الدكتور اهدي بابا الحمد على سلامتج اني تهسترت كلت مستحيل وخروا عني خلي اروحلهم ضربوني ابره محسيت بعدها
بقيت بالمستشفى واني ماليني القهر نسيت الوجع الي بجسمي وتغلب عليه الم قلبي واحساسي بالوحده والمصير المجهول
وين اروح ..وشنو مصيري مااعرف تساؤلات هواي بداخلي
مالهن اجابه
بقيت على هالحال بالمستشفى
اسبوع اجاني الدكتور وكال بابا حالتج هسه احسن لازم تطلعين من المستشفى
سمر ..دكتور وين اروح ومنو الي مااندل حتى اروح للبيت وحدي ..
الدكتور بنتي هاي قوانين المستشفى مابيدي شي واذا تردين شي مني بس كولي بس مااكدر ابقيج هنا
سمر ..دكتور بس وصلني للبيت واكون ممنونه
سمر .هو دكتور ماملزومه منه اني بس جنت حايره شلون ارجع للبيت اني مااطلع وحدي ابد حتى للمدرسه يوديني ويجيبني الخط
وفعلا ثاني يوم طلعت من المستشفى وصلني الدكتور للبيت وتشكرته ودخلت للبيت
مااحجيلكم عن كميه الحزن واني ادخل للبيت المهجور بعد ماجان مليان ضحكه وفرح
هسه حتى حيطانه تبجي
راحت رحلي لغرفه ماما وبابا مددت على فراشهم وماحسيت غير نمت ...
حسيت وي اذان الضهر ودمعتي على خدي اوووف ماما محتاجه حضنج اوف بابا محتاجه الامان شلون اضل وحدي هنا واني اكلب بااغراض ماما وشفت تلفونها ...حبيبتي ماما ناسيه تلفونها بيومها لان استعجلناها ضليت اباوع عالصور مالتنا وعالرسائل وفجأه شفت مكالمات هواي من رقم غريب رقم وحده اسمها مرام
تفاجات 😮مرام منو
