جمانة في دنيا الذئاب (مكتمله)

البارت 1

السلام عليكم، ،
القصه حقيقيه واقعيه،  مزيج من المشاكل الاجتماعيه والرومانسيه
بالنسبه للنشر حسب تفاعلكم وحماسكم يصير النشر بين يوم ويوم،  واذا اصنام😒 بالاسبوع انزل مرتين

لا تنسون التصويت ، وكتبولي ارائكم بالتعليقات،  وبس خلصنه 😅

جمانة في دنيا الذئاب

بقلمي تهذيب الحسن

******
اسمي جمانه من جنوب العراق بالتحديد من محافضة ميسان / العمارة تحصيل الدراسي بالابتدائيه وبطلت بس اقرأ واكتب
مواصفاتي عاديه بشرتي بيضه وجسمي تارس لا سمينه ولا ضعيفه، گصيره وشعري اسود طويل، انسانه ع گد حالي وبسيطه
شخصيتي بسيطه وحبابه  😊
عندي 9 خوات ولا اخ وابوي متوفي ، تزوجت من زيد واني عمري 16 سنه، هو من بغداد شلون اجيت من العمارة البغداد انه اگلكم
امي كل سنه تروح مشاية بالاربعين وصادفت ام زيد وامي اجتماعيه تعرفوا ع بعض وتبادلوا الارقام وصارت علاقتهم قويه وكلما تروح امي للأمام الكاضم تمر ع ام زيد ، ام زيد بوكتهه تدور عروس لأبنهه ف امي گالتلهه عندي اهواي بنات بس تعالي واختاري ما نريد جاه ومال نريد بس الستر وامي من زوجتني بعد هاي المسافه ما فكرت شيصير بيه جايتكم بالحجي، ، زيد اكبر مني عمره 19سنه انه وياه مختلفين، هو ستايل وعلاقات وطلعات وجيات ويمشي عالموضه وناشط ع السوشال ميديا، يعني سبورتي ، انه ضحية والدته اجت خطبتني والاخ ماقابل بيه ، بعد مرور شهر ع زواجنه بينت الحقيقه ، وزيد ماگدر يتحمل وما تأقلم وياي ولا گدر يحبني ..
صارحني وگال مستعد اعوض كل لخسارات بس وافقي ع الطلاق امي ماقبلت كلام الناس وكذا وكذا، ، وعمتي ام زيد ماقبلت گالتله لبنيه بمسؤوليتنه ما الك اي علاقه بيهه اعتبرها بنتي ،

****
زيد ;
اني زيد حالي حال الشباب الاحق الموضه والبنات، مواصفاتي، طويل وضخم جسمي متناسق، عيوني كبار ولونهن رصاصي بشرتي حنطيه، وشعري ثخين ومرفوع ليفوگ، احب لحيتي الخفيفه تزيدني جمال وجاذبيه ، هو اني حلو بس غير ما احجي 😉 ناشط ع السوشال ميديا، حصولي الدراسي الاعداديه مواصفاتي حلوه واجتماعي وعلاقاتي اهواي ، اني المرتبه الثانيه بين اخوتي، الكبير وليد يدرس صيدلاني، بعدين اني زيد، واصغر مني نورا بالاعداديه ، واخر العنقود يوسف صف ثالث متوسط عايد السنه مرتين ،، امي موضفه بشركه النفط، وابوي وياها بنفس الدوام، اني الوحيد ما عندي دراسه امي فكرت تزوجني علمود تجي وحده تدير بالهه عالبيت، اني رفضت الزواج اريد اعيش حر من دون قيود ولا مسؤوليه بس هيه اصرت، گلتلهه مالي علاقه بأي شي يخص البنيه ولا تربطني بيهه علاقه تجيبيهه الج مالي خص بيهه، مو تجين بعدين تگولين تعال انطيهه حقوقهه الزوجيه وخطيه وحرام، من هسه مالي اي علاقه بيهه، امي وعدتني اذا وافقت ع الزواج تشتريلي احدث سياره وارقى جهاز
واني قبلت بالصفقه ، بأعتباري مخسران شي، واني ممسؤول عنهه كلشي يخصهه هو مسؤولية امي