ايامي بلكليه جانت عاديه جدا وكل وكتي وي اصدقائي الجدد فهد وسالم وعلي
فهد: حبيبي وائل روح للنادي جيبلنه ببسي و لفات والله جوعانين
وائل : اي مو تدللون مخليني بس اصرف عليكم
سالم: هاي شبيك وائل مو انت عود طاك قابل مثلنه فقرة الله 👌😐 يلا منريد اني حكوم
وائل : لا حبيبي شسالفه اشاقه هسه اجيبلكم طلبكم تدللون
علي: ح اجي وياك وائل
وائل:يلا تعال
علي: شوف وائل هذيج البنيه كلش مبتعده عن الطلاب والطالبات احسها نفسيه ومتكبره فد اكره هيج بنات وحتى كاعده وحدها تاكل
وائل : لا مو شرط نفسيه جوز هي متحب تكون صداقات شتكول نروح نعزمها ويانه ونتعرف عليها
علي : لايابه نوب تطلع حقنه وتكول ذوله زحفو عليه
عيفها
وائل: هسه انت اله تكول زحف هالمصطلح شكد تافه
هاك اخذ الاكل هسه احاجيها واشوف
علي: براحتك يول
...
وائل :السلام عليكم
ملاك : وعليكم السلام
وائل : ليش كاعده وحدج
ملاك : وانت شعليك؟
وائل : هم صدك😅اقصد اذا اعزمج ع لفات وببسي توافقين
ملاك : لا مشكور
وائل : براحتج
...
لك علي شبيها هاي فشلتني
علي:موكتلك عيفها حقنه
وهذا فهد خبص الدنيه بعد ميتحمل امشي خنروح
وائل: يلا امشي (وائل بكلبه - بس هاي البنيه لو قابله العزيمه اووف خرب يومها شلون عيون تموت 😍)
اكلنه وخلصنه اني والشله ورجعت للبيت واني افكر بهل ثوله الفشلتني وليش مقبلت العزيمه
......
ملاك اسمي عمري ١٨ ادرس طب مرحله اولى بابا وماما متوفين عايشه وي عمتي هي امي الثانيه
كلش احبها معندي بس اخت وحده روحي من الدنيا
بابا وماما توفو بسبب مرض الكانسر من جان عمري ٨ سنوات وبقيت ابجي عمودهم ولان احنه مجان عدنه امكانيه توفت ماما وراها ب٥ اشهر بابا صار بي هالمرض وره فتره توفى وقتها جنت كلش متعلقه بأهلي اختي جان عمرها ٥ سنوات من توفو ماما وبابا ضلت تبجي عليهم مثلي اخذتنه عمتي ربتنه اني واختي قررت ادرس واحقق حلم ماما وبابا جانو يتمنوني اصير دكتوره وحتى اساعد كل محتاج
داومت بالكليه ابتعدت عن طلاب ماحبيت اختلط بيهم اني هيج طبعي مو اجتماعيه بس من يتعرفون عليه الناس يحبوني
اشكال سمعت من الطلاب انو اني نفسيه واني معقده ومتكبره بس ماهتميت
جنت كاعده وحدي بالنادي اكل اجو ثنين طلاب جانو يباعولي ويحجون واحد اسمر وشكله حلو وطويل وثاني ابيض بس ملامحه عصبيه عكس ذاك الطالب الاسمر جان شكله لطيف كلش
شفت الاسمر اجاني كال السلام عليكم ليش كاعده وحدج كلت هذا شبي وهو شعليه
كتله انت شعليك كال هم صدك وعزمني بس مقبلت شنو اكعد وي اصدقائه شفته كلش ضاج
