ملاك: كعدت الصبح سويت اكل لاختي وراحت لمدرستها وراها كعدت عمتي لان الليل متنامه بس تشتغل ع الخياط سويت اكل واكلنه سوه
ودعتها لعمتي ورحت للجامعه
....
وائل كعدت الصبح سلمت ع الاهل واكلت وطلعت اخذت امال وزين وزيد كلمن ع مدرسته وصلته
رحت للجامعه شفت هاي البنيه الي فشلتني خ اروح اسلم عليها
لالا شسالفه هو اسمها ماعرفه عليمن اسلم عليها
زين اني ليش صافن عليها
ملاك : شفت هذا الولد الاسمر مدري شبي ضارب صفنه عليه ضجت منه مالها داعي يباوعلي عقدت حواجبي ورحت
وائل: شبيها هاي شو كلبت خلقتها ههه عبالها ميت عليها
نغم: هلوووو وائل
وائل : هلا نغم شونج
نغم: بخير اذا انت بخير
وائل:دومج(اهو هاي مين طلعتلي خرب حضي بكلبي كلت)
نغم : وئولي امشي نروح للنادي
وائل: لاعيوني ماريد روحي انتي اني ابقه انتظر جماعتي
نغم : اووكي وائل براحتك باي
وائل : باي عيوني
هسه لازم اشوف هاي المنعزله وين راحت
زين اني ليش ادور عليها
هو اصلا ليش افكر بيها اهوو والله دخت
فهد : ولك وائل شبيك صافن يول
وائل: هلا فهود صافن ع حضي امشي خنروح قبل لتبدي المحاضره
فهد : ديلا امشي اذا ماطلع لبالك بنيه اني مو ابن ابوي
وائل : فهد حبيبي استقر شعدي افكر ببنيه خل افكر بروحي وبعدين افكر بالبنات
فهد : اشوفك بعد يومين كاعد تشكي وتبجي عن الحب😂
وائل: تسكت لو شون😒
فهد : خلص سكتت حبيب
وائل:يي عفيه
...
ملاك : خلصت المحاضرات وطلعت من الجامعه رحت للبيت سويت الغده وي عمتي واختي و اكلنه ترخصت من عمتي ورحت لبيت امال حتى ابدي اشتغل
...
وائل: خلص اليوم كله وماشفت هاي البنيه المعلكه براسي مادري ليش افكر بيها عزموني اصدقائي وقررت اتغده بره وياهم اتصلت ع امي وكتلها مااجي ع الغده راح اكل بره واتأخر شويه
ضليت وي اصدقائي اكلنه وفترينه و ترخصت عمود ارجع
....
ملاك : رحت للبيت وسلمت عليهم امال كلش فرحت من شافتني اجت سلمت عليه وعرفتني ع اخوانها زيد وزين و سلمت ع ابوها اهلها كلش لطيفين بس اخوها وائل مجان موجود
امال : ملاك شنو راح تطبخين
ملاك: اكله كلش حتعجبكم
امال: اممم اريد اساعدج
ملاك: لا ممنوع يلا حبيبتي روحي اقري اكمل واصيحلج
امال : ملاك شنو هاي اريد ابقى يمج
ملاك: شويه وتعاي
امال : اوكي
ملاك : بعد ساعتين خلصت الاكل واجو اكلو كلش حبو اكلي خصوصا امال حبت الاكله
زيد: ملاك تدرين اكلج اطيب من اكل امي
زين : يي ملاك كلش طيب طلعنه مغشوشين بأكل امي
ام وائل: هاا هيج صارت يلا اني زعلت منكم
زيد وزين : لايوم والله اكلج طيب نشاقه اصلا حتلو تحركي يبقه طيب
ام وائل: يي عفيه هيج
امال : خلصنه اكل و رحت ع الغرف انظفهن
خلصت منهن اريد اروح اجت امال
امال : ملاك حبابه مره ثانيه جيبي اختج اريد اتعرف عليها
ملاك : من عيوني
خلصت تنظيف الغرف وسويتلهم عشى استلمت الراتب مقدما جان مبلغ كلش هواي رجعت لبيت عمتي انطيت الفلوس لعمتي حتى اسد الديون الي عليها واخذت من الفلوس انطيت لاختي
...
وائل : رجعت للبيت جانت اكو ريحه اكل طيبه دخلت للمطبخ شفت اكله جديده شون اكله طيبه
ام وائل: وائل هاي شعدك هيج واكف عبالك بزون
وائل: يوم هاي الاكله منو سواها كلش طيبه
ام وائل: ملاك سوتها
وائل: لازم اشكرها ع هاي الاكله
ام وائل: ستوها راحت
وائل: حرامات ردت اتعرف عليها يلا الايام الجايه نتعرف عليها اني راح انام تصبحين ع خير حجيه
ام وائل: وانت بألف خير
وائل: دخلت للغرفه نصدمت معقوله اني مخربط هاي مو غرفتي اذكر اخر مره تركتها مفجور بيها قنبله هسه كلش نظيفه شسالفه احسن شي اروح اسأل امال هسه تطلع هي منظفتها اماال! امال!
امال : شبيك صيح وائل تره اسمع اني
وائل: منو منظف غرفتي انتي؟
امال : لاطبعا مو اني خ انظف غرفتي اول
ملاك هي نظفتها
وائل: شنو هاذي ملاك ولج اكلها طيب وبعدين شون تحملت غرفتي وهوستها متشوق اتعرف عليها
امال : بس تتعرف عليها كلش راح تحبها وحجيت ل وائل كل قصة ملاك عن اهلها وحالتهم
وائل: يابه شون بنيه قويه طالبه و تشتغل و تساعد عمتها حقها تفضل تنعزل والله متحمس اشوفها هل بنيه صدك شتدرس
امال: اممم ماسألتها
وائل: زين هي باجر تجي مو
امال : اي
وائل: تمام حنشوف شنو هاي ملاك
يلا اموله امشي نامي تصبحين ع خير
امال: وانت من اهلو
