يسعد اوقاتكم بكل خير
الرجاء التصويت + التعليق + المتابعه الممتابعني ♥
متابعه طيبه ♥
# جمانه في دنيا الذئاببقلمي تهذيب الحسن
*****
مرت فتره ع انفصالنه انه واسد الكلام السمعته من عنده گطع عني الاكل والنوم كلما اريد اكل واتذكر تنسد نفسي ،وكلما احط راسي ع مخده يطير النوم من عيني اضل اتگلب بالفراش لحد ما تصير صلاة الفجر اصلي واندعي ربي ينسيني اياه، واذا نيته من البدايه ضحك وگضيان وكت اريد حوبتي من ابو فاضل، ، عقلي يگلي انسي هيه من البدايه السالفه عوجه هو مو الي اول وتالي مرجعه لمرته وجهاله، ،،، بس گلبي رافض كلما احاول اشغل نفسي وانساه ارجع اتذكره، ،
ما يطلع من گلبي عايش بداخلي نطيته ثقه وحب اول مره بحياتي انطيهه لشخص
حرامات هيج يضيع كلشي انه نطيته روحي وگلبي وسلمته نفسي وهيج يجازيني الهضيمه تكتل، الهضيمه من يجي شخص ياخذ منك كلشي ويعوفك، ، الهضيمه اربي طفله وحدي ومجبوره التزم بيهه وهيه مو بنتي وحدي
اعرف ماكو فرق بين جهال زيد وبنت اسد زيد هم عافهم وراح بس اهله التزمو بأطفالي من الناحيه المعنويه والماديه
بس هاي لبنيه منو يلتزم بيهه الماده تدبر بس ما انسه شلون هيه اجت وشلون صارت من اتذكر الفكره توجع الگلب قبل من جان وياي مهون عليه بس من عافني حسيت هو ورطني بمسؤوليه وراح، ،، ما اعرف شلون اوصف الكم شعوري من ناحيه اعرف احبه واحب وجوده حتئ ما احس متورطه بطفله مو بنتي يعني وجوده وياي يخفف من هذا الحمل هيج افكر
بس شلون هسه من عافني استهضم ع روحي وع بنيهصح مسحت رقمه بس ما صبرت رجعت حفضته ما اراسله ولا احجي وياه بس اباوع عالصوره الشخصيه كل يوم يغيرها
ذاك اليوم شفته مخلي صورته هو وجهاله بمدينة. الالعاب ومبين من الصوره شگد فرحان وجهاله يضحكون
الدنيا طلعت من عيني هاي تاليهه هاي حقيقتك انه تزوجتني بالسر وكلشي بالحسره عليه عبالك حرامي تجيني، وقبلت وياك بكلشي لأن محتاجه رجال يوگف وياي ويسندني لو احتاجيته الگاه گدامي،وتالي ما تالي تنطيني مرتك تحجي وياي وتهيني ، وطلعت هاي الحقيقه انته المرتك وجهالك انه هيج للونسه مادري وين انطي وجهي ضليت احوم نار مشتعله بگلبي استهضمت من اشوفه سعيد بحياته وانه دمر حياتي وراح انقهرت ع روحي وخاصة من اشوف اسرار اشبع بجي اخلص شغلي واصعد فوگ مالي خلك احجي وي واحد واذا الجهال يحجون وياي لو يردون حاجه خطيه بلا شعور الزمهم اموتهم تموت مادري بنفسي احس ضغط بداخلي اريد انفجر، وخطيه كلما يجون يمي حتئ لو ما مسوين شي انفجر عليهم واذب نار گلبي بيهمانه من النوع ما اكتم بداخلي ولا اعرف اضم القهر بسرعه افضفض واحجي الاي واحد حتئ لو غريب المهم احجي وارتاح، ،
وهاي المشكله جاي تاكل بدمي ولحمي اجيت اتخبل علتي عله وماگدر احجيهه ،،، مره من المرات ضجت كلش اجيت احجي لنورا واتردد باللحضه الاخيره كل مره اقرر واكول راح احجيلهه ومن اوصل يمهه اخاف واتردد حتئ لو حجيت النورا لو الغيرها شراح يتغير افضفض ساعه وارتاح وهاي الساعه اضل ادفع ثمنهه طول عمري خلي ضيمي بگلبي وشكواي لربي، ، اندعي اريد الصبر من ربي
أنت تقرأ
جمانة في دنيا الذئاب (مكتمله)
ChickLitان كانت الحياة ضدك .... واقرب الناس اليك ... اصبحوا ذئاب وطرق الحب بابك.... لينتشلك من افواه الذئاب ... هل من الصواب ان تعطيه يدك ? وانت تعلم لا يوجد حب في دنيا الذئاب ام ان الحب اقوى بكثير من ان يمنحنا فرصة للتفكير بالعواقب ....