مساااااااء الورد لعيون احلئ متابعين
الرجاء التصويت + التعليق + المتابعه الممتابعني 😘
متابعه طيبه ❤
# جمانه في دنيا الذئاب
بقلمي تهذيب الحِسن
******
جمانه: حالياً بالشهر الرابع من الحمل تلاشئ الزعل والغيض الچنت شايلته بگلبي علي ، الحمل ربطني بي وقربني من عنده،
صارت عندي مثل العقده زيد خلفت منه وعافني ف ماريد اسد يسوي نفس الشي واضل آكل بنفسي اريده يتحمل مسؤوليه الطفل لخلاه بطني ومسؤوليتي هو اخذ اغلئ شي مني صعبه ياكلني ويشمرني عضم ما اعرف احياناً من اتذكر السواه اضوج منه وبنفس الوقت اريد ابقئ وياه اگول حرامات اخذ شرفي وزرع بيه شي من عنده وبعد كم يوم يجي طفل وكلما اباوعله اتذكر شلون استغليت شعوري بالأستغلال والضعف هو ليخليني استمر ، هاي الأسباب سوت عندي مثل العقده ( لازم استمر وي أسد) تقبلت وجوده بحياتي
انه جاي اشوفه محترمني وماعنده شي وياي لو بس اخابره اگله تعال لبيتنه هسه محتاجين شغله يجي بسرعه او اخابره بسرعه يرفع الجهاز، انه فاقده الأهتمام لا من اهلي ولا من اعيالي ولامن اي شخص اسد اول شخص بحياتي اشوف منه محبه واحترام........ الوو شلونج جمانه شخبارج جهالج شلونهم
.........هلا بيك أسد زينين كلنه بخير
.........شلون حملج بيا شهر دخلتي
........ع حسابي دخلت بشهر الرابع ما رحت للدكتوره
.......باجر من اجيكم انطيج فلوس وروحي اطمئني ع حالتج
........ماشي
.........دزيتلج مسج مال شعر اقري
........ اهااا يااا جاااا ما اعرف اقرأ
........عود صحيح لعد الرسائل لدزهم الج متقريهم مو
.......مو كلش بس اتهجأ قليل
........لعد شلون جهالج يسجلون بالمدرسه منو يقريهم
........ الله كريم تدبر بيبيتهم جدهم موجودين
....... عود صحيح تحجين ذول ناس كبار الهم خلگ يقرون دار دور
اسمعي راح اسجلج بمحو الأميه........هههههه لو اموت شني عگب ما شاب ودوه للكتاب راحت عليه بعد استحي
........ العيب تبقين لا قرايه ولا كتابه
مو تستحين من التعليم هذا زين الج حيفيدج هسه شخسرانه يوميه ترحين العصر ساعه وترجعين.......يبووو والنبي استحي ههههه شيگولون عليه
.......لتهتمين بكلام الناس، ،احجي وي عمي وعمتي وباجر اجيكم انطيني صورتج وجنسيتج واني اسجلج
.......اسد اخاف يلاحضون جياتك اهواي صايره النه ما بيه حيل مشاكل
........انتي مالج غرض اني اعرف اتصرف
أنت تقرأ
جمانة في دنيا الذئاب (مكتمله)
ChickLitان كانت الحياة ضدك .... واقرب الناس اليك ... اصبحوا ذئاب وطرق الحب بابك.... لينتشلك من افواه الذئاب ... هل من الصواب ان تعطيه يدك ? وانت تعلم لا يوجد حب في دنيا الذئاب ام ان الحب اقوى بكثير من ان يمنحنا فرصة للتفكير بالعواقب ....