علي انصدمت من الي سمعته من ابوي بداخلي فرحان والدنيه مسايعتني وبنفس الوقت الي شفته سمر واكفه وي ...استغفرالله
سمر عافتنا وطلعت اباوع خلود وملاك اثنينهن يباوعن على صفا ويضحكن اني لساعني مصدوم اما صفا فبقت واكفه مصدومه بدون حركه وبعدها ثارت مستحيل اقبل مستحيل اذا صار هالشي ساعه مااكعد هنا
علي ...اهدي صفا ابوي مريض
ابو علي ...الله وياج بنتي اني كلت اليعترض يطلع من البيت
اترخصوا اخواتي وازواجهم وزهراء ومازن صعدوا لغرفتهم
وصفا بغرفتها
صفا ..كاعده واكل بروحي يعني اني اريد اخلص منها انوب بسببي ازوجها رجلي لا الله لو على كص ركبتي اني متت ياله تزوجته شلون اشاركه وي وحده ثانيه
علي ...اني طلعت رحت لبيت عمي اهل صفا ...شفت ابن عمي وجان ينهزم ركضت وراه وجان اكضه
ولك ملعون بعدني ممكمل كال اوكف كله بسبب صفا هيج وهيج السالفه والله البنيه مالها دخل وانت تدري شلون اهاب عمي اني معقوله اطب لبيته والعب بيه انت شلون تعقلها
علي ...بداخلي صحيح كلامه مولان هو يخاف بس لان اني اعرف صفا ولو تريد جان قبلت بيه مواجه تقدملها
سمر ...اني لاحول ولاقوه صح احبه لعلي وادري يحبني بس موهيج هو مزوج وصفا رغم خباثتها وحقارتها تحبه وبت عمه والي زاد الطين بله عمي يضن اكو شي بينا وعلي يضن اكو شي بيني وبين اخو صفا اوووف ربي شنو هالحيره وكل هالشي اخاف احجي شمااحاول ابرر مترهم
صفا ...خلص مامنها لو اني لو سمر ..😬
رحت لغرفتها سحلتها لغرفه عمي لكيته هو وعمتي وجان اكول شايف هاي اكتلها واكتل نفسي اذا تزوجت علي
سمر اجتني صفا سحلتني سحل اريد اهرب منها ماكو ياربي شكد قويه ولاعبالك مره
سحلتني ليم عمي
خالتي صاحت بيها اتركي البنيه انكسرت ايدها
عمي خازرها بس ميحجي اصلا عمي نضراته تخوف
وجان تكولهم صفا لعد من كسرني ابنكم واخذ شرفي شو ماكلتي ليش اني موهم بنت اخوك ياعمي 😑
علي دخلت للبيت واني فرحان سمر معدها شي وي اخو صفا
واسمع صوت صفا يلعلع من غرفه ابوي فرحت ودخلت وسمعت كلام صفا
علي ...كافي تعيدين بهالموضوع
صفا ...ليش تخاف تسمع ست الحسن شلون اغتصبتني
علي ...ضليت عيني على سمر وابلعم
سمر ...معقوله علي بهالنذاله صح زواجه صار فجاه بس موهيج صح حسيته مجبور بس عبالي عمي جبره لان متاخر بالزواج ويتاخر بره
ضليت مصدومه
علي ...بداخلي سمر ماجنت اريد اصغر بنضرج الله ينتقم منج صفا
جان ينهض ابوي على حيله وكاللها صفا صح انتي بنت اخوي بس سمر هم بنت اخوي غلط وياج وغصبته يصحح غلطه وانتي كضيتيها وياه مناكره وماريحتيه فهسه راح اخذله الي تريحه بس موغصب اذا طلب واذا زوجج الي هو ابني كدرتي تخليه مايزوج ف مالي حق اجبره وازوجها زينة الزلم
صفا ...علي ممنوع تزوجها تره اعوفك واروح الاهلي
صفا الباب يفوت جمل كلمة ابوي وحده
صفا طلعت لمت غراضها ولبيت اهلها
اما سمر طلعت مصدومه حاولت احاجيه مسمعت غير كلمه وحده منها شكد حقير ونذل بت عمك تكسرها ...
