الشيخ :يابه ملاك اريد اكل طيب من ايدج
ملاك : تدلل جدو هسه اسوي الغده
كملت الغده ووديت لجدو وعمامي اكلو وحتى عمتي زينه كلت شويه وضلو يحجون شون دراستكم وليش ممداومات وسوالف كومه
للعصر اجت امال و وائل
وائل : لج امال شوفي هاي السيارات معقوله اجو عمامهن
امال : اي اكيد يعني ندخل لو شون
وائل : شبيج ثوله اي طبعاً ندخل نكللهم جوارينهم ولتكليلهم اني ادرس وي ملاك او اشتغلت عدنه خاف يسوون شي
امال : لا مااحجي شي يلا دك الباب
ملاك : ورده شوفي منو بالباب
ابو نصير : اني اشوف منو بالباب عيب الحرمه تطلع و رجال بالبيت
ملاك : __تمام
ابونصير:تفضلو ياهو انتو ؟؟ وشطالبين؟؟
وائل: زاد فضلك احنه جوارين هذا البيت واختي اجت تطمن ع البنات
الشيخ :دخلهم بويه هلابيهم
ملاك : هلا امال هلا وائل جدو وائل و امال جوارينه وابد ماقصرو حتى عمه هم خذوها للمستشفى
شيخ: ونعم منهم ومن اصلهم
وائل : شيخنه اي شي احنه بالخدمه
الشيخ: مامنكم الا طيب متكصرون
وائل : يلا اترخص ابو نصير كام يريد يوصلني للباب
لالا استريح مثل اهلنه انتو ماريد اكلفك سلمت عليهم وبقيت امال يم البنات بس ورده مشفتها من دااطلع درت وجهي ع المطبخ مالهم بلكي اشوفها شفتها كاعده ع الكرسي وصافنه رحت عليها
وائل: ورده شبيج ليش هيج ذبلانه؟ احجيلي
ورده : وائل عمه اذا تركتنا ندمر وائل اذا صار بعمه شي عمامي ياخذونه يمهم هناك وحتى دراسه يمنعونه
وبعد مالنه سند
وائل: لا لتبجين دموعج تأذيني ان شاء الله ماكو الا الخير واني موجود يمكم وما اتركم يلا كومي لضلين هيج مكتئبه روحي كعدي يم ملاك وامال غيري جو ولشيلين هم باجر الله موجود
ورده: ان شاء الله شكراً وائل اتمنى تبقى بحياتي العفو قصدي ويانه اني واختي ( خررب شجاني فلتتها هسه شيكول عليه_بكلبي)
وائل:اكيد ابقى وياكم ( ياريت لو صدك تريدني ابقى بحياتج انتي بس اكيد مو قصدها _بكلبي)
ورده: اني وائل حبيته كلش اي والله حبيته بس اكيد من طرف من واحد هو حلو واهله اغنياء ويدرس طب اكيد عنده وحده يحبها مثله غنيه وحلوه بس احسن شي اسأل امال ﻻا اكيد ميحجيلها ميريد يفتح عقلها ع حب وذني سوالف اسأل ملاك ؟ هم لا نوب تكلي بعدج صغيره ولتفكرين بي وتنطيني درزن نصائح اووف سوده عليه عمه لو ترجعين مثل قبل هواي عندي حجي الج ياربي خليها صير زينه ماكدر بدونها
وائل : طلعت من البيت بعدما حجيت وي ورده وكتلها تكعد يم ملاك وامال شفت ولد كاعد بسيارته يباوعلي ويخنزر عليه هذا شبي؟؟
دا اروح لسيارتي نزل واجاني
قاسم: شعدك هنا ؟؟ داخل بيت بس بنات متستحي انت
وائل: انت شعليك شعدي هنا
قاسم :اشش اسمع لك باب البيت اذا تدنه اله اكسر راسك ولزمته من ياخته
وائل:تنزل ايدك لو اكسرها
قاسم : اكسر ايد منو هسه شوف شسوي بيك لزمته ودك بوكسيات وائل ضربني بوكس ع وجهي طلع دم من شفتي ضربته براسه واحنه دنتعارك طلعو 2 زلم من بيت ملاك تركت وائل بلكاع وكمت اجه واحد منهم كوم وائل سلامات شسالفه وائل
ابو حسين : انت ياهو ؟ وليش تضرب ابنه وائل شعدك وياه ؟
قاسم : سكتت ماكتله احب ملاك كتله انت منو ؟؟ ملاك : سمعت بره ضرب وصياح طلعو عمامي يشوفون شكو رحت طلعت و طلعت وياي امال شفت وائل عزه وائل شبيك امال ضلت تبجي
درت وجهي وياريت مادرته شفت قاسم عيونه بكصته ولونهن احمر خزرني يمه عزه نوب هذا شعده ونبي اذا دروا عمامي بي يعرفني ويعرف رقمي يكتلوني
ابو نصير : عمو ملاك طبي جوه واخذه امال خطيه
امال : لااا ماطب اريد اخوويه هيييي انت ليش ضربه شنو معندك اخلاق
قاسم : اجتني اخت هذا المايع تبجي وتصيح استغفر الله درت وجهي على وائل كوم سكت اختك فشله عايفها بين الزلم
وائل : احترم نفسك اختي اشرف منك يلاا انقلع منا
ابو نصير :ملاك اخذي امال وطبي جوه انتو ليش متعاركين شنو سالفه ؟
قاسم : ماكو سالفه بس هيج نبهته ع شغله ياله اترخص
وائل: راح هذا الحيوان ركب سيارته ومشه بقه بالي شعده وي بيت ملاك وورده شنو سالفه
دخلت للبيت دااغسل اجت ورده بيدها المنشفه
ورده: منو هذا وليش ضربك ؟ تعرفه
وائل:لا والله ماعرفه اجه مثل المخبل وضربني
ورده: وائل ديبالك ع نفسك
وائل : ان شاء الله
..........
قاسم:ركبت سيارتي ومشيت بعدين وكفت هذا شعده بيتهم عمامها شوكت اجوي لا يارب الكعبه اكتلهم اذا فكرو ينطوها لهذا المايع خل اعرف من ياعشيره هي وافاتح ابوي واتقدملها
مااكدر اخابرها عمامها يمها بس هي جانت خايفه على هذا الحقير اخ لو يمي ملاك اشبعج كتل
موبايلي دك شفت ملاك تتصل هلا اله اطيح حضج
ملاك :الووو
قاسم: لج حيوانه شون تطلعين هيج من شفتي زلم واكفه متستحين وهيج خايفه على هالمايع السكط
ملاك: اول شي انت مالك اي دخل ثاني شي وائل صديق مقرب واحترمه احسن منك ياهمجي
قاسم :اني الهمجي؟ لج بسيطه اذا مااكسر خشمج واخذج وشوفين هذا الهمجي منو
ملاك :سديت الموبايل بوجها وكعدت ابجي ع حضي ي ربي شون بيه دخلت امال :شبيج ملاك خير
ملاك :لاحبيبتي ماكو شي بس تعبت ودنحجي سمعنه ورده صيح ركضت نزلت واسمع ورده صيح
ملاك عمه ماتت ملااااك عمه عافتنااا
كمت اعيط وياها وابجي وفقدت بعد يردون عمامي يشيلوها ماخليناهم
-لااا عمه اكيد عايشه عمو حباب عيفها لتاخذوها جدو ضل يسكتنا وشفت دمعه نزلت من عينه
الشيخ:لاتبجن يروح جدجن راحت الدار حقها اخذوا عمتي ماخلونه نروح وياهم للطب العدلي
ضليت كاعده بنفس المكان هنا جانت عمه نايمه هنا جانت تسهر تخيط بس علمود تطلع فلوس النه ايدها زرفت من وره الابره من تخيط هاي ادويتها لاااا يااالله ليششش اخذتها تدري ماعندي غيرها ليش اخذت كل الاحبهم ياربييي لاماما ولابابا و لاعمه منو بقالنه اني وورده
ورده نايمه بحضني وتبجي و امال تبجي ويانه ندكت الباب فتحتها امال اجه وائل
وائل: ملاك كولي يالله لازم صيرين قويه هذا يومها ميصير هيج ضلين ورده بأمانتج حاولي سنديها واني وياكم اي شي تحتاجو
ملاك : وين اخذتو عمه
وائل: باجر من الصبح ناخذها للنجف نزورها الإمام علي وندفنها ملاك بويه ليش البجي كافي
ملاك : وائل هي جانت امي ماقصرت ابد وياي شون تعوفني اني احتاجها ورده تحتاجها لك حتى حنان الام انطته النه
وائل :الله يرحمها ويصبركم اني وامال بالخدمه
ندكت الباب اجو عمامها
الشيخ: ملاك جدو باجر ان شاء الله من الصبح نروح ندفن المرحومه وتجن ويانه تزورن ماريد بجي لتأذن نفسجن بويه
ملاك :ان شاء الله جدو
وائل : اني اترخص شيخنه واختي تبات يم البنات خاف يعتازن شي
الشيخ : مودع بالله ابني ديربالك على نفسك
وائل: ان شاء الله
