ملاك: لبسنه اني وورده اسود ونزلنه وياهم جانو مخبوصين ونسوان هوايه ويطبخون هنه شافنه وضلن يتبسبن بينهن شفت البنية الي اجتنه بالبداية صحتها
زينب : ها بنات ليش نزلتو ابقو فوك ارتاحو
ملاك: لا عادي نساعدكم
زينب: تمام لعد تعالو اعرفكم ع البنات بالمناسبة اني بت عمكم سالم ابو امجد وهاي ماما
ام امجد: هلا بيكم بنات
ام نصير :اني مرت عمكم هم
ملاك: ووووو وتعرفنه عليهن كلهن ابد مخلصن من غير الجهال الي تارسين البيت
ظلينة نشتغل وسوو الغدا وغسلنه اماعين وتعشينه طبعا النسوان وحد والزلم وحد لليل قلو النسوان بقينه بس اني وورده وزينب و امها وفاطمه ودلال بنات عمي
ورده :ملاك تعبت حصعد انام
ملاك:ماشي شوية واجي اني هم تصبحين ع خير
ورده:وانتي من اهلو
جنه نحضر للفاتحة مال عمة الله يرحمها
زينب: ملاك شنو حتسوين ويه دراستج
ملاك: والله اخذت اجازه اسبوعين من غير شي اني ماخذه قبلها اجازه مادري شون حتصفى وكومه محاضرات فاتتني
زينب : لعد متنقلين هنا
ملاك:ميصير اله اصير مرحله ثانية اني لسه مرحله اولى
زينب: اخوية امجد استاذ جامعي يكدر يسويلج واسطه وينقلج ويخليهم يساعدوج
ملاك:ياريت
زينب :راح اصيحه واحجي ويا
ام امجد:بنات يلا خلص الشغل الباقي باجر
دلال وفاطمه: تصبحين ع خير عمه تصبحون ع خير بنات راحو
زينب : تصبحون ع خير
ام امجد: اني رايحه مو تظلون بس تحجون
زينب :اي ماما
ملاك: زينب ساعه شكد صارت
زينب:ب 1:30 راح اخابر امجد يجي هنا
ملاك : عدلت الشال مالتي واجه امجد وحجتله السالفه زينب
امجد:سهله شغلتج ملاك بس اريد توقيعج و اوراق وتنحل بيومين
ملاك:شكرا امجد حزحمك
امجد :لا ولو
------
الشيخ : قاسم شبيك اشوفك مهموم
قاسم : لابوية بس تعبان وكلبي هم تعبان
الشيخ: شنو بوية مبين عشكان والمعشوك بعيد
قاسم :اي والله يابويه
الشيخ:اشر واني اخطبها لك وبعيني
وبعدين من شوكت تسهر كوم نام باجر عدنه فاتحه
قاسم:فاتحة منو
الشيخ :اذا تعرف شيخ عابد بنته توفت
قاسم: بوية هو انت تعرف شيوخ الديره كلها لاوالله ماعرفه
الشيخ : اريدك تجي وياي باجر و عمك هادي هم راح يجي لازم نسير عليهم
قاسم : صار بويه
ضليت كاعد وافكر اخابرها لملاك لا والله مصيبه خاف عمها احد يمها وتتأذى البنية بسببي
الله كريم يومين واروح لبغداد اشوفها حيل مشتاقلها
ملاااك اسم على مسمى اخخ يكلبي متحب اله البعيدين
-----
وائل: يوم الله يخليج افتهمي احبهاااا اعشقهااا
ام وائل :ماما حبيبي البنية بعدها زغيره و راحت يم عمامها وهي حلوه تلكاهم هناك حجزوها لابن عمها
وائل: لايوم ورده الي ومتصير لغيري لو اعرف اخطفها منهم وعمامها حبابين خاف عبالج متشددين بالعكس حيل محترمين
ام وائل: ان شاء الله اخطبها الك بس انت اعرف اخبارها وتطلع اربعينية مال عمتها وتدلل
وائل: ان شاء الله اهم شي وردتي تبقى الي
امال : صدوك وائل تحب ورده ؟؟؟ راح تزوجها؟؟
وائل: انتي مين طلعتي اي عيني احبها
امال: ياااااييي يلا روح ازوجها وجيبها لهنا
وائل: اي هسه رايح اركب تكسي واروح اجيبها شبيج تخبلتي غير تطلع اربعينيه عمتها
امال:ها اي هم صدوك
ام وائل: ان شاء الله فد يومين وافاتح ابوك بالسالفه ا
امال: هييييي زيييييييد زيييييييين تعالووووو وائل حيخطب
وائل:انجبي لج تخبلتي بعد روحي لجيران وكوليلهم
امال :شبيك عيني دكتورنه فوك مافرحتلك
زيد : شبيج تصيحين زين كال روح اركعها راشدي
امال: لك يحضيي خوك حيزوج العاشك يحب وحده
زيد:لابربج منو هاي ها لك والله كبران وئولي
وائل: هاي انت شوكت كبرت شو بلا تعال وتعاركو وضحكو
ام وائل : يلا امولة كومي نسوي العشة قبل ليجي ابوج خطية تعبان
امال:اي ماما هياني جاية
-----
الصبح نزلنه اني وورده نظفنه وشتغلنه وساعدناهم وكلوبنه مهمومه على عمه صعبة نعيش وحدنه وي غرب
همه مو غرب عمامنه بس مامتعودين عليهم عمه ويانه من احنه وصغار كبرتنه ووصلتنه وياما سهرت علمودنه
ورده:ملاك راسي ديوجعني دخت مادري شبيه
ملاك: شبيج ورده مصخنه تعاي صعدي وصعدتها فوك ارتاحي لتنزلين هسه اجيبلج حب وجع راس
ودك موبايلي شفته وائل ديتصل
ورده: منو
ملاك: وائل يتصل
ورده :صدووك فدوه انطينيا احجي ويا
ملاك: ها شو صرتي زينه شنو طلع دواج واني مادري
ورده: هههههه ملاك شنو هالحجي
ملاك: شلته علي هلو وائل
-هلا ملوكه شلونج شلونها ورده مرتاحين اخباركم شونها
-الحمدالله بخير احنه ليضل بالك ورده شوية تعبانه وهسه هي بالمستشفى وضحكت
- شنووو شبيها ورده ملاك احجي ورده شبيها اذاها احد
- هههههه اشاقه وياك ابو الحب مبيها شي بس تعبانه وهياتها يمي
- هااا ملاك شنو ابو الحب اني اعلمها امال حجتلج موو
- لا عيونك حجتلي تره اعرف تحبها
- صراحة مو بس احبها اموت عليها ملاك بس هي تحبني؟
-لا
- مو بكيفها
- اشاقه هي هم تحبك ان شاء الله تنجمعون سوه
- زين ملاك هي نايمه هسه لو كاعده
- ورده سحبت الموبايل مني وسمعته
لا كاعده
-ورده!!
-اييي
-شلونج ورده
-الحمدالله هسه صرت زينه
ملاك: ديلا بلا طلع صدوك دواج
وائل: فدوه اروح لهالصوت
ورده: استحيي
ملاك: ولج كافي طلعت عينكم اخذت الموبايل منه يلا وائل راح نروح سلملي على امال والتؤم وامك هواي
-ان شاء الله وانتي ديربالج ع نفسج و ع ورده واي شي تردو بالخدمه
-شكرا مع السلامه
-مع السلامه
ورده: مللاك يحبنييي فدووه اموووت عليي
ملاك: هههه احسه انطاج جرعة للحياة يلا نزلي وياي
ورده:هااا ملاك راسي يوجعني وبعدني مصخنه
ملاك: اياجذابة يلا ابقي هنا اجيبلج دوا واجي
يتبع .....
