جمانة في دنيا الذئاب (مكتمله)

البارت 2

هلووو حبايب شلونكم ممكن تسوون دعم للقصه شاركوها وي اصدقائكم حتئ يقروها
لا تنسون التصويت والتعليق، ،، وشكراُ الكم

جمانة في دنيا الذئاب
#
بقلمي تهذيب الحسن

****
نورا
تأخر ابو الخط مال السياره كل الطالبات اجت خطوطهم واني واگفه والشمس تحرگ حتى المدرسات طلعوا گالو اذا تردين تعالي ويانه نوصلج بس گلت انتضر شويه بلكي يجي خطي ،، واگفه يم باب المدرسه واباوع كل الطالبات راحن وماكو ولا سيارة واگفه
گلت بيني وبين نفسي هسه لو رايحه وي المدرسه ام العربي هيه بنفس منطقتي،  ولا هذا الانتضار والشمس تسمط
سمعت هورن مال سيارة بس هاي مو سيارة خطي نزل الجامه وصاح عليه ،،، گلت الله جابه خل اصعد وياه، ،، فتحت الباب الخلفي
واجاني صوته

..... لج هاي وين رايحه تعالي گدام

..... اهووو والله متت من الحر خليني ع راحتي

.... تعاي عمي هنا گدام هسه شيگولون خاطفهه بهالضهر

..... اي اجيت، ،، فتحلي الباب الامامي واجيت گعدت بالكرسي الگدام ،، مد ايده ع تكييف وخلاه بأتجاهي،  حسيت گلبي يدگ الف ونسيت حتئ التعب والحر،

...... شنو السايق مالتج يوميه مسويله دگة ناقصه شلون يعوفج ، انطيني رقمه الا اطيح حضه، ،، شصاير بيج  حرامات هاي لخدود تحرگها الشمس صايرات طماطة

.. . .. اووووه شنو هالحجي متجوز من سوالفك ،،، بعدين بابا حجه وي السايق كم مرة بس هو رجال كبير وينسه خطيه عنده اكثر من خط گلت بس هالشهر واغيره

.......لتغيرينه خوش رجال ، بعدين بكيفج  تغيرين سايق مو ع راحتج تبقين وي هذا السايق منا لنهاية السنة

...... لعد بكيفك انته ? لو تنحمس بالشمس نفسي مگلت هيج، ، لو كل يوم اتأخر بالدرس الاول والمدرسات احلف شگد يلا يدخلوني 
ميصير هيج، ،

..... شسوي اغار عليج مستحيل اخلي اي سايق يجيبج ويوديج ما اتحمل واحد غيري يشوفج ،،، بعدين كم مرة گلتلج لبسي صايه بالمدرسه ليش تحرگين گلبي

..... اوووووه أسد  زودتهه ميصير هيج،  يعني من البيت للمدرسه ومن المدرسه للبيت وبسياره اصلا منو شايفني ..... ما حسيت الا وهو تقرب بصفي وقرب وجهه لوجهي وعيونه مركزه ع شفايفي يحجي عبالك واحد سكران ودايخ

..... لج شوكت تصيرين الي والله بعد مضل بيه صبر، ،، انام اگعد اشتغل بكل وقت اتخيلج گبالي، ،، لج شتخلين لشفايفج چنهن حبات الكرز

..... ياااا عزه احنه گبال البيت وخررر ليطلع واحد من اهلي ويشوفوك .... فتحت الباب بسرعه ونزلت واني اضحك

...... خرررررب وين شارده لج تعااااي وين الكروه

...... وصلت الباب البيت التفتت ابتسمت وسويتله قلب الحب ،،  اباوعله طگ راسه بالبطل مال الماي