رجعت للبيت واني كل فكري يم ملاك وبقيت صافن شكد قويه هالبنيه
ام وائل: ماما وائل شبيك صافن وملاك وينها
وائل: حجيه ملاك شفتها كلش تعبانه وكتلها ترجع ترتاح
ام وائل: ي ماما زين سويت لان من اول مااجت اشوفها تصفن ووجها تعبان
وائل: ماما انتي تعرفين وين بيت ملاك؟؟
ام وائل : لا يمه ماسآلتها قبل بس اختك كالت كلش قريب ع بيتنه بس ليش تسأل صاير شي ؟؟
وائل :لا يوم ماكو شي اني طالع تردين شي يل غاليه
ام وائل: لا ماما سلامتك الله وياك
....
ملاك: رجعت للبيت وكل فكري شسوي وشون اخلص من هالمشكله صح وائل انطاني الامان ومراح يحجي بس ماكدر اثق بي ماكدر اثق بأحد
قررت اشتغل غير شي حتى اجمع فلوس النطوها بيت وائل وارجعهن الهم
زينه : ملاك شعجب راجعه من وكت
ملاك: تعبانه شويه
زينه : لعد اكوم اسويلج اكل مبين كولشي ما ماكله وحتى وجهج اصفر
ملاك : لا ماما والله مااشتهي هسه انام شويه وارتاح
زينه: لايروحي هسه اجيبلج الاكل وتاكلين ماريد اسمع اي رفض
ملاك : ماشي ماما حزحمج
زينه: لا ملوكه ماكو زحمه
...
باليوم الثاني
ملاك: رحت للجامعه وحاولت اجنب اي مكان يكون بي وائل رحت كعدت بالحديقه وجنت دااقره شفت ولد اجه وكف يمي رفعت راسي شو هذا ضل صافن عليه
ملاك: محتاج شي؟؟
قاسم: محتاج هالعيون
ملاك: عفوا ؟؟!
قاسم: العفو عادي اكعد يمج
ملاك : براحتك اني حروح كمت ودا اريد امشي سحب ايدي
قاسم: من احجي وياج ضلين واكفه فهمتي
ملاك : اول شي هد ايدي ونت منو حتى اوكف وياك وخر يلا
قاسم : هسس صوتج لتعلي اني قاسم ابن شيخ علي خاف متعرفيني
ملاك : واني شعليه وخر لااصيح الطلاب عليك
قاسم: هههه وعبالج خايف يلا صيحي توكع براسج المشكله اني ماتأذه بس انتي سمعتج صير بالكاع اذا عرفو انتي جايه يمي
ملاك : خويه شرايد مني لاعرفك ولاتعرفني
قاسم : خويه؟ هممم هالكلمه ماريد اسمعها مره ثانيه اني بس ردتج تعرفيني اني منو بحساب انتي حتصيرين الي
ملاك: هاي شدتحجي انت شبيك شنو الك
قاسم : مثل ماسمعتي !عفتها ورحت
ملاك: كعدت ابجي مين طلعلي هذا وين اروح
وائل: ضليت كل وكتي ادور ع ملاك بعيوني بس ماشفتها ابد خلصت المحاضرات واريد اطلع لمحتها كاعده بالحديقه وايدها ع وجها وتبجي رحت الها بساع
وائل: ملاك ليش تبجين شصاير ؟؟؟
ملاك : وهي تمسح دموعها لاماكو شي
وائل: احجيلي ولتخافين اعتبريني اخوج
ملاك : وائل كتلك ماكو شي عن اذنك كامت وطلعت من الحديقه
وائل :اووف يربي هاي ليش تبجي كطعت كلبي هي بمثابة اختي صارت ماتحمل اشوف دموعها
رجعت للبيت غيرت ملابسي وسبحت ونزلت كعدت جوه يم امي اخر شي زهكت سألت امي
وائل: يوم ملاك شوكت تجي؟
ام وائل: بعد يومين وتجي لان خابرت امال وكلتلها تعبانه وماكدر اجي
وائل: هاا هيجي لعد يوم اني طالع وي اصدقائي وراح اتأخر بالرجعه
ام وائل: الله وياك يمه ترجع سالم
وائل: بست راس امي وطلعت وي اصدقائي
....
ملاك :رجعت للبيت ورحت ع غرفتي وضليت ابجي وافكر شون بيه مين طلعلي قاسم وشون وي مشكله وائل دخت ع كد مافكرت وره شوي موبايلي دك شفته رقم غريب مارديت دك مره ثانيه هم مارديت
وره شوي وصلتني رساله( ملاك ردي عليه اني قاسم وذا متردين انطي رقمج لكل الطلاب )
عزززه هذا شون عرف رقمي ومين جابه اووف يربي وره دقيقه اتصل شلته بس ماحجيت
قاسم : هلو ملاك شونج
ملاك...
قاسم : ليش متحجين تره كلش حاب اسمع صوتج
ملاك: انت صدك متستحي شنو تتصل ع بنات العالم وتهدد شنو ماعندك اخت متخاف يصير بأختك هيج
قاسم : هسس ارجع واكول لتعلين صوتج اني مامتصل ع بنات العالم متصل ع مرتي
ملاك : وانت منو وتحاجيني هيج بحلمك اصير مرتك وسديت الموبايل بوجه
قاسم : اريد احجي وسدت الخط لج بسيطه ملاك
ملاك : دز رساله ( سدين الخط بوجهي هاي ماراح امشيها الج اني اعلمج متمشين اله بالعين الحمره واراويج شون راح تصيرين مرتي ) كعدت ابجي ع حضي شون بيه ياربي اختبارك صعب واني ماتحمل بعدين ذكرت بيت وائل خابرت امال كتلها مااجي هاليومين لان كلش تعبانه
عمتي واختي حاولوا يعرفون شصاير بس ماحجيت وكتلهم يتركوني وحدي جنت فاقده ع كد مابجيت
كعدت بليل فتحت شباج غرفتي وضليت اباوع ع سماء هذا جان اكثر شي يريحني ذكرت امي وابويه بجيت وبعدين مسحت دموعي نزلت راسي شفت سياره واكفه يم بيتنا وواحد واكف كدام السياره ويباوعلي حيل خفت سديت الشباج واني اكول هذا منو وره شوي وصلني مسج ( حبيبي ليش تبجين مسحي دموعج ومره ثانيه بعد لتمدين راسج من الشباج مااقبل تره تجنين ع نفسج) عزه هذا قاسم هذا شون اندل بيتنه نوبه ديراقبني دخيلك يربي والله تعبت مااكدر اتحمل بعد من جهه وائل ومن جهه ثانيه قاسم ودراستي واختي وعمتي ضليت ابجي حد ماتعبت ونمت ..
