كلها تفاجات من قرار ابوي
سمر ...شنو شو فجاه كال اريد ازوج شنو الي صار خرب كتلني الفضول
خلود ...تالي صبرنا ونتوسل بيه يزوج ياخذ زهراء
ام علي يمه شبيها المهم يزوج واشوف جهاله
ملاك ...يوم هو وين وهيه وين اخوي جنه العافيه
كافي اسكتن لايجي ابوجن شيخلصنا
علي طبيت الغرفتي واني اتخيل اتزوج من جبار ابو المولده قصدي من صفا لعد هاي حضي ضخمه صخله كل انوثه مابيها
يعني ميصير ابدلها بوحده حلوه مثلا سمر
اوف ربي على سوايتي الكشره اوف ربي صاروخ على بيت عمي موت بس صفا بيه ولو هيه شعليها اني غبي شوداني
صافن وطبوا عليه مازن وملاك وخلود
كتلهم اش بدون سؤال البيه كافيني
ملاك خويه تصوم تصوم وتفطر على بصل
كالها خويه البصل احسن شويه ضحكوا هم ضحكوا اني شمرت المخده عليهم كتلهم اطلعوا
ثاني يوم راحت امي وزهراء وخلود خطبن صفا وابوي محاجي عمي بس حذر الكل ميحجوله الصار حتى حذر زوجه عمي يخاف على علاقتهم ماحجيلكم سعادتهم لان كلها تحلم تناسبنا موعلمود جمالي بس كلها دور صيت وابوي واحنا الحمد لله سمعتنا سابقتنا
سمر مااعرف ليش ضجت من سمعت راح يزوج رغم اني هستوني متعرفه عليه بس يمكن لان هو ضايج شو شكله محاب زواجته هاي
علي ...عدت ايام واني كتلهم ماازوج غير بعد زواج اختي ممستعجلين
كلت بلكت الله يفرجها وتفطس صفا شيفطسها تفطسني اني وميصير بيها شي 😣
سمر..عدت ايام واسابيع واني حيل مرتاحه وياهم اتصرف براحتي واتشاقه نسهر ونتفرج عالتلفزيون سوى مثل كل عائله جبيره جنت احلم بيها مااكول كدروا ينسوني اهلي بس سدوا فراغ جبير جان بحياتي
عمي قدملي على مدرسه وسجلني بخط بس جان شرطه من المدرسه للبيت ومن البيت للمدرسه حتى على محل مااوكف نفس خوف بابا عليه
قبل حنه ملاك بيوم خاله طلبت مت علي ياخذنا للصالون
ام علي ...يمه علاوي اخذهن للصالون
علي... يمه عوفيني بقهري
ام علي ....يمه الزواج مهم اني اجتني عدله اريد اشوف جهالك
علي...يي يمه تحقق امنيتج التخبل 😒
ميخالف اوصلهن وبطريقهن خلي ياخذن صفا خبلتني تريد تروح تسمكر وجها قصدي تتمكيج
ام علي ههههههه ولك يمه حرام عليك وصاحت سمر يمه حضري روحج تروحين وياهن
علي.. بربج سمر مال صالون
ام علي ليش يمه موبنيه وعدنا عرس حالها حالهن
علي ...يمه شسوي مثلا هيه شو صبابه.
يمه شغلات بنات ماعليك انت
سمر ...خاله اني شعندي رايحه وبعدين انتي موتعرفين حزنانه
..اني جنت لسه لابسه اسود..يمه الحزن بالكلب وبعدين روحي غيري جو واشتري شي تلبسيه
كتلها ماشي
اول مره اطلع من اجيت لحد هسه بس هالكم يوم كمت اروح للمدرسه بس كلشي ماشايفه من الشارع يلا همزين طلعه ونسه ....
