مساء الخير حبايبي
لا تنسون التصويت + التعليق + المتابعه الي متتابعني
قراءة ممتعه ❤
# جمانه في دنيا الذئاب
بقلم تهذيب الحسن
*****
ضحى: رحت لبيت خالي ابو وليد شايطه وعيوني بگصتي اشحگ ما الحگ ، ودي اشوف نويره واكلهه بشنوني، اريد اشوف شنو شايف بيهه شعاجبه بيهه وهيه طايحة الحض شوكت تعوف رجلي وتبطل تحوم وراه
جمانه: سمعت دگة باب الساعه 2 الضهر البيت صنته بس اني وخالتي گاعدين كلهه نايمه عبالك جايين هداده علينه دگه من دگه
فتحت الباب وبوجهي ضحى
لا سلام ولا كلام جايه مدخنه وهايجه علينه
ضحى: خالتج موجوده
جمانه: اي موجوده تفضلي خو ماكو شي
ضحى: صيحيهه اني واگفه هنا
جمانه: شنو واگفه بالطارمه تفضلي جوى شسالفه
تفضلي راح اصيحلهه واجي
ام وليد: هلا خاله ضحى شلونج صاحتني جمانه گالت ضحى عدنه،
ضحى : هلا بيج
اني جايه بشالفه والله لو مو لخاطرج جان شويت مشكله شكبرها وصلتهه للزلم
ام وليد: خير شصاير وشنو السالفه يا ستار التوصلينهه للزلم
ضحى: يرضيج بتج تحوم ع رجلي وممخليته بحاله كافي تزوج وصار عنده ولد واني حامل
خل تشوف قشمتهه خلصو الزلم بش رجلي
شتريد تخرب بيتي وتبهذل جهالي
هشه اذا اروح لأبوها واخوانهه يرضون عن شوالفهه بش اني للشتر گلت اجي احجي وياج شوفي هاي بعض من رشايل بنتج ، الباقي يعز عليه اراويج مهما ان كان انتي أم وصعب تشوفين بنتج هيج، ،، متوقعت اشوف هيج من نورا عود هاي المتربيه لعد شخلت لامهات الشوارع ،
عمه لزمي بنتح وركديهه واذا متجوز من رجلي اني اشوفلي غير صرفه وياها
ام وليد: ضليت فاكه حلگي وصافنه شحجي شگول كل الأدله واضحه وگدامي هذا رقم نورا معقوله بنتي هيج تسوي من وراي وتشمت الناس بتربيتي، ،،
دنگت راسي وحسيت بالذله نورا كسرت ضهري بالسوته ،،، اني تجيني وحده مثل ضحى تستهزأ بتربيتي ،،،
"" اني اعرف بنتي غلطانه بس انتي هم لزمي رجلج خيكف من بنتي اني الزم بنتي وانتي لزمي رجلج وكافي لطلطه قسمه ومصارت وهو تزوج شعنده بعد يفتر ع بنتي ""
خل الحجي بيناتنه وماريد الحجي يطلع ونورا حسابهه يمي ""
ام وليد: ضحى طلعت منا
واني فلتت الماسحه واخذت العوده وصعدت فوگ حاميه وماشوف گدامي اليوگف گبالي انهي نهيان
جمانه: خاله گولي يا الله فدوه لعينج تفاهمي وياها مو كلشي ينحل بالكتل والصياح
ام وليد: جمانه نزلي جوى لتجين وراي ماريد اخوانهه وابوها يسمعون شي
أنت تقرأ
جمانة في دنيا الذئاب (مكتمله)
ChickLitان كانت الحياة ضدك .... واقرب الناس اليك ... اصبحوا ذئاب وطرق الحب بابك.... لينتشلك من افواه الذئاب ... هل من الصواب ان تعطيه يدك ? وانت تعلم لا يوجد حب في دنيا الذئاب ام ان الحب اقوى بكثير من ان يمنحنا فرصة للتفكير بالعواقب ....
