علي طبيت للقاعه مشفتها سالت ابو الاستعلامات كال دخلتلها للغرفه ابني واكفه بالشارع والعالم طالعه من الوجه شلون تعوفوها بنيه وحلوه وصغيره بالشارع عيب ابني وميصير
علي عفته يحجي ورحت للغرفه اصلا لو بيدي ماخليها تطلع
دخلت واشوفها مثل طفله ومتيها امها محسيتها غير ارتمت بحضني 😍اووف ماتتصورون احساسي شلونه انوب يوميه اخليها بمكان واتيها ههههه لاجذب ماخليها تطلع بعد
سمر فتح علي الباب واني رحت بدون وعي وارتميت بحضنه ليش مااعرف ليش بس ردت احس بالامان ماعرف اكو سبب ثاني انتبهت وجان ادفعه
سمر ...اكول انتم ليش عفتوني
علي ...ثول جنتي حبايبه وحاضنتني تعالي ارجعي الحضني وجريتها
سمر امشي وخر علي يله وديني للبيت
علي ...امشي امي والبنات كالبات الدنيا عليج
ركبنا بالسياره وبالطريق
علي وكفت السياره وكتلها اوكفي خلي اشتريلج كرزات تلهي بيهن بالبيت
سمر ....ماشي تسوي فضل
نزلت وجبتلها حلويات
علي ...سمر بله ليش مركبتي الكيه
سمر ...هم عافوني وضلت تسولف
علي ...اني بس اذكر كلمه عافوني ضليت سارح بشفايفها الحمر وطريقه الي تحركهن ومحسيت غير ادنيت عليها وبستها وجان يجيني راشدي معدل
سمر دنسولف ومااحس غير علي باسني كوه شلعته مني وضليت اصيح عليه كتله هاي انت شتفرق عن محمد ابن خالي كلكم نفس الاخلاق
علي ...كالت هيج احس خلت سجينه بصدري صدك نفس الاخلاق اني شفرق عنه نفس الشي سويته وي صفا وهسه بست سمر بس والله موقصدي وووف
كلتلها كافي لغوه اني اسف موعبالج ميت عليج اصلا انتي موستايلي وموحلوه وضحكت
سمر ...لابله يمكن صفا احلى مني علي ...شجاب الورد للعاقول 🤣
سمر مااعرف ليش ماحقدت عليه ولااعرف ليش مازعلت منه على هالبوسه معقوله اني قابله لا لا هو اعتذر
علي انسي الصار موقصدي والله واذا تريدين هاي راسج ابوسها
سمر رحمه لوالديك بلا بوس اني قابله اعتذارك وضحكنا ورجعنا للبيت
بالبيت خاله مفرفحه عليه هيه والبنات حتى زهراء جرت اذاني وكالت انوب ايدي باايدج موتينا عليج
حبيت هتمامهم بيه
وبيتهم جان مكلوب ناس رحت للغرفه بدلت بس لبست تراك وردي ومشطت شعري ورحت للمطبخ اساعدهم بالعشا خطيه
كعدت اسوي اعظم شغله واصعبها الزلاطه 😃
واني داسوي وصفنت وتذكرت بوسه علي
استغفرالله شنو هاي
طبت صفا تسال عن علي كتلها بغرفته مااعرف ليش بديت اضوج من تسال عليه رغم اني اعرف هيه خطيبته ومن حقها ...ليش برئيكم
معقوله احبها اكيد لا لان احسه ممووافق عالزواج هذا
علي اني بالغرفه واكول شيصير لو ازوج سمر بمكان صفا هسه لو ماهالدكه الناقصه السويتها جان تغير كلشي
سمر تصير زوجتي اوف هم حلوه وهادئه احجي بصوت واطي احسن من هاي البو.....وجان تندفع الباب وتطب صفا .صحت سلام قول من رب رحيم
صفا رحت لغرفه علي سمعته يسولف بصوت واطي كلت يمكن ديخابر خلي اجفت عليه واصيده وجان ادفع الباب الكاه ليخابر ولايمه احد
بس اباوعله بسم الله شنو من جسم شنو جمال نوب بالملابس الداخليه وضليت صافنه عليه
علي ...هاي شبيج ولج شنو صرتي زومبي وراح تاكليني ولملمت روحي
صفا ..شنو قصدك زومبي تره زعلت
علي ...لاتعالي عيني لاتزعلين اشاقيج
ضلينا كاعدين بالغرفه ونسولف
صفا .خلي انتهزها فرصه واكسر كلبه حتى يحبني ويتقبلني
كتله نفسيتي لسه تعبانه من هذاك اليوم وكمت ابجي وكتله ادريك متحبني وراح تزوجني غصب
علي ..صفا سولفيلي عن ذاك اليوم اكيد اني جبرتج لو
صفا شنو قصدك اني الي غصبتك وسويت روحي زعلت وداكوم واني ابجي
علي قهرتني جريتها وكتلها اسف وحضنتها داواسيها بالنهايه هيه شنو ذنبها اني الي فاشل
بهالاثناء واني حاضنها طبت سمر ...😳
