وائل :باليوم الثاني كعدت قررت مااداوم مالي خلك اجت امي كعدتني كتلها ماريد اداوم تعبان كالت بكيفك كعدت اكلت وضليت احاول اضيع وكتي فتحت الموبايل اكلب بي ذكرت هاي البنيه زين اني شعليه بيها ليش افكر بيها خل انام احسلي نمت كعدت ب٢ الضهر امي صاحتلي اتغده نزلت جنت مدنك راسي وتعبان
....
ملاك : كعدت الصبح رحت للجامعه حضرت المحاضرات وضليت اقرا بعد ماخلص الدوام رجعت للبيت سلمت ع عمتي وكتلها حروح ل بيت امال رحتلهم سويتلهم الغده كعدنه حتى ناكل صاحو ل اخو امال الجبير وائل
وائل نزل شفته نصدمتت هذا وائل نفسه الولد الوياي بالجامعه
بساع تركت الاكل ورحت للمطبخ
وائل : باوعتلهم اني ودانزل شفت اهلي مصدومين
ام وائل: امال كومي شوفي ملاك شبيها ليش كامت
امال : رحت حتى اشوف ملاك جانت تبجي ..ملاك شبيج شكو
ملاك : هاا لاماكو شي بس ذكرت امي وابويه وبجيت اني ماريد اكل لان ماشتهي رح اغسل المواعين
امال : لعد ابقه وياج
ملاك: لا امال روحي اكلي حبيبتي وكوليلهم ليضل بالهم ماكو شي
امال : ماشي
ام وائل: ها امال شبيها ملاك
امال: لاماما مابيها شي بس تكول ما اشتهي
وائل: شنو ملاك بالمطبخ
امال: اي
وائل: لعد اروح اشوفها واسلم عليها مبينه كلش حبابه
...
ملاك: اوف يربي شهل حظ هسه بس يعرفني يروح يطش الخبر بالجامعه ياربي اله وائل يصير ابنهم هو اني من غير شي اضوج منه احسن شي اترك الشغل
بس الراتب انطوه مقدما وكله سديت بي ديون عمتي ياالله شهل ورطه
وائل : سلام عليكم
ملاك: عززززه هذا شعده اجه خل ابقه دايره وجهي احسن
ووعليكم السلام
وائل : (هذا صوت احس روحي سامعه _بكلبي كلت)ملاك اني وائل اخو امال حجتلي امال كلشي عنج فعلا انتي بنت قويه مع انو عندج دراسه ودتشتغلين اي شي تحتاجي اني موجود
ملاك: تسلم
وائل: ليش منطتني ضهرج
ملاك: العفو بس اني مادري ماريد ادور وجهي قصدي داغسل مواعين اعذرني
وائل :( هاي شبيها 😂 ) ع راحتج اخيتي
وائل: رحت كعدت اكلت وي اهلي وكملت صعدت لغرفتي ذكرت اريد اسأل ملاك شتدرس نزلت بساع دورت عليها كالو راحت جانت تعبانه
يلا ع الايام التجي اسألها
.....
باليوم الثاني داومت رحت للنادي وي اصدقائي شفت البنيه المنعزله صافنه وحاطه ايدها ع خدها
منظهرها ضل بالي حسيت بيها شي هم ردت احاجيها بس منعت نفسي
حضرت بس محاضرتين وطلعت رجعت للبيت
..
ملاك ضليت افكر شسوي اخر شي قررت اطلع من وكت ل بيت امال اكمل كلشي ورجع قبل ميجي وائل
حضرت محاضره وحده وطلعت بساع
رحت لبيت امال جان هدوء امال و زين وزيد بالمدرسه و وائل بالجامعه
سلمت ع ام وائل دخلت للمطبخ سويت اكل ونظفت وغسلت المواعين
كعدت شويه يم ام وائل حجينه
كمت نظفت الغرف بقت بس غرفه وائل جنت دا اعزلها شلت الملابس دا رجعهن للكنتور سمعت صوت
وائل : رجعت للبيت رحت لغرفتي شفت ملاك دتعزل بملابسي
وائل : احم احم
ملاك : تسمرت بمكاني هذا شجابه هسه
وائل : شونج ملاك
ملاك: تمام
وائل: ليش منطتني ضهرج هم دتغسلين مواعين
ملاك: ماجاوبته
وائل :ملاك من باب الاحترام تحجين وي شخص وتباعيله مو دورين وجهج
ملاك: دموعي صارت تنزل وحدهن
وائل :يعني مصره متباعيلي
ملاك:حسيته حيسوي شي رئسآ درت وجهي وباوعتله
وائل: ردت اروح بنفسي وتخليها تشوفني بس هي دارت عليه
وائل: اأأ انتييي شعدج هنا ملااك ضليت صافن مادري بعد شحجي انصدمت
هي ركضت وطلعت من الغرفه
هسه عرفت ليش متقبل تشوفني اوف يالله شون صار هيج
.......
قد يكون القدر ضالما معنا فنكون بأماكن لانستحقها
نكون بموضع يذلنا بلحظه واحده فقط يتغير كل شي
بمصادفه غير متوقعه نرى كل شي
....
ملاك: تركت البيت وطلعت ابجي كعدت ع حجاره يم بيت امال وضليت امسح دموعي
وائل: لحكتها ل ملاك شفتها كاعده يم بيتنه وتبجي رحت حتى احاجيها
وائل: ملااك ليش تبجين انتي ماسويتي شي غلط
اذا بالج انو راح احجي للطلاب ف انتي غلطانه ماسوي شي يأذي ويجرح بنت مثل ماكتلج قبل وهسه اكلج انتي مثل اختي واي شي تحتاجي كوليلي
ملاك: صدمني من حجه هيج صدك طلع حباب
وائل: روحي ارتاحي بيتكم وباجر تعاي ولشيلين هم
ملاك: مسحت دموعي وكتله شكرا
وائل: ضليت اراقبها واراقب كل تفاصلها يالله دخلت بالزايد بعقلي شكلها بريئ كلش رجعت للبيت وضليت صافن ملاك نفسها البنيه المنعزله الي حجتلي عنها امال
.....
