هلوووو حبايب
لا تنسون التصويت والتعليق
وقراءه ممتعه 😘
جمانه في دنيا الذئاب
#
بقلمي تهذيب الحسن
*****
نورا : بعد مخلصت امتحانت عرضو النتائج
مچنت اتجرأ اروح للمدرسه وأشوف النتيجة
قبل ال3 أيام اني افكر خايفه اذا مجايبه معدل ويروح كل تعبي، خاصة اني اجتهدت وتعبت توكلت ع الله ورحت وصلت لگيت صديقاتي كلهم موجودات خطيه خايفات وبس يندعن
وأخيرا نعرضت النتائج وحالتي حاله بس اصلي على محمد وگلبي يدگ وايديه يرجفن
باوعت ع أسمي، ، جايبه معدل 87
يعني يدخلني الكليه اللي تمنيتهه علوم حاسبات يا الله احمدك واشكرك ربي مضاع تعبي وصديقاتي همين معدلاتهم زينه
گعدت تربعت وضليت اشهگ وابجي وصديقاتي محاوطاتني ويبجن ويايه ، رجعت للبيت بشرت أمي خطيه ضلت تهلهل من الفرحه
أمي': ممصدگه احمدك واشكرك يارب فرحتني بأولادي مقصرت يا أبو الجوادين
...... بشري ماما ويوسف
أمي: ناجح بس كله خمسينات
...... حتئ لو خمسينات المهم ناجح صارله سنتين بالثالث
يوسف: احمم احمم يلااا يوم حضري الآيفون الوعدتيني بي
أمي: . مو جايبلي التسعينات لو الثمانينات ،الله يطيح حضك سنتين بالثالث وجايبلي خمسينات
يوسف: حمدي ربج وشكري مو زين نجحت لتتعافين حجيه
وليد: الف مبروك نورا هالسنه انتي ويايه بالكليه ، ترئ منسيت هديتج ،بس ما أعرف اليوم النتيجه
...... مشكور اخوي الغالي يا عمري لتكلف نفسك ،
جمانه: عالخير والبركه وانشاء الله يوم التخرج بجاه أم البنين
زيد: : هاي شنو الهوسه، شبيكم
أم وليد: تعال بارك لأخوتك ناجحين اختك طلعت معدل 87
زيد: هي بهي، ع شنو اباركلهم الله ينطي الواسطات وين بيهم خير ينجحون، ،،، صبولي غده جوعان
نورا: هو وزاري يعني شلون واسطه الحمد لله والشكر نجحت بتعبي وجهودي ،
زيد: شنو اليوم ماكو غده جوعاااااان
****
أسد: يوم اريد احجي وياج بموضوع،
....... ههههه اعتقد فهمت شنو رايد اكيد اللي بالي مووو
...... فدوه اروح للتفهمني
...... انشاء الله يمه اذا ع موضوع نورا اني هاليومين اصبرلي واخطبلك اياها
واذا تمت الامور ع خير اني عندي بتوت ابيعهم واسدلك تكاليف العرس
...... لا يوم هذا ذهبج بعدين اني مراح اسوي عرس آخذهه ونروح لأربيل
...... ليش يمة انته چبيري اريد افرح بيك وارگص بعرسك ليش متسوي عرس اذا ع تكاليف تدبر
أنت تقرأ
جمانة في دنيا الذئاب (مكتمله)
ChickLitان كانت الحياة ضدك .... واقرب الناس اليك ... اصبحوا ذئاب وطرق الحب بابك.... لينتشلك من افواه الذئاب ... هل من الصواب ان تعطيه يدك ? وانت تعلم لا يوجد حب في دنيا الذئاب ام ان الحب اقوى بكثير من ان يمنحنا فرصة للتفكير بالعواقب ....
