ملاك :عمامي فرشتلهم ونامو واجت امال يمنه بالغرفه ورده نامت ودمعه بعينها و امال نامت يمها
اني ضليت كاعده شنو يصير بينا من بعد عمتي وين نروح خاف ياخذونه عمامي يمهم وضليت افكر وره اشوي وصلتني رسالة من قاسم-كاعده؟
-شتريد انت؟؟
-اريدج انتي
-قاسم فدوه الله يخليك عيفني بحالي ماناقصني مصايب
-لا مستحيل اعيفج وهاي اني كاعد للصبح اسمع مصايبج احجيلي
-انت منو واحجيلك
-اني قاسم زوجج المستقبلي
- دروح مالي خلكك
-ملاك تعدلين اسلوبج لو اجيكم للبيت واحاجي عمامج يربوج
- لا عزه شنو تجي حباب قاسم عوفني والله بعد مابيه حيل تعبت
- ملاك احجي سولفي صدكي متندمين احجي كلشي بكلبج
-قاسم اني تعبانه من حياتي
-ليش خير
-عمه توفت
- لااله الا الله البقيه بحياتج
-حياتك الباقيه
-ملاك هاهيه راحت الدار حقها
- لا ماجان لازم تتركنه اني واختي منو النه عمامي هس يجبرونه نروح وياهم ويخلوني اترك دراستي والله مابيه بعد اقاوم
- لا مو بكيفهم محد يجبرج على شي صدكي اني وياج بكل دقيقة وماخلي بشر يمسج
-ليش شتسوي
- معليج خليها عليه يلا روحي نامي لتسهرين
-تمام
-تصبحين على خير
-وانت من اهلو
ضليت اذكر عمتي وايامنه وتعبها أوف عمه خلصتيها تعب وحزن كمت ابجي حيل بكل حركة كلب دموعي ابد م نشفت
ورده: ملاك لتبجين كافي الله يخليج وكمت ابجي وياها
ملاك :لا م داابجي بس اذكرت ايامنه ونقهرت وبعدين ليش لسه منايمه؟
ورده: لا ملاك لتسوين روحج قوية ادري بيج اضعف مني وجنتي متعلقة بيها
ملاك:اوف ورده راحت الحنيه راحت عمه وماما وبابا محد النه بعد وشبكتها
خلصنه الليل بدموعنه وبقينه وحده تواسي الثانيه
الصبح ساعه 5
كعدت من الصبح وكعدت ورده وآمال نزلت ل جدو كال يلا لازم نلحك نروح ندفن
لبست اسود و ورده هم لبست اسود ودعنا آمال واجه وائل من الصبح راد يجي بس عمامي م قبلو كالوله كفيت ووفيت رحنه للنجف دفنه عمه ورده انتهت حاولت اصير قويه بس م كدرت عمو ابو نصير ضل يسكتنه ويهدي بينه
زرنه الامام علي ورجعنه ل بغداد
بالبيت-
ابو نصير :ملاك عمو تعاي رايدج بشغله
ملاك : اي عمو جايه رحت دخلت بالاستقبال جان جدو موجود وعمو ابو امجد و عمو ابو حسين وعمو ابونصير ها عمو رتدني
ابو نصير: اي بنتي السالفه ومابيها احنه راح نرجع لديرتنا وانتي واختج بنياتنا وترجعون ويانه
ملاك: لا عمو الله يخليك شنو ارجع وياكم ودراستنه و حياتنه هنا
ابو امجد: ملااك سمعي ماريد كلمة زايده ترجعون ونتو الممنونين وين تايهه نعيف عرضنه وحدهن
ابو حسين :علكيفك ابو نصير مو هيج الحجي البنيه تريد تكمل دراستها ودراسة اختها وهذا حقها
ابو امجد : ماكوو يرجعن ويانه وبخصوص الدراسه نسويلهن نقل
الشيخ : ياالله اهدءؤ ملاك بنيتي حجاية عمج صحيحه عيشتكم هنا موصحيحه والدراسة ننقلكم يمنا ونحطكم بعيونا
ملاك :هاهيه جدو مثل متكولون وطلعت رحت لغرفتي ظليت صافنه حياتي مستقبلي ذكرياتنه اني وعمتي كمت ابجي بهستيريه
ورده: مللاك شبييج حبيبتي ملوكه شييج لييش تبجين احجيي
ملاك: ورده والله مااتحمل تعبتتتت والله تعبتتت اريد اروح يم ماما وبابا وعمتي ماريد ابجي
ورده: يكلبي لتبجين فدوه كافي
ملاك: ورده يردون ياخذونه وياهم نروخ هناك ونعوف بيتنا وكلشي
ورده:منو همه
ملاك : عمامي 😭
ورده : مو بكيفهم منروح ودراستنه شنو
ملاك: ورده همه قررو اصلا ودراستنه حيسوولنه نقل ورده : بس
ملاك :بس شنو
ورده: ملاك اني فقدت عمتي ومحد بعد يصير سندي بس وائل اني احببة وهو الشخص الي راح يحميني ملاك اني احبه مامستعده افقده
ملاك:ضليت صافنه اختي تحب وائلل ! ورده وهو؟؟
ورده :مادري
ملاك: اني حعرف يلا هسه لمي غراضج دنروح ويه عمامي ونشوف تاليها
ورده:ماشي😔
ملاك : اخذنه كلشي نحتاجه و قفلنه البيت وطلعنه شفت وائل وامال
امال: هي وتبجي بناتت ليش حتروحون وتعوفوني مصدكت صار عندي خوات
ملاك: لتبجين يعمري والله مو بيدنه وان شاء نبقى على اتصال
ورده : اي امولة لضوجين كلش احبج ماريد تنزل دموعج
وائل : سلمت على عمامهن ورحت حتى اسلم ع البنات
مع السلامه بنات انتبهو ع نفسكم واي شي تحتاجو موجود
ملاك:تسلم وائل شكرا ع كل وكفاتك ويانه
ورده: من شفته عيوني غرغرت بالدموع وائل انتبه ع نفسك
وائل: شون انتبه ع نفسي وانتي نفسي الي حتروح مني كلتها بصوت ناصي كلبي راد يطلع من مكانه ورده حياتي حتروح مني حاولت الزم نفسي كدامهن واسيطر
الشيخ : يلا بنياتي راح نطلع
وائل: مع السلامة توصلون بخير ملاك طمنينه من توصلون حتى ليضل بالنه
ملاك :ان شاء الله وائل ..شفته شون يباوع لورده ونظراته توحي انو هو يحبها الحمدلله حب من طرفين راح احاول اجمعهم ودعناهم ودعت بغداد ودعت محافظتي وكلشي حلو راح انتقل لمدينه تختلف جذريا
اتمنى اتاقلم وياها
ورده:صعدت وعيني على وائل مشت السياره وابتعدت اطلقت سراح دموعي الي جانت منتظره تنزل ضليت صافنه ع طريق اوف ياربي شنو بعد مبقالي احد بس اختي واخاف افقدها غمضت عيني وحاولت افكر بأشياء حلوه
صعدنه السياره والطريق ساعتين يلا وصلنه للبيت
ابو امجد : يلا نزلو
ملاك:نزلت واشوف بيت جبير كلش وبي حدايق وبساتين مكان يفتح النفس
ورده: احلى شي جان موجود بالمكان هو الورد بكل الوانه شكله يسحر
الشيخ : يلا بنياتي تعالو ندخل واعرفكم ع الموجودين هسه همه محضرين لفاتحه عمتكم
ملاك: دخلنه واشوف كومه نسوان وزعاطيط وزلم وهوسه
الشيخ :السلام عليكم
كلها انتبهتله وردت السلام واجوي سلمو عليه وباسو ايده
الشيخ: ذني بنيات المرحوم ديروبالكم عليهن وراح يعيشن هنا تعاي زينب بنيتي اريدج تعرفيهن ع العالم والمكان خوش
زينب: من عيوني جدو
تعالو بنات بدلو ملابسكم وسبحو
ملاك:اي جايين رحنه اني وورده وياها وصعدتنه لغرفه
زينب: هنا غرفتكم بيها سريرين وكنتورين وذني ملابس اشترينالكم قبل لتجون
ملاك:شكرا حبيبتي تعبناج
ورده: تسلمين
زينب:تدللون بنات كملو وارتاحو فد ساعه وارجعلكم اعتبرو البيت بيتكم
يتبع ..
