جمانة في دنيا الذئاب (مكتمله)

البارت 3

مساء الخير حبايبي ❤

جمانه في دنيا الذئاب

# بقلمي تهذيب الحسن

***
نورا : چنت ما اشتغل بالبيت معتمده ع جمانه من راحت ليجاي صرت انضف وماما عليهه تطبخ ومرات تسوي اكل بالليل لان الصبح عدهه دوام ومتلحگ،
بابا عاقب زيد واخذ منه السياره ونطاها لوليد
زيد حاگرنه  وحتى ممهتم بزعلنه،  واكثر شي وي اصدقاءه قليل يجي للبيت، ،
وضع بيتنه متوتر ماما محتاره شتسوي ع سالفة جمانه وشتگول الاهلهه،  ومتگدر تحجي وي بابا لأن راح يلومها من البدايه مجان موافق ع زواج بس هيه عاندت

ذاك اليوم العصر گاعدين اني وبابا وماما بالاستقبال سويتلهم چاي وبسكت، ، اخوتي طالعين، الجو هادئ بس اجه اتصال الماما ومن سدته گبت العيطه هيه وبابا
احنه متعودين من صغار مندخل بمشاكلهم

ماما : ابو وليد ام جمانه اتصلت وتگول هاي چنتكم شنو متردوها ،،، حچتهه بشقه نوب گالت،  شوكت متريدون تجون هلا بيكم
والله مستحيه يعني الناس فقرا وبسطاء واحد لغيرهم يشوي ع اذان زويد بصل، ، بس لان ناس ع گد حالهم هيج يحجون، ، فدوة ابو وليد خلنروح نرجع البنيه انته تعرف اني بحاجتهه اني صاحبة دوام وعندي ضغط ومالي حيل لشغل البيت وبنتك مو مال شغل ،  خلنجيب جمانه، ، بعدين من مخابرة امها تأكدت جمانه برضاها تريد ترجع

ابو وليد : يا مرا انتي عندج بنيه حرام نضلم بنت العالم وي ابنج الطايح حضه، ، واذا تردين اني من باجر اجيبلج خدامه ، بس خل لبنيه تشوف نصيبهه حرام نضلمهه وي ابنه وانتي تعرفين كلش زين ماعدهه مستقبل وي زيد

..... شنو شايفني ضالمه،  والله مدا  افرقها عن بنتي مدللته واحبها لان فقيرة ومؤدبه ومشفت منهه شي،  وبعدين اني مدا أجبرها هيه واهلهه موافقين ع زيد،  بعدين  گلتلهه من طلعت  شتريدين حاضره واذا تردين طلاق من باجر اوگفلج بالاجرآت ، اي شسوي اكثر من هيج ،، يمكن ضروفهم صعبه،  وتريد ترجع وتتحمل كل مسؤولية رجعتهه، حرام شگول الهه لترجعين لو منريدج هيه تريد ترجع برضاها

...... اني راح اروح وياج بس من هسه منكذب ع بنيه نحجي الصدگ الهه واهلهه ان زيد لسه مموافق ترجع ورافضهه نهائيا،

...... ميخالف اصلا اني مبيه حيل مشاكل اخليهه هيه واهلهه گدام الامر الواقع،  واذا وافقت ترجع خلترجع

..... زين وابنج الشفيه  شنسويله اذا اجت وتعارك وياها،  نروح نرجعهه بدون ميدري

..... اهوووو لتحيرني لتزيدهه عليه فوگ حيرتي

*****
أسد : الدنيا حاره وضهر تسمط من الشمس وطگ عندي بنچر بالسياره الله جابني قريب ع بيت عمتي سهام وگفت السياره يم بيتهم وگلت ادخل عدهم سبحت من العرگ وجهي يصب
دگيت الباب مرتين واجاني صوت منو
صحت اني أسد