تاق لأصداقائكم :*
الحلقة 27 من قصة "أسيل " :
وركبت السيارة وهوا ركب سيارته ومشي وراي ووصلني للحوش وروح~~
ومر الوقت وكلمني ..
مابيتش نرد عليه ودرته صامت وسكرته =D ..
عارفة روحي نزيد في الطين بله ~~
خشيت رقدت ..
~~ أيمان : هي نوووضي رانيا بتروح عندناا
أنا : باااهي 5 دقائق بسسسس
ايمان : تي اين خمسة دقائق تي توا جاية يابلووة نووضي
أنا : نااايضة وحق ربي ناايضة أهااا نضت صبح يافتاح ناس تتصبح ع أغاني فيروز وأنا نتصبح ع الموشح متاعك -_-
ايمان : كان ماتهني روحيتك وتنوضي ببمالقي المية نجيك
أنا : -_-
نضت زيني زي البنت الفالحة درت دورتي وفطرت وقعدت نضم في الحوش وضميت دار رانيا وجهزتهالها .. مشيت نعاون في أمي ع الغداء لحد ماشرين الحوش وعرفتها رانيا ..
طول مشين نجري نفتح ..
أنا : أهلا وسهلا نورتي :* .. هي خشي بالشوية عليك
خشت رانيا ومقالتش ولا كلمة أكتفت بأبتسامة خفيفة ع وجهها بس ..
خشت دارها ورقدت أو دارت روحها راقدة ..
أيمن : دانيا ترا تعالي شوية
أنا : ان شاء الله خير شن في ؟
أيمن : أسمعي راهي رانيا مولية بكل من بعد ماتوفت البنت أنا مش لايمها لأن الشئ هادا طبيعي فـ حاولي متكلميهاش في الموضوع بكل ~~ ومتغيرة 180 درجة
أنا : ايمن قصدي حملت بنتها 9 شهور وبعدين توفت شئ طبيعي قاعدة متأثرة هيا ماليهاش يوم رااه
أيمن : حتي أنا بنتي يلي تووفت راه قضاء وقدر ..
أنا : معليش يصير خير <3
أيمن : هي أنا مروح توا بعدين توا نجي
أنا : بسلامة
روح أيمن ومشيت لرانيا ..
أنا :رنوو :* تبي حاجة ؟
رانيا : لالا سلامتك .. دانيا
أنا : ها نعم ؟
رانيا : صورتيها ؟
أنا : رانيا حبيبتي متديريش في روحك هكي :\ خلاص وخيتي
رانيا : نبي نشوفها وراسك وريهالي :\
أنا : حاضر بس توعديني ماتديري شئ
رانيا : وعد
أنا : باهي نمشي نجيب تليفوني ونفتحه لأني مسكراته
مشيت فتحته ولقيت مكالمات من علاء طبعا -_- ~~
ورسالة " ديري يلي فـ راسك وزيدي سكريه وتوا ينفعك يلي اديري فيه "
مدورتش في خاطري اعلى مافي خيلك أركبه =D ..
مشيتلها ووفتحتلها الصورة وطلعت خليتها بروحها ..
مشيت تغديت وخديت منها تليفوني وخليتها مع امي تبكي وتعيط وأنا منتحملشش :\ خليتهم ع راحتهم .. مشيت داري قعدت نبكيي لين قلت يانا شرين تليفوني لقيته علاء رديت عليه وأول مارديت عليه وواضح من صوته متعفلق -_-
علاء : أناااا من أمسس نكلم فييكك وأنتي مسكرتيييه !!! والله لو نشوفك مرة تااانية تسكرييه تشوووفي أهوو قتلك يادانياا تشوفييي !!!
أنا : "بديت نبكي بـ عبرتي بصوت عالي مع الشهقة تخلطت عليا موت بنت أختي وحالت رانيا توا وعلاء يلي 24 ساعة عراكات وأمي يلي ديما طالعة وأتدكررت بووي <3 الله يرحمه تخلطت وخلاص "
علاء : خيركك ؟؟ شن فيي ؟؟ خيرك تبكيي ؟؟ أهديي دانيا خلااص أسسسسف سامحيينيي أستهدي بالله دانيا خلاص حبيبتي :\ نحبش نسمععكك تبكي والله مانتحمل فيك حاجة
أنا : طبعا من كتر ما العبرة خانقتني صوتي يطلع متقطع ومش مفهوم "
ديما متقدرش في الظرووف توا وقته يلي تدوي فيه متعرفش أن أختي عندنا وبنت أختي متوفيه متقدرش بأن حالتي ممكن تكوون زيروو وأنت مش هامك شئئ هاماتك نفسك وبس أمس أنا مابيتش نرد عليك يلي درته فيا في المستشفي خلاص مانردش عليك !!
علاء : به أهدي أستهدي بالله
أنا : لا اله الا الله .. أستغفر الله وخلاص ..
علاء تعبت أنا " وقلتها بصووت وااطئ طاالعة من وسط قلبي بـ صدق <3 "
علاء : خلاص أسف :\
أنا : علاء
علاء : أُأمري <3
أنا : معاش تصيح عليا :\ ومعاش تكشخ عليا :\
علاء : حاضر خلاص صافي يالبن ؟؟
أنا : صافي :\
علاء : وواضح من صوتك صافي .. صافي في عينك .. نبي نسمع ضحكتك هياا
أنا : علاء مش وقتك وحق ربي
علاء : وقت منوو باه ؟
أنا : شكلك رايق
علاء : اي لما سمعت صوتك
انا : بديت نخاف منك
علاء : وعلاش ؟؟
أنا : معاش فهمتك يوم ياسلام عليييك وكلام ييهبل وعسل وأياام يااكبدي أهربي
علاء : ع حسب فعايلك
أنا : اهاا ..~~ ربك يستر وخلاص
علاء : ههههه كيف حال رانيا توا أحسن ؟
أنا : والله مانعرف خليتها تبكي وتعيط
علاء : ماشفتهاش اليوم مبكري كلمني ايمن يبيني نجيبلها حاجات يعني جايكم جايكم
أنا : ههه مرحبتين وخيره ايمن مجابهمش
علاء : مش عارف عنده خدمة
انا : ااه شكلهم متعاركين !
علاء : لالا مضنيتش
أنا : الله أعلم هي علاء نبي نرقد توا :\
علاء : توزيعة =D
أنا : لالا هوا أنا نقدر نوزعك أساساً
علاء : اهو توا وزعتي
انا : لالا غير نوعيتي نقيل ولو منقيلش نولي عبدة
علاء : باهي ياسيدي ~~ هي سلام نتلاقو
أنا : سلام دير بالك ع روحك ولما بتجي كلمني قبلها
علاء : باهي ..حتي انتي هي في حفظ الله
سكرت منه ورقدت نضت مع الـ 5 غيرت بجامتي ولبست حوايجي ع الاسود كله##
ومشيت بحدا رانيا نهدرز عليها شوي .. جو عماتي ومرت عمي وخالاتي يعني العائلة كلها جت جي علاء من فم الباب طلعتله أمي :\ _ .. وطلع ..
مر الوقت وروحو العويلة وخشيت في فراشي .. جتني رانيا
رانيا : نبي نرقد معاااك منحبش نرقد بروحي وسعيلي
أنا : سبحان الله مغير الاحوال تفاجئت منهاا كاانت منكدة وحالتها بككل وتوا تغيرت الحمد الله "
أوو كبيرة هادي خشي خشي ~~
وشرين تليفوني وكاان علااء طبعاا مش وقته بكل :\
رانيا : ردي أنا ناعسة ومنرقد خودي راحتك
أنا : باهي
ورديت عليه ~~
علاء : ايواا شن الجو
انا : الحم\د الله وانت
علاء : أهوو ماشية
أنا : ااممم كويس
علاء : خيرك هكي تدوي ؟
أنا : شئ
علاء : اهاا باهي ~~ اسمعي من الأخير نبيك في موضووع وبتسمعيني للأخييير
أنا : رعشتني شن فييي ؟؟
يتبع..
