مرام ثاني يوم ضليت حايره وين اودي هالبنيه هذا وليد مجرم خاف يموتها وبنفس الوقت ميخليني اخذها يمي طيب اوديها لملجأ لا سوده عليه شلون راح اصخي بيها منو راح يداريها اووف ربي شأسوي
بهالاثناء دخل زوجي عليه وشافني حايره وسالني اذا اعرف اهل ابوها
كتله اعرف بس اسم ابوها وعائلتهم واعرف هم من بغداد كال هالشي كافي اني راح اسال عنهم ودزيها يمهم عالاقل بلكي يطلعون ارحم من اخوج وابنه الناقص والله هو تزعلين ترضين ابن اخوج مكسر ومحد يصدك بيه بس اخوج الله يسلمه يريدله حجه
اني اقتنعت بكلامه
مرام ..مااحجيلكم عن كميه الوجع الي داحس بيه موكافي حتى مصارلي وقت من فقدت اهلي انوب اعيش هالضلم والوحده ياربي شلون وين راح يصير مصيري تعالي ماما شوفي بنتج شلون اهلج ضلموها مثل مضلموج
اجتني خاله مرام وكالت باجر ترحين منا مااريدج تضلين الله سترج المره الفاتت ماتضمنين الجايه شلون وبعدين خالج مصمم ميريدج هنا
كتلها شراح اسوي خاله وين اروح كالت باجر الله كريم
مرام بالموت ياله قنعت وليد تبقى بعد يوم وقنعته كتله راح اوديها لملجأ
بليل اجاني زوجي وكال عرفت اهل ابوها طلعوا ناس معروفين حيل واحد من عماما رتبه جبيره بالجيش وعائلتهم حيل جبيره
مرام يالله ناخذها باجر
يي بس بشرط يبنت الحلال نوصلها للباب بس مانريد يشوفونه مالي لك السؤال والجواب وبعدين انتي كلتي ابوها عاف اهله واخذ اختج يعني مالنا خلك المشاكل
مرام بس ...
بدون بس نوديها للباب فقطسمر ثاني يوم الصبح اجتني خاله وزوجها عاساس توديني للملجأ واني صالي يومين رغم خاله تلح عليه اكل بس ممدخله لكمه بحلكي
طلعت بينا السياره وطلعنا لبغداد بالطريق وكامت تمطر والجو بيومها حيل بارد اني مااعرف بردانه مااعرف جوعانه مااعرف شنو احس احس روحي بغير عالم خاليه من اي شعور لان سلمت امري لله
وصلنا الشارع طويل واشرلي زوج خاله مرام على بيت بنص الشارع وكال ذوله بيت جدج اهل ابوج روحي بلكي ارحم من خالج
باستني خاله مرام واعتذرت مني وكالت مابيدي شي اسوي وحضنتني
ضحكت بداخلي كلت طلعت من نكره راح اوكع بالاسوء
طلعت من السياره وبديت امشي والدنيا تمطر عليه احس الشارع شطوله امشي بدون وعي
وصلت للباب الي اشرولي عليه واني مبلوله من المطر وحال الضيم حالي وضليت ادك بالباب بدون محد يفتح اخر شي دكيتها فتحلي الباب شاب حتى مااذكر ملامح وجه من كثر متعبانه محسيت خير طحت مغمى عليه بين اديه ...
