#ماذنبي انا...باللهجه العراقيه مكتمله.. احلام السعدي

البارت الاول

السلام عليكم....... رجائا... لاتحكمون عالقصه بسرعه...... اقرؤو القصه نصها او ربعها او كلها.... يله احكمو عليها...... رجائا.... اتمنه تفهموني......

ــــــــــــــــــــــــــــــــــــــــــــــ
مااراح احجي عله حياتي قبل الحادثه هاي.

راح احجي بسرعه للحادث الي غير حياتي للابد. ومجان ابالي يصير كل هذا بيه.

اني نايمة ومرتاحه اكيد يم امي واختي

. اخويه بالدوام بعده مااجه. تقريبا حوالي ساعه ب٣ الضهر.

سمعت دك كلش قوي باب بيتنة جانت فزينة اني وماما وميان  خفنة كلش.وماما بسرعة كالت ياستار ياربي. شكو ليش هالدك هذا.

بسرعه وكفنا يم الباب ونكول منو. احنه عايشين بمنكطعه يعني قليل كلش بيوت يمنه ومايسمعونه اصلا لان شويه بعدين علينه.

فجاة نكسرت الباب. واحنة وراها. كلنة جنة بلا حجاب.واني جان شعري بدون قراصة هم ووكعنة كلنة  بالكاع.

جاني واحد  عمرة بال30 يمكن او يتهيءلة.
كال منو الجبيرة.بينكم. كنة سكتنه.. ولزمني من شعري حيل واني  اتوسل بي يعوفنة.هذا منو وشنو الي يرده منعدنه.

وماما تعيط حيل وتريد احد يجي يساعدنة ماكو. اكيد ماكو. منو يسمعنه. كمت ابجي واتوسل بي يعوفني.

لزمني شحط واني لازمة ايد ماما.والخ لازمة ايد هذا الي لازمني من شعري. اذاني كلش.

وخر ايد ماما بعصبية. ولزمني شحطني من شعري  للشارع .واني اعيط. واني اكلة بس البس حجاب حجابي حجابي اريد حجاب.

عليك الله استرو عليه الله يستر عليكم.ماكو بلا جدوه.

وابجي واتوسل بي يوكف بس البس حجاب. هو ولا يهمة شمرني حيل بسيارة جبيرة سودة. وجان يمي 2زلم  من جهتين واني اتوسل بيهم بس حجابي فدوة بس حجابي مايردون.

طول الطريق ابجي واكللهم وين موديني رجغوني لااهلي لاامي ولااختي. اكيد يخافون عليه. واني اخاف عله امي بيها سكر والله تنجلط.

مااحد حجه ويايه ابد.

سكتت واني دموعي تصب. انخطفت اني انحطفت.

وصلنة ليم بيتهم.اريد اعرف شكو عبالك جايبين طلي ويريدون يذبحو.كمت ابجي بهستيريا .شمرني حيل كدام كل واحد جبير. واني اباوع عليهم ولا شخص اعرفهم منو هذولة معقولة نخطفت.زين همه عبالك يعرفونه كلش زين.
لو شنو....

ياربي استر والله اتي يتيمة والله.

كمت ابجي وعيوني تغوش من الدمع.

الا ان حجه رجال جبير بالعمر يطلع عمرة بال50 سنه.

وكال بعصبية آصف انت تخبلت شلون تجيبها هنا وبدون ملابسة  حجاب.البنيه حرام عليك يابه.