بعد مارجعت للبيت كلت لعمتي مقبلت كالت شون تشتغلين عد ناس معناها انتي خدامه ماقبل هيج شي انتي بنت جامعه وطالبه وراح تصيرين دكتوره
ماقبل تشتغلين هيج شغل
حاولت اقنعها لعمتي وخليت اختي تقنعها والحمدالله وافقت
ضليت انتظر اتصال امال
وره ساعه دك الفون
ملاك: الو هلو اماال
امال: هلا ملوكه شونج بخصوص الشغل اهلي موافقين وتبدين باجر ان شاء الله وراتب ننطيه الج باجر مقدمآ
ملاك: مشكوره حبيبتي تعبتج وياي
امال : لا ياتعب اصلا فرحت حشوفج كل يوميه
مصدكين شكد طايره من الفرح تدرين ملاك كلش حبيتج
ملاك : حبيبتي واني هم حبيتج هواي ان شاء الله اكون اختج وصديقتج يلا اموله حروح
امال : نعم الاخت اخذي راحتج بيباي
.....
وائل : ها لج امال ليش دكيتي الناقصه وعفتيني مصلوب ادور عليج تاليها امي خابرت همزين كلتلي رجعتي للبيت
امال : حبيبي وئول والله اسفه اجت بنيه ساعدتني وصلتني للبيت وبعدين انت تأخرت هواي
وائل : عذرينه يابه اسفين ع تأخر
ردت اخابرج بس معندي رصيد بعدين امي خابرتني وحجتلي الصار
امال: اي وصلتني بنيه للبيت وكولش حبابه رح تبدي تشتغل عدنه
وائل: اول شي شونها رجلج بعدها تأذيج
امال : لا التواء بسيط شويه ويروح الوجع
وائل :، منو هاي البنيه شون تخلوها تشتغل عدنه واحنه اصلا منعرفها ولاشايفيها
امال : هي مثل اختي وصارت صديقتي واني عرضت عليها الشغل
وائل : انتي ضلي ع سوالفج هاي شكد فطيره قبل ساعتين تعرفت عليها صارت صديقتها واختها لج امال اخيتي العزيزه لشوفين الناس كلها مثلج جوز تطلع وحده موزينه
امال : هو اصلا حتى امي حبتها للبنيه والبنيه وثقت بيه وحجتلي كولشي ع اهلها وكل قصتها
وائل: تمام اذا امي حبتها خلاص موافق تشتغل ابوي عنده علم ؟؟
امال: اي ماما كلتله
وائل: تمام
