هلوو شلونكم حبايبي الزعلانين
اعتذر ع تأخير البارت صار عندي ضرف
عائلي ومكدرت انزل
شدعواكم هيج ما تقدرون ضروفي ترى اني ما متعمده ااخر والعب بأعصابكم لو اتغلا عليكم مثل ما تكولون خلو نفسكم بمكاني يعني بدل ما تكولون عسى المانع خير الله يسهل امورج .. تضلون تحجون
عليه خيبتو املي
بعدين اليسأل تتأخرين .. موعدي وياكم بين يوم ويوم ومضبوط الموعد بس هالمره تأخر اسفه طولت عليكم بس ضجت من تعليقاتكم
لا تنسون التصويت + التعليق + المتابعه للممتابعني 😘
قراءة ممتعه ❤
# جمانه في دنيا الذئاب
بقلمي تهذيب الحسن
*****
جمانه: بعد مرور فتره ع سالفة نورا
اجو ناس خطبوها صديق وليد شاب مهندس
وشقه لوحده عايش بصف بيت اهله
خوش ولد اخلاقه عاليه تحددت الخطبه
وقطعو مهر وبعد شهر حضرنه للزواج
*******
نورا: بفتره قصيره تفصل ما بين انفصالي وارتباطي، بسرعه صارت لان هم من قبل خاطبيني ونرجعهم وهم اجوي خطبوني وماما
نطتهم كلمه، ، ما جنت حابه ادخل ب علاقه جديده وزواج لان توني طالعه من علاقه فاشله وتعبت نفسيتي وصحتي تدهورت
طلبت من ماما تنطيني فرصه لان تعبانه نفسيتي وممرتبه افكاري، بس هيه اصرت
اليوم زواجي شعور عادي مو مثل فرحه البنات بهذا اليوم بس بكل الاحوال مقتنعه بالولد لان صديق وليد ويعرفه صديقه الروح بالروح يعني اتخذت قرار بعقلانيه ، فرحانه ع فرح ماما وجمانه وشفت الفرحه بيتنه الغابت علينه اهوايه، ،
جمانه: : ولج گومي اليوم عرسج وانتي بعدج نايمه اجت حماتج تريد تاخذج للصالون
نورا: اي گايمه بس اسبح وابدل
جمانه : مو تنسين شي انه نازله لا تجي الناس
نورا: رحت للصالون وي اخت العريس ما اعرف بس ممتعوده ع كلمة زوجي
شسورت شعري ورفعته الي بف ونزلت كم خصله برم
جنت ماحابه هيج اني احب شعري اندومي واعكش حبيت افتحه والبس تاج
بس الكوافيره اصرت، گلتلهه تخلي مكياج حلو ما احب الثگيل
بدلتي مبيهه سيور هيج ام الصدر وگفت گدام المرايه ما عرفت نفسي عبالك وحده ثانيه
....... ما شاء الله شنو هالجمال هذا كله ل مروان الله يسعدكم الف مبروك حبيبتي
نورا: تسلمين
....... يلا تعالي البسج الگبع خابرت عليهم راح يجون علينه
نورا: بلا زحمه عليج اريد ماي، فدوه لتخابرين خل نبقئ هنا شويه
...... حبيبتي اصلا احنه متأخرين امي حرگتني حرگ من الاتصالات شلون نبقئ، ، تفضلي بس لتكثرين بالماي نوب تحيرين بدلتج يا داخله للحمام يا طالعه
هههه
أنت تقرأ
جمانة في دنيا الذئاب (مكتمله)
ChickLitان كانت الحياة ضدك .... واقرب الناس اليك ... اصبحوا ذئاب وطرق الحب بابك.... لينتشلك من افواه الذئاب ... هل من الصواب ان تعطيه يدك ? وانت تعلم لا يوجد حب في دنيا الذئاب ام ان الحب اقوى بكثير من ان يمنحنا فرصة للتفكير بالعواقب ....
