مساء الحب
حبايبي لتنسون التصويت + التعليق + المتابعه الممتابعني 😘
# جمانه في دنيا الذئاب
بقلمي تهذيب الحسن
******
جمانه : مرت الأيام بسرعه ونگلبت حياتي فوگ حدر من يوم ما دخل بيهه أسد غير اهواي شغلات بيه، صرت انعجب بشخصيته يوم عن يوم صارت علاقتي بي وثقتي اقوى من قبل، ، مابيني وبينه غير الاتصالات وما نتعمق او ننجرف بمواضيع غير العاديه سوالفنه عاديه حبيت هذا الأهتمام والسؤال ما يفوت يوم اذا ما يحجي وياي ويطمئن عليه الله يشهد علاقتي بأسد ابداً ما عندي بيهه نوايه شهوه او شغلات غلط، غير اهتمامه وسؤاله وعسى ما اخابر يرفع جهازه بسرعه اذا اگله محتاجه شي تعال لبيتنه هم يجي طاير لو شغله فوگ راسه يعوفه ويجيني
تعلقت بي وبأهتمامه الشفته من اسد ماشفته من اي شخص بالدنيه، الكلام والاهتمام الأسمعه ما سامعته بحياتي
استمرت علاقتنه واتصالاتنه، واجه يوم ولادتي ولادتي چانت طبيعيه وچانت كلش زينه. يعني ما تعبت اهواي رب العالمين سهلي
جبت بنيه وسميتهه أسرار
وكت اللي ارضعهه اباوع لعيونهه اتمنئ اهرب منهه يعني عمرهه يوم وعيونهه مغمضات ماكدر اباوع بيهن جاا شلون من تكبر شذنبهه، اكذب اذا اگول فرحت بيهه
انقهرت وتحسرت عليهه ، مالهه ذنب بالصار هاي شلون تكبر شلون اباوعلهه كل يوم تكبر گدام عيني من احجي بگلبي واگول بنت حرام
وهاي غلطه، ، اخاف حتئ من نفسي تخدعني ويطلع الكلام واليمي يسمعني شحجي بگلبي
هاي لبنيه سر ومحد راح يعرف حتئ انه مالازم احجي بي لنفسي،
ام وليد : يمه فداوي صارت عدنه نيه فدوه للبنات الحلوات جمانه شنو مسميتهه اسرار سميهه فاطمه رقيه ع اسماء الائمه مو حلو هذا الاسم
جمانه: بعد اجه بالي اسميهه هالأسم حتئ ما مخططه من قبل اجه بالي فجأة
ام وليد: ارتاحي انتي راح اسويلج حسو كلش زين الج لان توج والده، ، وليد خابر ويسلم عليج گال العصر نجيكم،
مؤمل : الله صارت عدنه بنيه ماما هاي اختي مو ?
جمانه : بلعت الغصه بكلبي من سمعت سؤال مؤمل ،،، رديت وانه صافنه اي ماما اختك انته ومصطفئ
مؤمل: بيش اشتريتيهه، ، ماما خل نشتري اخو يلعب. ويانه اني ما احب البنات
جمانه: لاا ماما ما يبيعونهن اختك جانت بطني فتحو بطني وطلعوها، ،
مصطفئ: سوتت تمشي وتلعب ويانه
مؤمل: لك انته مو بس متعرف تحجي متعرف شي، متمشي هسه تكبر يلا
ام وليد: امشو يلا خل امكم ترتاح تعبانه، اجت عمتكم نورا تعالو لعبو وي علاوي
نورا: شلونج جمانه الحمد لله عالسلامه
يبوو فديت شنو هالجمال، ،، جمانه بتج ولا تشبه اخوانهه مو علينه يمكن عليكم
أنت تقرأ
جمانة في دنيا الذئاب (مكتمله)
ChickLitان كانت الحياة ضدك .... واقرب الناس اليك ... اصبحوا ذئاب وطرق الحب بابك.... لينتشلك من افواه الذئاب ... هل من الصواب ان تعطيه يدك ? وانت تعلم لا يوجد حب في دنيا الذئاب ام ان الحب اقوى بكثير من ان يمنحنا فرصة للتفكير بالعواقب ....
