني رقدنا هادا كللله
نورهان : غريبة مهدوش علينا الدار
أنا : ههه تي ماهو سكرناه بالمفتاح =D
الاء : فالحات =D هي نطلعوو
طلعنا ولقيناهم مقعمزين ~~
هند : مشاء الله ع الفاالحااات تعرفو الساعة كم توا ؟؟
ايمان : زدتو رقدتو علاش نايصين كملتوها لي الليل وخلااص
نور: تي رقدنا الـ 10 الصبح :\
سميرة : وعلاش راقدين ال 10 ~~
أنا : خداانا الوقت وسهرنا
ايمان : باهي توا بتخشو ع الفطور ولا الغداء ولا الحلو ؟
أنا : والله حتي كله مع بعضه عادي راه =D
وجاني شبشب في نص خليقتي من حيت لا أدري :\
ايماان : نقصي من طول لسانك خيرلك وخشوو كولو كان تبو ~~
هند : قبل لا تاكلو برو صلو الظهر والعصر يافالحات
نور :
نورهان :
أنا :
الاء :
نور : زي المهزبات وحق ربي
أنا : تي مش زي أصلا أحني تهزبنا =D
الاء : أصلا عادي
~~ وصلينا وطلعنا وخلطناه فطور ع غداء ع تحلاية =D ~~
نورهان : وووه بطنييي أول مرة ناكل بـ الطريقة هادي هه
أنا : ليبين ونعرفو بعض أسكتي ترا وكولي كان بتاكلي =D
الاء : تي هادم جماعة بريطانيا رقي ياسي =D
أنا : نسيت =D
نور : كأنكم تقرمو فينا ولا =D
الاء : هههه ~~
أنا : الحمد الله شبعت =D ~~
الاء : اي حتي أنا هي نمشو ~
ومشينا للدار :\ ~~
أنا : بنات في موضوع شاغلي بالي :(
الاء : شوو في ؟؟
أنا : خديجة حاسة في وراها شئ !
نور: هاديكا يلي تتلصق فيكم أمس ؟؟
ألاء : اي هيااا حتي أنا حسيت حركاتها مش طبيعية
أنا : اي وحتي لما جتني أتصل بيا علاء وردت عليه هياا
نورهان : اي الوقاحة دي
انا : والله وأمس كلمت علاء الفجر أنتظار
نور :حييي حييي لا القصة كبرت هكي بس قبل كل شئ لازم تتاكدي قبل
أنا : أنا مجرد شك ومانبيش نظلم حد بس خايفة الحق يطلع الشك صحح
الاء : اسمعو أول شئ نشوفو أيميله الفيس لأن أكيد لو في شئ يكلم فيها منه
أنا : تمام بس كيف بنعرفو ؟؟
نور : نهكروه
نورهان : أنا نعرف =D
أنا : تمام هكريه ونشووفو
نورهان : باهي يلي جايبه اللاب متاعي ~~
ومر شوية وقت ~~
أنا : هيي شن صار هادا كللله
نورهان : أصبري ~~ وهييي هكررته الله أكبرر
الاء : هيي في رسالة شوفيهااا
نورهان : الصبررر ~~ من ولد الرسالة ~~
أنا : كملي أنزلي شوفي البااقيي
نور : حي حيي في أسم بببنت
أنا : خشييي ع الرساائل
نورهان : أهماا شوفوهم
وقعدت نقراا وكاانت بالفعل خديجة باعتتلها رسائل في نفس اليووم يلي جتني فيه ~~
مش ضايفها باعتتله طلب ~~
باعتتله هلبا رسائل وهوا رد عليها بعد هلبا رسائل وبعدين كلمة منها وكلمه منه ليين بدوو شبه يوميا يكلمو في بعض وهوا قاللها خاطب ونبيها ~~
خاطب وتبيني وتخون فيا ؟؟ سبحان الله ونعم الحب ~~
الاء : الحقييييرةةة وحق ربي كان تحطوهاالي في دار ومعاها طوبو غااز تفوو ع الشكاالااات وعشرة عمر الخااينة مش سنة ولا سنتييين
نور : دنوو حبيبتي تبكييش خلاص والله كل شئ و ينحل والله
أنا : أمس بياني امس كان بجنبيي يضحك وفرحااان كيف قادددر يتصنععع كيف قاادر يحط عينه في عيينيي حسبي الله ونعم الوكيل فيييهم حسبي الله ونعم الوكيل فيهم
نورهان : خلااص يااادانياا المهم عرفتي بكري ومقعدتيش هكي زي الأطرش بالزفة
أنا : بنكللللمه
نور : باهي يلي تبيه ديريه كلميه ~
أنا : اهو يرن ..
نور : رد رد تكلمي وماتبكييش خليك قويه
علاء : ايوواا حبيبتي كيف حالك
أنا : بطل ونبي بالله عليك بطل تمتيل زايد لا حبيبتك ولا شئ أخر شئ توقعته أنك تخوووني انا يلي حطييت فيك تقه عمري ماحطتيتهاا بححد بس أخر شئ نتوقعه مننننك ولاا مع منيي مع صحببتيي تي كيف قادر تحط عينك في عيني وتقول حبيبتي كيف قاادر تحسابني غبية وراقدة ع وداني أعتبر يلي بيناتنا كله أنتهى وغدوا يوصلك الدهب والحوايج وكل شئ خدلتني
علاء : داان... طوط طوط طوط
وأنهرت بالبكى ..
الاء : خلااص ياادانيا هدي روحكك أمك توا تسمعك تبكى
أنا : وتتتقتتت فيه يا الاء ناار في قلبي والله نااررررر تاكل فيااا علاش أنا بس يلي فرحتي عمرها ماتكمل علاش أنا .. صااحبتيييي ورفقة عمري من التانوي تخوني ع خاااطر رااجللل يااارب نموووت ونفتكى من عيشيتتتتتتتتتييييييييي لا تهنيت بـ خطوبة ولا تهنيت بأبوة ولا تهنيت بأول حب ليا حسبي الله ونعم الوكيل
نور : عسى ان تكرهو شيئا وهوا خير لكم " ياعمري خلاص ربي كاتبلك هكي أرضي بحكمته
أنا : لحظه نمشي للحمام :\
نورهان : تي وويين باش أمك تشووفك قعمزي اهنى عيونك واضحات حمر أهدي قبل
الاء : قريب مليون مرة يتصل هـ الـ مش عارفه شن منسمييييه أستغفر الله وخلاص وحق ربي كان نحصل عليهم مانخلي فيهم عرق حي =D خزي
أنا : باعت رسالة ترا شن مكتوب فيها
الاء : " حبيبتي سامحيني والله نزوة والشيطان عبالي دمااغي .. والله اول مرة انديرها أقسم بالله وانا قسمت غالط ونعرف روحححي بس والله نحبك والله وانتي ليااا أناا بس فاهمة متفكريش تفسخيييي أبدأ .. مانقعدش علاء لو فسخت .. وتوا استعودي من الشيطان ونحي الافكار السودة من راسك ومايصير الا الخير هي فـ أمان الله "
انا : ااا...
يتبع ..
