حكم الاقدار

البارت الثاني عشر

طلعت اركض للباب بس بدون مااطلع صوت وجان اشوف زوجه عمي بالباب دفعتها وطلعت كل همي بس اريد اطلع من البيت وهيه تصيح وراي اوكف علاوي شبيك
صفا شككت ملابسي وطلعت لامي  ابجي  وسولفتلها وكتلها علي اعتده عليه وربطني وجان سكران وطبعا كلها تعرف هو يشرب كامت تلطم وماما صارت عاقله ومكالت لاابوي لاقررت تروح لبيت عمي وتلم الموضوع بينهم 
علي طبيت لكيت اهلي يتريكون دادخل للحمام لكيت سمر بالحمام والغبيه مقافله الباب ضليت صافن وهيه تصيح منو يربي كريمه شنو هاي سديت الباب وكلت غير تقفلينه للباب واني اكول ربي الحمد لله مقفلت الباب 😍
سمر انفتحت الباب واني هواي خجلت اني شلون نسيت اقفل الباب سمعت صوته من يكول ليش مقافله الباب ياهذا علي بس هو سد الباب بسرعه الله يوفقه
علي اني داتلاغا وي الشيطان وناسي الطركاعه الي اني بيها يربي شيخلصها هالشغله وشلون لو وصلت لاابوي ملكيت غير السعلوه صفا قصدي بت عمي
سمر كل العائله تكعد عالريوك وبينهم يضحكون ويسولفون هالشي هواي جنت متمنيته طبعا تريكنا وشفت زهراء وخلود بيناتهن وحده تسمع الثانيه حجي خلود ..شوفي زهراء ميصير تعوفين شغل البيت على ملاك مبقى شي على عرسها لازم ترتاح حتى اديها من المواعين ذبلن
زهراء عيني اني مملحكه عل ابني وابوه نوب شغل البيت اني يادوب الحك اغسل ملابسهم وحده شدت وي الثانيه جان يصيح عمي بسجن عاد زهراء بابا حاولي تراعين الله بالبيت ميصير هيج وخلود انتي لاتدخلين بينهن بابا ميصير مااريدج تنكرهين صار معلوم
وباوعلي
سمر شوفي انتي حالج حالهن اليجري عليهن يجري عليج شغل وراحه ومصرف وكلشي
صراحتا اني هنا تشجعت كلت سمر ...عمو كلامك صح  اني صحيح مااعرف اشتغل بس اتعلم بس عندي طلب
وهو مدنك كال كولي
سمر عمو اريد اكمل دراستي
ليش انتي بالمدرسه كتله اي
كال صار كتبيلي اسم مدرستج وخلي مستمسكاتج يم خالتج ويصير خير
مااكوللكم كميه السعاده الي اني بيها يربي واخيرا
وجان تندك الباب بس شنو مواندكت تفلشت ....