نرجع بالاحداث شويه بالمستشفى ابو علي رفض اي شخص يدخله بس زوجته وسولفلها على كل الي شافه بس بالاضافه حجالها ان سمر مالها دخل وعلي سوى نفس هالشغله وي صفا
ام علي اني يسولفلي واني مصدومه ابني هيج يسوي بعرضه
ابو علي ...خلي اكمل سمر مومثل صفا سمر يم علي ماالها احد هاي اذا متت راح تضيع بين الرجلين والبنيه حلوه راح يطمع بيها الرايح والجاي
ام علي عمرك طويل عيوني زين مورادها ابن اخوك خلي نزوجها وخلي ترتاح
ابو علي من كل عقلج انطيها لواحد عطال بطال وهذا خيري كله يروح هيج هاي بنت اخوي صح جان اخوي الاصغر مني بس بيوم الي جانت حالتي موزينه مقصر وياي عاف كلشي وشتغل وي ابوي وضل يميزني عن الكل
ام علي لعد شراح تسوي
ابو علي كل الي اريده منج تروحين وتكولين لسمر عمج يكول من اجي وتسمعني احجي تكول حاضر لااكص السانها
سمر اني بالبيت وخايفه من عمي والله اني مضلومه وخايفه من علي هو افتهم غلط شراح يكون مصيري خاف انشمر بالشارع مثل ما شمرني خالي
يارب رحمتك ولطفك بيه ماعندي غيرك
سمعت صوت يكولون طلع عمو وكلها ملتمه دخلت خالتي وكالتلي
عمج يكول اذا حجيت ممنوع تفتح حلكه وتحجي وبس تكول حاضر
هزيت راسي وكلي خوف جان تحضني خالتي وكالت لتخافين اني امج موخالتج واكفه وياج افيش ياحضنج شكد جنت محتاجته
بعدها طب علي وهزلي بعيونه افتهمت يعني نهايتي على ايده عزه بعيني راح اترك حمولي على الله وهي تفرج
وفعلا اجه عمي وبيتنا مليان كلها فرحانه الا اني ميته من الخوف
جان يدخل وسلمنا عليه
ابو علي...عندي حجايه مدامكم ملتمين
سمر ..بداخلي راح انفضح على الخالي بلاش خلي ابررله قبل ميحجي ها بس هو وصالي مااحجي
ابو علي ..اني وصلت للموت ضليت افكر اذا متت شلون راح تعيشون شفتكم كل واحد عايش حياته ومأمن على مستقبله الي راح يتضرر هو سمر امانه اخوي ودمي ولحمي وفضل ابوها على راسي
سمر... محتاره وقلقه شومعصب ماضربني 😯
بدوني راح تضيع فراح ازوجها بحياتي قبل مماتي حتى اطمأن عليها راح تكولون بعدها صغيره وراح اكللكم اني مضامن باجر شراح يصير بيها
صفا ...بداخلي يي راح نخلص ويزوجوها من اخوي
علي ...بقالي خيط واكتلي واحد خلاص واكتل روحي شنو يزوجها بس مااكدر احجي ابوي هستوه طالع من المستشفى
سمر ...لا عفيه مااريد ..بس بداخلي اخاف احجي ...
ابو علي ...راح يزوجها واحد من ولدي حتى يكدر يصونها ويحافظ عليها ...لان اني تاركلها الي يكفيها من مال حتى يرعى مالها هم
سمر كلنا باوعنا على احمد لان الوحيد الي مامتزوج ..صدمت عمري بس احمد يحب خطيه بداخلي اريد اصرخ واكول لاخطيه اني طبني مرض حضي زفت بس هالولد يحب اوووف ربي
احمد ...خرطت من الخوف لو ما مستند عالحايط جان طحت صح سمر حلوه ومقاصره بس اني احب وصارلي سنين ومبقالي شي بس اوووف مابليد حيله تدمرت
ابو علي باوعت على احمد قلق اني اعرف هو يحب وكلهم عبالهم اله فكلت ...احمد عنده دراسته وناوي اسفره يعني مومال زواج وحتى شغله ماعنده
احمد 😍
سمر ياخذها علي هو ابده بيها ابن عمها الجبير والشرع محلل اربعه واشوفه لسه مصار عنده جهال احمد ..سمر ...صفا ...مازن ..زهراء ...😮
علي 😍
