هلوو شلونكم حبايب
لتنسون التصويت + التعليق + المشاركه + المتابعه ..... وشكراً 😘
قراءه ممتعه
# جمانه في دنيا الذئاب
# بقلمي تهذيب الحسن
******
جمانه: سهرانه طول الليل من ورا الجهال
ما ينامون يخلصون الليل گاعدين وبس يبجون، ، واذا مؤمل يبجي مصطفئ يبجي واحد يقلد الثاني موتوني
بالنهار يلا ينامون بس اني ما گدر انام عندي شغل بالبيت شويه الضهر اخلي راسي عالمخده
سمعت صياح عالي وهوسه لفيت حجابي عالسريع ونزلت اشوف شكو
شفت نورا گاعده ع الدرج ضايجه وعيونهه مغورگات دموع، وعمو وخالتي يتعاركون
ويصيحون وليد ويوسف يصيحون بصفحه ، ما فهمت شي بس السالفه متعلقه بزيد
ضليت مثل الاطرش بالزفه اخاف اتدخل وهمه اعصاب كلش
رحت لنورا افتهم منهه
...... اسم الله شكو شبيكم شصاير شبيهم اهلج يصيحون
نورا: زويد طالع تهريب مهاجر لأمريكا من يومين واحنه مندري عبالنه يم صديقه نايم
صاحبه اجه گلنه
........ انصدمت معقوله كلشي جنت اتوقع منه الا يسافر ويعوف جهاله، ادري انه وياه ما تفقنه وتخله عني من البدايه، بس شلون عاف جهاله، عفت نورا وصعدت الغرفتي شمرت حجابي عالچربايه شلت الجهال خليتهم عالصدري وضليت ابجي،
مثل ما انه عشت بدون أبو انتم راح تعيشون مثلي ابوكم يتمكم وهو بالحياة
هسه وين اروح، شراح اسوي
صح زواجي من زيد لا شيء، ، بس گدام العالم انه متزوجته وگاعده بيت اهله
هسه اذا ابقئ الناس شتگول عليه، اووووف يا ربي شسويت حتئ اتحطم من صغري شني شفت من حياتي لا اهل بيهم خير ولا رجل بي خير، وبعدني عود ما شفت شي وراي ضيم ودرب شطوله، صح جهالي صغار وعمرهم شهر واحد بس من شبگتهم وبچيت حسيت قطعه من روحي احتوتني وحست بيه
نهضمت مادري الدنيا شعدهه وياي لو كاتله نبي جاا وفيت الدين، مادري مستقبلي شني وبعد ششوف اكثر من الشفته
******
ام وليد: مددت رجليه وگعدت الطم وابجي حسيت جسمي باد عليه ، روحي شاطت اليوگف گبالي ودي آكله، اريد بس واحد يجيبلي ابني
ولك وليد ولك روح شوف اخوك وجيبه للبيت وشيريد اسويله بس ليروح اموت وراه،
وليد: يوم والله اسوي كل اللي اگدر علي بعده بالعراق لتخافين راح احجي وي صاحبه ينطيني عنوان الرجال الراح يطلعهم
اجيبه واجيج ، كافي بجي انتي صاحبة سكر ليصير بيج شي
ام وليد: يطبهه مرض صحتي، اريد ابني جيبولي ابني ، وينك يا بعد امك ليش هيج تشلع گلب امك تريد تموتني، ،،
ابو وليد روح اطلع دور وجيبه لتگعد هنا،
ابو وليد: لتخافين انشا الله يوصل بالسلامه ويخابر علينه وتطمئنين عليه
ام وليد: انته شبيك دا اگلك اريد ابني روح جيبه قبل ليسافر وانته مكيف ع طلعته مو بعيده انته ورئ، هالسالفه انته متحبه تريد تقضي عليه تعرف كلش زين اموت بدون جهالي
أنت تقرأ
جمانة في دنيا الذئاب (مكتمله)
ChickLitان كانت الحياة ضدك .... واقرب الناس اليك ... اصبحوا ذئاب وطرق الحب بابك.... لينتشلك من افواه الذئاب ... هل من الصواب ان تعطيه يدك ? وانت تعلم لا يوجد حب في دنيا الذئاب ام ان الحب اقوى بكثير من ان يمنحنا فرصة للتفكير بالعواقب ....
