الحلقة 54 من قصة " أسيل " :
بعدها خلاص طلعت وركبنا للسيارة ~
شدني من يدي وباسها ~ <3
علاء : يدك زي التلجة
انا : ايه الصالة مصقعه ~¤
ووصلنا للحوش واول مرة نشوفه اول ماخشيت قعدت نشوف فيه يهبل نزيك ~♥
علاء : شن عجبك ؟
انا : عجبني ؟؟ تيي يهببل دووق ¤
وكيف قرب مني شرين الحوش ~ <3
علاء : شيت مش وقته ~ :-D .. وكان ايمن جايب عشاء ~ خشيت للدار حولت الفيلوو وخشيت للحمام ..~ وطلعت لقيته موتي العشاء ومتكم الجو رومانسي خونا ~ :-D
------------ والباقي عاد مش لازم -----
في الصبحح ..~
طبعا كنت مدايرة المنبه ع اساس الساعة 8 باش انوض نواسي روحي قبل لا ينخلع الزوج العزيز بس نسيت التليفون في الشنطة وكنت مسكراته ~~~ دكاء خارق عارفة .. ف راحت عليا نومة وللأسف الشديد ناض هوا قبلي ونخلع الزوج الراقي .. :-D
الشئ كله سايح ع كحل ع مسكرا ع شعر مشفشف حاالة ~~ الله لا تروعك .. اول ماناض حسيت بيه ~ وطلع من الحوش وجي وجابلي سفرة تهبل .. سفرة كل حبيب
علاء : صباح الخييييير ♡
انا : صباحو حبيبي ♥♡
علاء : اهي رانيا قايمة القدر وبعتت فطور هي خل نفطرو ~
انا : ياعيني ~ مخااطريش كول انت مابين ماخشيت للحمام
علاء : تي تعالي جاي ♡♡ ¤
وقعمزني وبدي يوكل فيا ..♥
علاء : هدا احلي صبح لي معاك ♡
انا : وانا حبيبي ♡
وطبعا مر اليوم كله هياجة برا وناعليا من علاء يهبل كل يوم نحبه اكتر من يلي قبله مافيش ولا مرة زعلني ولا ضايقني غير ان شاء الله يقعد ديما هكي ♡ ومر شهر ع زواجنا ..
لحد ماجي اليوم يلي بيمشي فيه في الخدمة ومنقعد بروحي تعودت عليه هلبااااا ومش متخيله لحظة من غيره ~
علاء : هي حبييي تبي حاجة ؟
انا : بجدد بتمشي وتخليني وحق ربي خوافة انا راه قصدك منقعد بروحي :'( →
علاء : ههه تي اختك بحداك وامي ~ به بري اليوم لامي خليك غادي ديري الغداء ماشي ؟
انا : قصدكككك اول مرة نطيب فيها غادي حي حي تي كان ينحرق مني شن ندير !
علاء : ههههه خودي تلقيحات من سميه هدا يلي ح يصير هي انا تأخرت .. زي ماقتلك تمام <3 ههي نحبكك
انا : هههههه اخس عليك ~~ وانا نموت فيك سلااام .. في حفظ الله ~
وطلع علاء وقعدتت بروحي :-( وكانت الساعة 9 ف معرفتش هل هوا بكري باش نمشي لحوش عزوزتي او لا ~ كلمت رانيا وسالتها قتلي تنوض من ال 8 نشاط وحيوية :-D ..
درت لفة ع الحوش وبخرته وغيرت حوايجي وطلعت <3 ~ مشيت طقطقت وفتحتلي ~:
سميه : اهلين صباح الخير
انا : صباح النور كيف حالك اللاي اليوم
سميه : الحمد الله بخير ~ اشييه نايضة بكري شكلك فالحة
انا : ههه زي ماتعرفي علاء خدمته توا واليوم اول يوم وتيتله فطوره وطلع وهداكا هو كان منرقد بيضيع النهار
سميه : اييه والله ~ اهو كيف بديت نضم في الحوش ندب ع حالي
انا : خليك اللاي ارتاحي توا انضم انا وقوليلي شن خاطرك غداء وانا نديره <3
سميه : سلمها .. باهي والله انا اليوم من اول مانضت وحاسة روحي تاعبهه .. خلي نخش نتكى شوية .. وانتي طيبي يلي خاطرك فيه ~ ولا نقولك ديري رز مسقي علاء يحبه ~~
انا : باهي خلاص تم ارتاحي انتي :*
سميه : اييه خليني نهدرز عليك مابين ماجاني النوم .. شن جوه علاء معاك ؟
انا : الحمد الله مشاء الله عليه <3
سميه : باهي الحمد الله بنيتي انا من اول يوم شفتك فيه حبيتك وارتحتلك وحسيتك ان ح تهنيني ع ولدي .. صح غلطت مع اختك بس ان شا الله ربي يسامحني محسيتش بروحي الا لما شفت ننفس يلي صالرلها لنورا فعلا كم تدين تدان .. ~
بنيتي حطي ولدي في عيونك ح يحطك فوق راسه علاء يحب من يهت بيه ديما صدقيني لو م درتيش اي شئ يضايقه زي ماقتلك ح يحطك فوق راسه بس مشكلته لما يعصب اهربي اول ماتشوفيه متكنطي متكلميشي خليه يهدأ بروحه بروحه ولو غلط فيك او علا صوته عليك متكلميشي ولا تردي عليه رااه ميحبش من يرد عليه ابدا .. وان شاء الله يارب تتهنو في حياتكم ييارب <3 ..
انا : ان شاء الله اكيد كلامك هدا تعلمت مننه <3 .. ربي يحفظك ويخليك لينا ..
رقدت هيا وانا ضميت الحوش وبديت نطيب في الغداء دووره وبعتلي مسج :P .. " تلقيتي تلقيحات من سميه ولا مزال :-D "
" هههه تي امك عسسل <3 تخوف فيا هلاش بس "
" الخووف باهي باش اطيبي مليح راه جعان ونبي حاجة مقومة ايوا "
" حاضضر هي كمل خدمتك وروح بكري ح تلقى احلي سفرة تستني فيك "
" ان شاء الله غير متحرقيشي بس "
" عير اسكت انت ويصير كلل الخيييير "
حطيت الغداء ع النار ودرت معاه محشي وكملته :* عاد اول يوم ومن بين روحي فالحة عاد :-D وبما ان علاء يروح متأخر مع جو ال 3 ف مزال عندي وقت ف درت كيكه وحشيتها زينتها ووفضيت للرز وكملته ووتيت السفرة وقعدت نستنا فيه .. لحد ماجي ♡♡ طوولل اول ماخش حضنته ♡♡ ..
انا : اههههه استحشتكككك ♡
علاء : هه حتي انا ♡ .. شن وين صنة الشياط شكله الوضع مستدب :-D ..
انا : هههه تي تعال شوف الطاولةة واحكم هي خلي انووض اللاي
علاء : ياعيني وسمية مرتاحة .. والله فالحة وانا منندريش
انا : ع اساس يعني متعرفش
مشيت نوضتها .~ وقعمزنا نتغدو وعجبهم وقعدت تشكر عاد .. قامت القدر سميه قدام علاء وهوا يتسهوك ويعاود بس عزوزتي واقفه معاي وتعطيه فيه ع راسه .. يستاهل :-D .. كملنا ونضت نغسل في الماعين جت تعاون فيا .. وقعمزنا طول الليل نهدرزو وروح علاء يرتاح .. بعدين طلع وانا قعدت معاها جت رانيا في العشية تهدرز .. لحد ماجي الليل وروحت .. ومرت الايام وروتيين زي كل يوم انوض نوتيله فطوره يفطر يمشي للخدمة نمشي لحوش عزوزتي نضم ونطيب ونروح والعشية نطلعو لاازم .. لحد مافي يوم مشيت الصبح طقطقت مبتش تفتح خفت لانها مريضة وفي اي لخ
حظة لا سمح الله تموت :'( :'( ...
يتبع ...
MK
