قريت رسائل ماما وجانت من وحده اسمها مرام وكاتبه بيها
حبيبتي اختي طمنيني عنج والله موهينه عليه عايشه بعيده عني كل هالسنين لو بس اكدر احضنج بالحقيقه متكفيني الصور
وماما راده عليها المصبرني كل هالسنين بفراقج هو زوجي حبيبي الي مالي عليه كل حياتي وبنتي ثمرت حبنا الي حاول يمنعها اخوي الله يسامحه
ضليت صافنه معقوله هاي خالتي
زين ماما تتواصل وياها ليش مكالتلي عدها اخت 💔يعني اني عندي خاله فرجك ياربي
اي اني مو مكطوعه من شجره عندي خاله فرحتي بهالشي نساني سبب الي خله ماما تضم هالشي عني
محسيت غير اتصلت بيها
رن التلفون رفعت الخط وحده كالت الووووو
سمر ..صحت بدون وعي وبدون مقدمات خاله خاله مرام ماما ماتت ماتت
مرام ..منو انتي بنتي
سمر اني سمر خاله
سمر مسمعت صوت بعد ضليت اصيح خاله خاله
مرام ..نطيني العنوان والصبح اني يمج نطيتها العنوان وسدت التلفون
تعجبت من ردها توقعت اسمع صوت بجي او اي رده فعل بس كالتلي اجيج يعني الحمد لله راح تجيني ومابقى وحدي
صليت ركعتين شكر لوجه الله لان معافني وحدي
فكرت شلون ابقى وحدي لثاني يوم اوف ربي
اني عندي فوبيا من الضلام من طفولتي زين شلون اذا طفت الكهرباء اوف شسوي ي ربي
ملكيت غير اروح لبيت جوارينا اصلا علاقه ماما بجوارينا سطحيه متختلط بااحد بس جارتنا ام محمد هاي مره جبيره جانت تدزلنا خبز من تخبز بتنور الطين كلت اروحلها اكيد متعرف بيه بالبيت
دكيت الباب طلعتلي
ام محمد ...حبيبه سموره البقيه بحياتج خاله وباستني خاله عبالي يم بيت جد لو عم ميستاهلون اهلج والله جيران السرور مايوم سمعنا حسهم
سولفتلها على خاله ومحتاجه احد ابات يمه
ام محمد خاله اني عندي شباب بس اروح اني ابات يمج احسلج
سمر اي والله خاله علواه
وفعلا باتت يمي نمت من التعب محسيت غير ثاني يوم الضهر على صوت الباب رحت اركض للباب اريد افتحها
وفعلا فتحتها وجان اشوف خاله مرام ....
...
