تاق لأصدقائكم :*
الحلقة 28 من قصة " أسيل " :
علاء : ايواا شن الجو
انا : الحم\د الله وانت
علاء : أهوو ماشية
أنا : ااممم كويس
علاء : خيرك هكي تدوي ؟
أنا : شئ
علاء : اهاا باهي ~~ اسمعي من الأخير نبيك في موضووع وبتسمعيني للأخييير
أنا : رعشتني شن في ؟؟
علاء : موضوع مهم وخطير =D
أنا : العفوو بطني وجعتني وحق ربي شن في
علاء : تقطعي عليا نقتلك
أنا : بتتكلم ولا نسكر -_-
علاء : نقتلك بعدها =D
انا : باهي تكلم ياودي -_- شيطتلي ريقي
علاء : وهادا المطلوب ~~
أنا : خزي -_- هيا تكللللم
علاء : نبي نحدد العرس أنا خلاصصص نبيك بحدااي بالعربية
أنا : شن تقوول ؟؟ بـ عقلك علاء ؟؟
علاء : اي بـ خشمي ~~ تي اي خلاص نبيك
أنا :لالالا مانبيشش !!
علاء : علاش ماتبيش !
أنا : علاء نبي نكمل قرايتي
علاء : مش سبب ! كمليها عندي
أنا : لالا ناخد شهادتي قبل :\
علاء : ورحمة بوك ماسبب
أنا : أسمع مش وقته بكل وأنا مانبيش
علاء : شن هيا ؟؟؟ ماتبيش ! نلعبو أحنى ولا كيف ؟؟؟
أنا : مش هكي بس مش وقته بجد ! بنت خوك وبنت أختي ماليهاش يوم متوفية وتبي تحدد العرس تي كيف ؟
علاء : أنا مقتلكش نديروه غدوة قتلك نبي نحددد ع ماظن كللامي واضح !
أنا : ولو مش وقته والله
علاء : وقته وقداش ليا نفكر فيه المووضوع وخلاص قريب لينا سنتين ولا سنة ونص مخطوبين خلاص عاد ياسر
أنا : بالله عليك تبيني نطلع نوتي لعرسي وفرحانة وأختي تبكي في الحوش !! لااالا معليش علاء مش وقته
علاء : معاااش تقوليلي مش ووققته
أنا : معاش تصيح عليا !! :\
علاء : الززففت كلامك بكل رااه أنا منحدده ونبي نقرا الفاتحة تواا باهي
أنا : عناد ؟
علاء :لا
أنا : أسمعني كل شئ بالتفاهم والله مايصير يلي تقول فيه
علاء : علاااااااااااااش
انا : قتلك علاش
علاء : رانيا يومين تلاته وبتنسى !
أنا : بتنسى بنتها ؟
علاء : وواااك الـ ^%$%^
أنا : أستغفر الله -_-
رانيا : أعطيني التليفون
انا : هيييييييي أنتي فايقققة ؟؟
رانيا : ايه هاتي التليفون
أنا : علاء تبيك رانيا :\
علاء : هاتيها
رانيا : ايوا علاء كيف حالك
علاء : الحمد الله بخير كيف حالك أنتي ؟
رانيا : نقولو الحم\د الله ~~ شن جوك مع دانيا ؟
علاء : ااااه باهي ~~
رانيا : شكلها مشيطتلك ريقك
علاء : ااااه خليني ساكت !
رانيا : تبي تحدد العرس ؟
علاء : والله يارانيا أنا نبي نحدد ونبي نقرأ الفاتحة لينا هلبا مخطوبين خلاص
رانيا : معاك حق حددوه باه
علاء : الحديد فسد =D
رانيا : يابارد مش وقتك غير بجديات
علاء : كلمي يلي بحداك
رانيا : خلينا منها فوتها ~~ أدير في طروحات راه =D
أنا : حقيرة -_-
علاء : شن يصير توا ؟
رانيا : لالا حددو العرس وأفرحو بيه <3 أنا خلاص بنتي توفت ومعاش ترجعلي
أنا : سيد علاء أرتحت توا ؟
علاء : شن رايك أنتي ؟
أنا : مشنااااااك
علاء : زيك وحياتك
انا : باه -_-
علاء : هوا المتكنطي =D
أنا : تبي حاجة ؟
علاء : ايه
أنا : شن تبي ؟
علاء : نبيك أنتي <3
أنا : اممممممممم باهي تصبح ع خير
علاء : هههه بترقدي ؟
أنا : ايه
علاء : باهي براحتك
أنا : تصبح ع خير
علاء : وانتي من أهلي
اأنا : سلام
علاء : سلامات
وسكرت منه ومشاعري متللخبطة ع فرح ع حزن ع مش عارفة شن لين رققدت .. نضت علي صووت تليفوني يشرين وكانت الساعة4 الفججر وكاان علاء نخلللعت وقرريب متت رديت وصوتي دوووب ماطالع
اأناا : أيوا شنن فيي ؟؟
علاء : هههههه الناس تصبح يا قردة
انا : يابارد قريب جبتلي الجلطة في واحد يتصل تواا
علاء : ايه أنا
أنا : خيرك حالم بيا ولا كيف
علاء : هههه أصلا انتي ماتغيبيش من بالي
أنا : ياعيني ~~
علاء : غير أتصلت بيك منقوولك نوضي توضي وصلي الفجر ~~ مزال شوية وأيدن
أنا : اهاا كووويس صحييت ياحنة ~~
علاء : مش تسكري وتخشي ترقدي ~~ نووضي صليي
أنا : حاظر هوا في واحد يبدل الصلاة بالنوم !
علاء : خلاص هيا الشطوورة يلي تسمع في الكلام
أنا : هههه
علاء : هي بري سلام
أنا : سلامات
وسكرت منه ومشييت توضيت وقعمزت نستنى في الأدان وندعي لـ ربي <
أدن الفجر صليته وخشيت رقدت ~~
رانيا : دانيا هي نوضي :\
أنا : صباح الخير
رانيا : صباح الورد هي نوضي
أنا : باهي وين امي ؟
رانيا : طلعت من بكري ~~
أنا : هادا هو -_- ~~ خلي نوض نجري علي عمري ~~
رانيا : تقول عزوزة عمرها 99 عام ~~ نووضي تحركي
أنا : هه باهي يانفااخة
مشيت درت لفتي وتيت الفطور . ضميت الحوش . طيبت الغداء -_-
فليبينيه رسمي =D
أنا : هي رانيا تعالي كان بتغدي
رانيا : استني امك ونتغدو مع بعض
أنا : أمي مزال راه نوضي بلا جو
رانيا : ياكبدي باهي
أنا : الحوش يشرييين نشوف منو ~~
رانيا : من بيجي زعماا !!
مشيت نفتح وطلع أيمن
أنا: أهلاا شن جوك
ايمن : تماام وأنتم
أنا : باهيين
ايمن : وين رانيا ؟
أنا : داخل هي حماتك بتحبك خش تغدأ معانا
أيمن : منقولكش لا =D
أنا : هههه هي راانيا شوفي منوو جيي
رانيا : أيمن أهلين كيف حالك
أيمن : الحم\د الله بشوفتك شن حالك توا باهي ؟
رانيا : الحمد الله في نعمة
أيمن : باهي كويس شن ماتبيش تروحي ؟
أنا : خلي نجيب الغداء هنايا ~~
أيمن : باه
رانيا : أمس كيف جيت
أيمن : قرب منها وشد يدها " مستاحشتيش راجلك ؟
رانيا : حووول توا تجي دانيا عيييب
أيمن : مش ح تجيي .. غير قوليلي
رانيا : أيمن يااامهبوول حول
أيمن : مهبوللل بييك هي وتي روحك روحي معاي
رانيا : خليني :\
أيمن : علاش
رانيا : هكي
أيمن : مش بـ كيفك توا نتغدو ووتي روحك وأطلعي
رانيا : لالا يا أيمن أنا والله الحركة بالسيف وغادي والله مانقدر ندير حاجة
أيمن : قولي لي دانيا تجي معانا
رانيا : مانبيش متعبها معاي
ايمن : ديري رايك المهم بتروحي معاي
أنا : وجبتلكمم الغدااء هي تفضلوو
أيمن : نسحابك متي =D
أنا : خزي
رانيا : ههه
أيمن : شن تروحي معانا دانيا ؟
أنا : علاش أنتي بتروحي ؟
رانيا : أهو قدامك منروح وخلاص
أنا : قراية وماعندي عادي علاش لا =D
ايمن : خلاص مافيش سبلة وتو روحكم
رانيا : ان شاء الله ~~
أيمن : شن علاء ماشية أموره ولا يخرط مرة مرة
أنا : هههه ضروري منها الخرطة
رانيا : قريب العرس وتي روحك
ايمن : تي كيف صار =D
رانيا : بيحددوه ~~
أيمن : باهي كويس ربي يتمم ع خير
وقعدنا نهدرزو وجت أمي قلتلها وقتلي باهي وكلمت علاء مناخد الادن طبعااا
أنا : حبيبي
علاء : شن تبي ؟ من كلمة حبيبي عرفتك ماتقوليها الا في وقت المصلحة
أنا : ههه خزي
علاء : شن تبي ؟
أنا : منروح مع رانيا منقعد عندها عادي ؟
علاء : اوو مليح بكل في هادي بري كل يوم تلقيني مرشوق غادي =D
أنا : سخيف ههه هي سلام
علاء : خديتي يلي تبيه ~~ مش قتلك مصلحية سلامات
أنا : هه خزييي سلام
وتيت شنطتي ولبست وطلعنا ~~
وصلنا للحوش لقيناه السيد أيمن قالبه المطبخ مروونه كله دار النوم كلها جوايج ووسط الحوش مقلوب
أنا : لا اله الا الله .. العفوو شن هااداا
أيمن : هه خيرك ؟
رانيا : أييييييييييييييييييييمنننننن شن هااداا
أيمن : هههه
أنا : زريبة الحوش العفو خزيي
رانيا : حرام عليك ماعندي حتي حيل باش نضمه !
ايمن : أنا ودانيا توا نضموه وكان تبي يا دانيا نكلمو حتي علاء يسايرنا
أنا : هههههه
أيمن : شكلها عجباتك الفكرة
أنا : بلا برادة =D
نحيت حوايجي وبديت فيه أنا وياه =D بدينا بالمطبخ غسلت الماعين وهوا جابهملي وخلاص وواقف يهدرز بالأسم وخلاص _ بعدها شريين الحوش وشرين قلبي معاه أكيد عرفتو منوو ولا هوا في غيره أصلا =D ناعليا منه مدوب قلبي =3
يتبع ..
