الساعه التاسعه مساءا
في ليله من ليالي الشتاء الممطره والمضلمه واذا بي اصل الى البيت المنشود فطرقت الباب فيفتحها لي من سيغير حياتي الى الابد
قبل الحدث 👇
خلوني احجيلكم عني اسمي سمر عمري ١٦سنه مااكلكم اني حلوه لا اني اخبل هههههه وهاي بشهاده الكل
راح تتصورون اني مغروره بالعكس هواي متواضعه ومن عائله متواضعه وبسيطه اني ناعمه بس جسمي مناسب لعمري ويصيحولي هواي كتكوته عيوني زرك وبشرتي بيضا وشعري اشعر اشبه ماما
ماما اصلها كرديه وبابا من بغداد
ماما وبابا جانوا هواي يحبوني والاهم جانوا واحد يحب الثاني جنت اشوفهم واشوف نضراتهم كلها حب عبالك البارحه متعرفين على بعض الله شكد هالشي حلو .هالشي عكس على حياتي خلاني اعيش بدلال وطمأنينه حياتنا خاليه من المشاكل كلها حب واحترام
جنا هواي نحتفل بعيد الحب .راس السنه.بمناسبه وبدون مناسبه نحتفل المهم نضحك وننجمع مع بعض بس ....
بيناتنا احنا الثلاثه لليوم مدخل شخص حياتنا حتى اهل ماما وبابا ماالهم وجود اصلا مااعرفهم
جنت اسال ماما عن اهلها وسبب انقطاعنا عنهم فااشوف بعينها دمعه فااكول خلص مااريد اعرف احنا شناقصنا احنا احلى عائله فتحضني بحضنها الدافي
بداخلي فضول بس مااريد اقهرها او اقهر بابا لان لو يريدون يكولون جان كالولي
بيوم جنت متاخره عالمدرسه والخط عايفني ورايح متت قهر وعندي درس ثاني امتحان
سمر ..شلون بابا تاخرت وعندي امتحان راح اموت قهر
بابا ..سنفورتي تنقهرين واني موجود اني اوصلج بس خلي تخلص ماما ناخذها ويانا للسوك نسوك لااحتفال باجر ..صح بابا نسيت باجر عيد زواجكم اوك ننتضرها وكل عام وانتم احلى شموع تنور حياتي وحضني فدوه لحضن بابا عالم ثاني
ابو سمر ..يله حبيبتي ام سمر استعجلي سموره متاخره
ام سمر حاضر حبيبي خلصت هياتني جايه
ابو سمريله نصعد يااغلى اثنين بحياتي
ام سمر ليش اكو غيرنا
ابو سمر .لاكان ولاراح يكون 😘 صعدنا بالسياره والطريق كله نسولف عن احتفال باجر عبالك راح يجينا ضيوف ولايكولون بس احنا واضحك بداخلي واكول الله يخليكم الي
بالطريق بابا فتح اغنيه كاضم الساهر لماما
)(اني خيرتك فااختاري مابين الموت على صدري او فوق دفاتر اشعاري )
ام سمر حبيبي وين ماجان بس كون يمك ههههه
ضحكنا كلنا وجانت اخر مره نضحك بيها ....
محسينا غير سياره بيك اب بوجهنا حاول بابا يتخلص منها بدون فايده فجاه حل الضلام مشفت شي بس سمعت صوت سياره اسعاف وناس ملتمه فتحت عيوني لدقيقه شفت ماما وبابا والدم مالي وجهم حاولت اوصللهم بس مكدرت رجع الضلام
فتحت عيوني واني نايمه بسرير وحواليه اجهزه اول شي فكرت بيه ماما وبابا
سالت ماما وبابا وين اريدهم
الدكتور الحمد لله عالسلامه بنيتي
