علي دفعت باب الغرفه واني كوه واكف درجه الثماله عندي واصله الفول ..لان بقيت كل النهار اشرب حتى اكدر اجرع مرار هالليله
دخلت وجانت صفا بلغرفه تخيلتها سمر ضليت افرك بعيوني وبعدها صورت سمر عالجربايه بدلتها البيضا المنفوشه ناعمه ورقيقه ومليانه انوثه ورقه وعيونها الي يجدحن من بعيد 😍شعرها الي رافعته ذيل حصان اشقر وتارس ضهرها اوووف مثل الكمر وكاعد على جربايتي اخر شي اذكره تدنيتلها وبستها وبعدها ماذكر
صفا ضليت مصدومه يعني يحبها ل سمر شلون مصيبه هاي ومااباوع عليه غغير ديشخر بصفي
😯
ثاني يوم كعدت الصبح قبله تعمدت ابقى بالبدله حتى يحس بغلطته وكفشت شعري وخليت كحلتي تسيح ولو ساحت لان بجيت وضليت اتامل بوجه هو كعد اني سويت روحي نايمه ...
علي....كعدت صداع موتني اباوع صفا ابدلتها بعدها ومبينه باجيه الضاهر مصار شي كمت غسلت وجهي دابدل وحسيتها كعدت
صفا ..صباح الخير
علي انقهرت عليها رغم منطيتها حقوقها تصبح عليه كتلها صباح الخيرات صفا اني اسف علي صار البارحه
صفا ...عادي حبيبي مصار شي
علي ...صفا لاتسولفين وتكولين اني ماتدنيتلج البارحه مااريد احد يفهم غلط بس جماعتي ورطوني وشربت زايد
صفا ...كتلك عادي حبيبي بس ممكن طلب ..
علي ..كولي
صفا ...اريدك تمصمص ركبتي لان تعرف كل العرايس بليلتهم هيج يصير بركبتهن ومااريد احد يشك
علي ..بداخلي ...شنو هالصلافه والجرئه صح هيه علمودي يمكن بس مهما كان هيه المفروض تستحي شويه
وفعلا نزلت على رقبتها وبديت ابوس بيها حتى ابقيلها اثر وهيه تعمدت تطلع صوت عود تغريني
وشويه شويه محسيت غير ....نمت وياها
اني شاب ومن شغلتها لسه ممتونس وي وحده وهيه حلالي والشيطان شاطر خلصنا وبديت ادخن جكاره ..صراحتا اني صح اشرب بس ماادخن لان مااحبها بس هالمره دخنت مااعرف ليش حسيت خنت كلبي سويت شي مالمفروض اسويه وبداخلي اكول لازم هالشي يصير مواليوم باجر طلعت صفا للحمام طبعا الحمام وغرفتنا صاير بممر واحد بالطابق الارضي وبيتنا اكثر من حمام بعد مخلصت الجكاره كلت اروح اسبح
طلعت من الغرفه واشوف سمر طالعه من الحمام تبجي وعيونها حمر .....
