جمانه في دنيا الذئاب
بقلم تهذيب الحسن*****
رجعت للبيت صدري مخنوق ،متوتره ومرتبكه ومخربطه احوالي،
وشعوري بعدم الرضاء عن نفسي شعور قاتل ، اريد اقنع نفسي اللي سويته مو غلط ، بس اني ادري اللي سويته اكبر غلط شلون اواجه رب العالمين غلطت بحق نفسي وبحق اهلي واولادي ، بعد اليوم شلون اباوع بوجوه جهالي ، شلون اباوع لنفسي ، اني تلوثت بالرذيله ، اريد شي ينسيني اللي سويته ، احس وجهي وجسمي صار نار گلت اروح اسبح بلكي يهدأ لبركان اللي بجوفي ،
بوجهي تلگاني ابني مالي عين اشوفه تجاهلته
وفتت واني اخط العبايه بأيدي وامشي بلا شعور، اخذت ملابس من الغرفه رحت للحمام
ايدي لامست الماي البارد ياريت الماي البارد يوصل النار گلبي ويطفيهه غسلت وجهي مرات متتاليه بلكت اهدأ شويه بس حسيت عاصفه اجتاحتني وهشمت كياني ، ماحسيت غير دموعي تصب جمر ضربت وجهي شخطت خدودي بأضافيري ضربت كل جزء بجسمي واني كارهه نفسي كارهه جسمي، گعدت ع ارضية واتكأت ع حايط واشهگ وابجي مستسلمه للألم والندم بلكي ابجي وارتاح، وفات الاوان ع الندم ، حسيت شي بيه انكسر ، اني انتهيت ما اگدر اصلح هالغلط شلون
نفسيتي انغلگت من كلشي مالي خلگ اكل ولا اشرب ولا الي خلگ جهالي ، وجهي شاحب، وعيوني ذبلانه من السهر، انعزلت عن العالم عايشه بعالم اضلم وشعور بالذنب اللي يقطع گلبي اشلاء .....*****
ترددت كثير انشر هالقصه شويه الموضوع حساس لأن اكو مراهقين هنا ومتناسب اعمارهم ،، ما عندي اي غايه بنشر القصه الا للتوعيه واخذ العبره ، وصاحبة القصه اصرت انشرها حتى غيرها يستفاد وياخذ عبرة من قصتهه
اتمنى تتفهمون وتستفادون كثير نساء تدمروا ضحية الواقع المرير، والضروف القاسيه
الحياة تخلي اشخاص بطريقهم عسى ان يكونوا طوق نجاة لهم، لكن الحب تضحية والم ، طريق صعب هناك من نجى وانتصر حبه، ،، وهناك من هلك ولم يجني سوى الخيبه و الخذلان ....اشكر عبير الحسيني
AbeerAL_Hussnawy
ع تصميم الغلاف
طبعاً اول مره اطلب منهه تصمملي وما قصرت وياي كلش حبابه 😍 صممتلي هالغلاف الحلو اللي يعبر حقيقة عن ابطال قصتنه
****تقبلوا تحياتي ...
جمانه في دنيا الذئاب
بقلم الكاتبه تهذيب الحسن
أنت تقرأ
جمانة في دنيا الذئاب (مكتمله)
ChickLitان كانت الحياة ضدك .... واقرب الناس اليك ... اصبحوا ذئاب وطرق الحب بابك.... لينتشلك من افواه الذئاب ... هل من الصواب ان تعطيه يدك ? وانت تعلم لا يوجد حب في دنيا الذئاب ام ان الحب اقوى بكثير من ان يمنحنا فرصة للتفكير بالعواقب ....