قاسم: هلو اعرفكم عن نفسي اسمي قاسم عمري ٢٦ سنه ابن الشيخ علي عشيرة ال.... عندي ٢خوات مها مزوجه ابن عمي عمرها٢٣ سنه و اثمار اختي عمرها ١٥ سنه ماتدرس حدها لصف اول متوسط وبطلت اخواني علاء يداوم مرحله اولى عمره ١٨ سنه وحسن اخوي الروح مالتي عمره ٢٠ سنه مبطل ميحب الدراسه مثلي اني هم خلصت خامس اعدادي وبطلت كمت اعاون ابوي بالعشيره
علاء اخوي يدرس تمريض ببغداد اول يوم بيدي وديته للكليه ماعجبني الشفته البنات ولبسهن و كل وحده موكفه واحد والضحك والسوالف همزين بطلت خواتي
قاسم : يلا علاوي اني رايح دير بالك ع نفسك راح اشوفلك خالي واحاجي ع الاقسام الداخليه حتى يلكالك مكان زين (خالي مساعد و دكتور يدرس بالجامعه)
علاء : قاسم مو خاف يزعل خالي انت تدري فتحلي بيته
قاسم: لا انسى هالشي ، الرجال مايكدر ياخذ راحته بيبته اذا تعيش ويا
علاء : هاهيه خويه مثل متكول
قاسم : يلا شد حيلك وانتبه لنفسك ،جاي اطلع من الكليه وشفت بنيه واكفه وحدها جنها ملاك ع جمال الشايلته العيون مسحوبه جنها مكحله والوجه ابيض والخدود حمر لبسها مستور بذيج اللحظه كلبي حسيته دك الها ضليت اباوع الها حدما دخلت للكليه وختفت استغفرت ربي مالي حق اباوع هيج عليها رجعت واني كل فكري بيها واني الي جنت مافكر بأي بنت كمت افكر بوحده اول مره شفتها
كمت اتحجج واروح للكليه عمود اشوف علاء بس بالحقيقه اروح حتى اشوفها
شيخ علي: قاسم شعدك كليوميه بغداد
قاسم: شيخ غير علمود علاء اخاف عليه بعده صغير ويجوز يتهور
شيخ علي: لابويه علاء يمه خالك ومامحتاج شي قلل روحاتك لهناك بويه
قاسم: تدلل شيخ
مر اسبوعين واني مارايح لبغداد قررت اروح واسترخصت من ابوي ورحت اول مادخلت شفتها دتمشي وحدها اكثر شي يفرحني انو هي مبتعده عن كل طلاب بنات وولد زاد تعلقي بيها عرفت اسمها ملاك فعلا ملاك اسم ع مسمى, تدرس طب مرحله اولى
ضليت اراقبها رحت لخالي وسألته ع ملفات الطلاب هو ماسألني ليش وكبل انطاني صح هي مسؤليه بس خالي كلش يثق بيه
اخذت الملفات ودورت ع ملاك وحمدالله لكيت ملفها
شفت صورتها شتعلو اهلج ع هالجمال اخذت رقمها وعنوان بيتها بس ماتصلت جنت انتظر فرصه مناسبه
حتى احجي وياها
رجعت لمحافظتي اني من اهل الجنوب التهيت بالعشيره والمشاكل اسبوعين ماشفتها وكلبي نار عليها
قررت اروح احاجيها من اروح لبغداد ورحت شفتها كاعده بالحديقه تقره ورحت حاجيتها
......الكلام فوك بالبارت القبله 👆 .......
قاسم: ضجت من صدتني وتحلفت اله اكسر خشمها واخذها مو اني الي انرفض من رجعت اتصلت عليها وماشالته دزيتلها رساله وبعدين اتصلت شالته
من سمعت صوتها صرت بغير عالم مو صوت حسيته موسيقى يالله كولشي بيها يسحرني حجيت وياها رفعت صوتها عليه وسدت الخط بوجهي صرت نار شون اتسد الخط ابوجهي بت الكلب ردت اروح اسحلها بس صبرت
رحت لبيتهم باليل ضليت اباوع ع البيت صغير ومبين ع كد حالهم عايشه وي اختها ورده وعمتها
وره شوي شفت شباج انفتح ضلت تباوع ع سماء وتبجي ضليت صافن عليها
هي شافتني و بساع سدت الشباج
كلت اكيد خافت دزيتلها رساله وحيل ضجت من طلعت راسها من الشباج خفت لا احد يشوفها ف كتلها ب رساله لتبجين ولطلعين راسج من الشباج بعد...
ملاك : كعدت الصبح وعيوني مورمه من البجي ماداومت عمتي جان ضغطها صاعد كلش خفت عليها وخذتها للمستشفى انطوها علاج و رجعنه اختي ورده ماداومت هم هي صف خامس علمي
مرن يومين ماداومت كلش تعبانه جنت
ورده: ملاك حبيبتي اني راح اروح بدالج لبيت امال اشتغل
ملاك: لاا ماكو ماقبل اهتمي بدراستج مابيه شي هسه اكوم
ورده: لتعامليني ع اساس اني طفله اني كبرت مو ورده الي جانت تبجي وتزعل ع كولشي
ملاك: ورده حبيبتي انتي كل الي بقالي من اهلي واخاف عليج ماكدر اخليج تشتغلين
ورده: هههه ملاك ترة رايحه اشتغل بس قابل شحيصيرلي اطمني ولتخافين ابد عليه انتي موكلتي امال كلش حبابه خلص اروح اتعرف عليه
ملاك: ماشي بس اذا انزعجتني او تعبتي خابريني بساع تمام؟؟
ورده: بستها من راسها تمام ياعيوني
ملاك: اختي ورده اعتبرها مثل بتي اخاف عليها من كولشي وكلش متعلقه بيه, هي عكسي بكلشي تضحك ومرحه وهواي تونس و كولش محبوبه ماكدر لحظه بدونها مع انو الفرق بينه بس سنتين
....
وائل : ملاك اختفت يومين حتى كليه متداوم حيل خفت عليها وجنت اريد اشوفها واحجي وياها بس ماشفتها خلصت اليومين
ورجعت من الكليه وجنت ضايج لان هم ماداومت اول مادخلت شفت بنيه تضحك وي امال تشبه ملاك نسخه منها عدا انو ملاك بيضه وهاي حنطيه بس جذبتني كلش ملاك اعتبرتها اخت مثل امال بس هاي غير مادري شون اوصفها الكم
وائل:احم احم سلام عليكم
امال : وعليكم السلام هلا وائل
ورده : وعليكم السلام
وائل: امال شنو ملاك متجي و منو هاي البنيه
امال : هاذي ور.... وقاطعتها ورده
ورده:اني ورده اخت ملاك وملاك متكدر تجي ف اجيت بدالها
وائل: اهلا بيج ورده بس ملاك شونها ليش هيج حتى متداوم صاير شي تره ضل بالي عليها
ورده : لامصاير شي بس هي تعبانه وهالاسبوع كله مجازه
وائل: هاا سلامات مايصير عليها شر
ورده :تسلم
وائل: وين امي ؟؟
امال: هسه تجي طلعت هي وزين وزيد وبابا لبيت خالو
وائل: ماشي ،اموله حضريلي الحمام وملابسي اريد اسبح
امال: تدلل خويه
ورده بقيت واكفه ساكته ووائل جان يباوعلي ع شنو مادري ف باوعتله هو دنك راسه هو ويمشي للمطبخ
وائل: ورده درسين ؟
ورده : اي خامس علمي
وائل : حلو بكد زين وزيد اي شي تحتاجي اني موجود
ورده : متقصرر
وائل: شفتها تجاوب ع كد السؤال محبيت اسألها اكثر
امال: تعال وائل حضرتلك الحمام
وائل : جاي اموله
رحت سبحت ونمت ماردت غده
....
ورده : وائل عجبني كلش شكله اسلوبه شخصيته
مثل ماحجتلي عنه ملاك حباب كملت شغل صارت ساعه ٦ رجعت للبيت مالكيت اختي ولاعمتي خفت خابرت ملاك شالته
ورده : ملاك وينكم ليش طالعين
ملاك وهي تبجي: ورده عمتي راح تروح من ادينه
ورده : ملاك شجاي تحجين شبيها عمتي
ملاك : اني هسه بالمستشفى عمتي صار عدها جلطه
ورده: عزززه لااا ملاك عمتي مابيها شي
ملاك : اووف ورده فدوه خابري امال تجي يمج ماريد ضلين وحدج
ورده : لاالا هسه اجي للمستشفى
ملاك : لا ورده حصير دنيه ليل اذا تجين خابري امال خ يجيبج وائل
ورده : اتصلت على امال واني ابجي حاولت تهدي بيه بس ماكو بس ابجي حاجاني وائل ودليته ع بيتنه خطيه بساع اجه
وائل : من كلتلي امال خفت ع ملاك و ورده بساع نزلت ركبت السياره ودلتني ورده ع بيتهم
دكيت الباب طلعلتي ورده
ورده : عمتيي وائل عمتي خاف تتركنه
وائل : ضميتها لصدري اششش لتبجين ورده مابيها شي ان شاء الله اووف دموعها كطعت كلبي حيل تأذيت حسيت بهاي اللحظه اني مسؤؤل عليها وعلى ملاك
وديتها للمستشفى شفت ملاك شكلها تعبان وعيونها رايحه من البجي
ملاك حضنت ورده وضلن يبجن بعدين اجتني
ملاك : وائل اشكرك هواي لان جبت اختي حيل جنت خايفه عليها ماريد اتعبك تكدر تاخذ راحتك
وائل : لاملاك ماكو شكر بينه انتي مثل اختي ماكدر اتركم بهيج وضع حبقى يمكم
ملاك : تسلم وائل
طلع دكتور من العمليات ركضن ورده وملاك دكتور شونها عمتي
دكتور : سوينه النكدر عليه والباقي على الله ادعولها بالشفاء
ملاك : دكتور اريد اشوفها
دكتور: ي تفضلو بس خمس دقايق
وائل: دكتور اكو احتمال تتحسن المريضه
دكتور: للاسف حالتها دتسوء بالهواي تعيش بس اسبوع
وائل : انصدمت من هالخبر ملاك و ورده شون راح يتحملن حيل خفت عليهن وكفت يم الباب اباوعلهن شون يبجن وكأنو ماكو الهن سند بس هي
ملاك : ماما فدوه لتعيفيني ماكدر بدونج ماتحمل افقدج انتي هم وتبجي وورده حالها مو احسن ضليت وياهن وخابرت امي ماراح ارجع لبيت
كالو باجر يطلعوها
صار ثاني يوم وطلعناها وديتها للبيت ملاك و ورده اخذتلهم اجازه اسبوع
