وائل : ضليت كل يوميه اروح لملاك و ورده ودائما اختي امال تجي وياي
عمتهم حيل تعبت وصدك جانت بأنفاسها الاخير
من طلعو ملاك و ورده يسوون اكل حجت وياي عمتهن
زينه: و وائل اشكرك ع وكفتك ويه البنات ووياي ماقصرت بشويه الله يجازيك ويوفقك ابني اني ادري ايامي معدوده وانتقل يم ربي اتمنى دير بالك ع البنات صح هسه عمامهن ياخذوهن عدهم بس ابني حاول تطمن عليهن لان هناك ميرتاحن وادري راح يتعذبن اني واثقه بيك ووصيتك عليهن
وائل: لاعمه لتحجين هيج الله يشافيج والعمر طويل والبنات لتخافين عليهن اني موجود وان شاء الله ميحتاجن شي ....
زينه : تسلم وليدي متقصر
.....
وائل: مرن يومين ورده ذبلت وملاك اوف ملاك راحت كل قوتها وحيل خفت عليهن واختي امال كل يوميه تجي عليهن تشوفهن وكل هذا الصار وعمامهن مسألو
وائل: ملاك عمامج يدرون بعمتج مريضه
ملاك : لا ماكتلهم وما رح اكوللهم
وائل : ليش ياعيني مو خطيه يمكن تريد تشوفهم
ملاك: شوف وائل عمه مو اختهم جدو تزوج بيبي ام زينه بس لان ابو جبره انو يتزوجها، بيبي جابت بس عمه زينه ورا ما توفى ابو جدو بسنتين اتزوج جدو وحده كلش يحبها تصير بت خالته ونزلت ضره ع بيبي
وجدو جان دائما يتعارك وي بيبي ام زينه عمود مرته الثانيه تاليها بيبي ماتحملت كالتله طلكني هو مارفض هالشي وطلكها واجت عاشت هنايه وي اهلها، مرت جدو الثانيه صار عدها ٣ ولد الي همه عمامي وابوي و ٢ خوات، بابا من اجه لبغداد ودرس انعجب بأمي وحبها هواي جانو نفس الجامعه ومن كال لجدو اريد ازوجها ماقبل جدو كاله مانريد غريبه تاخذ بت عمك ، زعل بابا وكله اله اتزوجها وفعلآ اتزوجها وعاش هنايه ببغداد لان جدو كاله بعد مالك طبه للبيت بابا هواي جان يحب بيبي ام زينه وزينه يعتبرها اخته ودائما يمر عليها وشتريد ينطيها وعمه تموت ع امي كلش بعد وفاه بابا و ماما تكفلت بينه عمتي وجانت خايفه انو ياخذونه عمامي بس همه ماحجو
وائل: جربي وسأليهم
ملاك : ماشي شويه واخابرهم
......
قاسم مرت ايام واني ماشفت ملاكي حيل انشغلت
قررت اروح ل بغداد من الصبح من تروح لدوام واشوفها
ضليت انتظر محد طلع بالعاده اشوفها هي تطلع واختها بس هالمره محد وره ساعه وكفت سياره ونزل منها ولد ماذكر وين شايفه بس شكله مو غريب دك الباب ودخل
تخبلت عقل ماضل براسي شون ولد يدخل عليهن وهنه بس حرمه
نص ساعه وطلع الولد لحكته بسيارتي شفته راح للكليه
شنو هذا يدرس وي ملاك وشعده بيتها يالله شون مااكدر الزم نفسي
اتصلت ع ملاك لج ردي نعلعلا يومج
ملاك: الو
قاسم : لج حقيره هذا منو مطببته للبيت وانتو بس نسوان ماكو زلم شنو هالمگو...
ملاك: ماسمحلك نحجي هيج فتهمت وانت مالك علاقه بيه ولتتصل بعد بلا اخلاق وسديته بوجها
قاسم: لج ياحقيره اني اعلمج وسدي بوجهي هم بسيطه اله اكسر خشمج
ملاك: اريد اعرف منين طلعلي هذا وشعده وياي ياربي والله ماتحمل😭
......
ابو نصير : سلام عليكم اخوان
..وعليكم السلام
ابو نصير:عندي حجي وياكم تدرون بأخونه توفى الله يرحمه وزوجته هم وترك خلفه ثنين بنات وتكفلتهن اختنه زينه امس اتصلت عليه ملاك وكالت زينه مريضه وتعبانه قررت باجر ان شاء الله اروح اشوفها واشوف البنات
ابو امجد: اجي وياك انه هم
ابو حسين : خويه نروح كلنه
الشيخ : خير تسوون بويه لازم تطمنون على خيتكم وبنات اخوكم وان شاء الله انه هم جاي وياكم
.....
ملاك : ورده افتحي الباب دتندگ امال و وائل يمكن اجوي
ورده: صار ..فتحت الباب وشفت زلم واكفين منو انتو وشتردون
ابو امجد: بنتي احنه عمامج وجايين نطمن عليكم
ورده: معقوله عمامي وماعرفتهم هو اني اصلا مشايفتهم ...اتفضلو عمو
ملاك : جنت اسبح وسمعت صوت زلم عزه هاي شنو زلم بيتنه وطلعت من الحمام
ورده : ها ملاك واخيرا طلعتي اجوي عمامنه
ملاك : شنووو قبل يومين خابرتهم ماتوقعت يجون بساع وين كعدتيهم
ورده: راحو يم عمتي
ملاك : رحت سلمت على عمامي وجانو كاعدين يم عمتي
الشيخ : هلا بويه ملاك تعاي حدري يمي بنتي تعاي يبنت الغالي نسخه من المرحوم
، ملاك ...كعدت يم جدو الي اول مره اشوفه
زينه: الحمدالله من شفتكم قبل ماموت
ابو امجد: لاتحجين هيج زوينه اسم الله عليج
الشيخ: زوينه لاتحجين عن الموت چدامنه ونتي مابيج اله كل خير
زينه: لا بويه الاعمار بيد الله ومامكتوبلي اعيش اكثر وصيتي ملاك و ورده بالكم عليهن يتيمات ومالهن احد ،روحهن الدراسه لاتخلوهن يتركن
ملاك: ماما فدوه لتحجين هيج مااتحمل بدونج (وهي تبجي)
ورده: جنت واكفه بره مادخلت بس سمعتهم هيج يحجون دخلت ركض ع عمتي وخليت راسي بحضنها وابجي اسم الله عليج ماما حبيبتي شون تحجين هيج ماكو متركينه
ابو حسين : كولن يالله طولت العمر الها ان شاء الله
ابو نصير : زينه ليش هيج فرفحتي البنات لاتخافون عمو ادري متعلقات ب زينه الله يحفظها وذا لاسامح الله صار شي انتو بأمانتي ميمسكم بشر
