جمانة في دنيا الذئاب (مكتمله)

البارت 23

مساء الوررررررد 🌷🌷أسفه البارحه مگدرت انزل خلص اشتراكنه امس  اليوم الصبح اشتركنه ،، ما حبيت انزل مساع القراءه بالليل حلوه مادري بس اني هيج لو حتئ انتم🙄 ?

ما اوصيكم التصويت + التعليق + المتابعه الممتابعني، ، فديتكم تفاعلكم يخلي القصه تصعد
وشكراً 🤗

متابعه طيبه ❤

# جمانه في دنيا الذئاب

بقلمي تهذيب الحسن

*******
جمانه:  بعد ما سويت اللي طلبه مني اسد وقنعني بي ،زواج المتعه،  مرات اكول شلون وشلون،  اسد يگلي انتي ممسويه غلط احنه متزوجين بالحلال، ،، شرطت علي علاقتي بيك ما تتغير نتخابر وبس وهذا اتفاقنه

أسد صار يفتح وياي مواضيع خاااصه كلش وصار شويه شويه يجرفني بأمور انه ما اعرفهه ولا ماره ع بالي صح متزوجه وعندي اطفال بس المواضيع والمصطلحات اليحجيهه الي اول مره اسمعهه يشرحلي شغلات خاصه بيه انه نفسي ما اعرفهه
ومن اگله ما اعرف يكول شدعواج مو لهدرجه سويتي روحج كلشي ماكو

هو ما يصدگ انه ما اعرف ولا متطرقه لهيج شغلات من قبل،  چنت نايمه عن هيج شغلات
يعني عبالك دخلت بعالم جديد
وعالمي القديم نسيته عالمي الچان محصور بين جهالي وسوالفهم ولعبهم وشسوي باجر غدا ولازم اگعد باجر من الصبح اسوي عمل شعبي للبيت،  شغلي بالكيك والكليجه كل يوم افكر شسوي من اكله للعصريه واسوي قوري چاي مهيل نگعد نسولف ونضحك انه وخالتي وعمو يحجولي عن حياتهم القديمه اول ما تزوجوا وعن طفولة اولادهم وانه متنوسه ومندمجه ع هاي سوالف ،،،

حالياً صار عندي عالم جديد، صرت انتضر يوم الخميس واخلص شغلي بسرعه اشغل التلفزيون وعيني ما ترمش حتئ اتابع شهد الشمري الشعر والغزل
الحب والغرام والعواطف صارت كل همي

شغلي الشاغل هو تفكيري بأسد معشعش براسي اشتغل ، انام،  اكعد، اسولف، ،هو براسي كلامه بالتليفون اعيده مثل الكاسيت براسي يتردد ويتكرر ، واليحجي وياي بغير عالم ما احس بوجود الحواليني ،، عقلي وكلبي وي اسد وكلامه وحچيه يتردد بعقلي يشبه الوسواس

صرت اهتم بنفسي صرت احف حواجبي بعد ما جنت هاملتهن ،صح ما بيه شعر اهواي بوجهي بس الحفافه تطلع شكل الحاجب حلو
رحت. وي خالتي للسوق غيرت موديلات ملابسي  اشتريت مكياج. ،تغير كلشي بيه احس نفسي طايره مثل الفراشه

أسد طيرني حيل فوگ رفعني عن الگاع
ما اسمح لعقلي يفكر شني تاليهه، ، اطرد هالفكره بسرعه من عقلي اريد اعيش اللحضه والفرحه وبس، ،، اگول صدك بالسر ومحد يعرف بس حلال انه مسويه شي حلال مو حرام وهذا حقي وضليت ماشيه ع هاي الفكره

حسبت من يوم ما تزوجنه بالمتعه الهذا ليوم قبطنه 3 شهور، ، اسد فتح وياي موضوع نلتقي قنعني هالشي حقه وحرام امنعه
بالبدايه رفضت واستحيت وسديت الجهاز بس هو بقئ مصر ويقنعني بكلامه اللي مثل السحر
كلامه الهادئ والمعسول،  واسلوبه بالأقناع
والهداوئ خلاني اضعف واتقبل كلامه اصلاً ما عندي كلمه گدامه اضل اصفن من يحجي وياي
كلش ضعيفه كدامه، ، وكلما يحجي يگول