ملاك: رجعت للبيت وساعدت عمتي واختي جانو يسون اكل
عمتي تشتغل خياطه و مامزوجه عمرها بالاربعين من يوم توفو ماما وبابا تكفلتنه وماخلتنه نحتاج شي واني ادري المصروف ميكفي يعني متكدر تدفع فلوس الكهرباء والماي و الايجار مال البيت ف جانت تداين وهواي صار عليها ديون عمامي كل ٣ اشهر ديدزولنه فلوس بس متكفي وخالي احمد عايش بالخارج دائما يتصل ويسأل علينه بس اني مكايلتله احنه محتاجين فلوس لان عمتي كالت اذا يدري يسحبكم ويا للخارج وهي تحبنه متريد نعوفها
فقررت اشتغل وهذا الحل الوحيد حتى اساعد عمتي
ملاك: ماما ( هي عمتي بس اني اصيحها ماما )
زينه: ها ملوكه
ملاك: اريد اشتغل
زينه : لا متشتغلين وسدي هل موضوع
ملاك : ماما اني مو صغيره وتخافين عليه واريد اساعدج
زينه : حبيبتي ملوكه اني ماريدج شيلين هم انتي ادرسي والباقي عليه
ملاك: لا داكول اريد اشتغل يعني شنو قابل مادري انتي عندج ديون وحتى الليل متنامين بس تخيطين
زينه:ماشي ملاك اذا عجبج تشتغلين بكيفج مامنعج بس اذا مارتاحيتي وتعبتي اتركي للشغل
ملاك: شكرا ماما هسه حطلع وادور شغل
واخييرا عمتي وافقت اشتغل بس منو حيشغلني اول شي اشوف اذا اكو مطعم اكدر اشتغل بي واغسل مواعين لان شغلتهن سهله
...
مطعم....
تمام راح ادخل هنا ونشوف اذا يقبلون
السلام عليكم اكو شغل متوفر هنا
..لا نعتذر ماكو
ماشي شكرا
.
.
.
.
ولامطعم يقبل يشغلني
هففف كل المطاعم ماكو شغل هسه شون
جنت اريد ارجع للبيت شفت بنيه واكعه رحت ساعدتها مجانت تكدر تمشي وتبجي كتلها شبيج
كالت انلوت رجلي وماكدر امشي عليها كتلها تحبين اوصلج كالت لااخوي هسه يجي كتلها هسه يتأخر حوصلج اني تشكرتني هواي
ملاك: شنو اسمج
امال : اسمي امال
ملاك: حلو اسمج
امال :انتي الاحلى هذا بيتنه تعاي دخلي وياي ملاك:اعتذر ماكدر اصلا الوقت اتأخر
امال : حبابه بس نص ساعه وهاهيه
ملاك ؛ تمام بس نص ساعه
امال: ماما وينج
ام وائل : ها اموله خيرج وليش جاي تعرجين شصار
امال : لا ماما بس انلوت رجلي وملاك ساعدتني
ام وائل: مشكوره يروحي تعاي تفضلي هسه اسوي جاي
ملاك : لاخاله شكرا هسه شويه واطلع
ام وائل : لا حبيبتي شنو هل حجي بس ثواني واجيب الجاي
امال : ملاك عرفيني عليج تدرين ماعندي خوات احس بفراغ جبير صح عندي ٣ اخوه بس مو مثل الاخت احيانا اضوج واغار من اشوف وحده عدها اخت وتحجي وياها
ملاك: لاحبيبي ليش ضوجين اني اختج لعد وكولشي بالج تحجي لاختج احجي الي
امال : ياحبيبتي نعم الاخت انتي
صدك ملاك انتي درسين
ملاك : اي ادرس بل كليه
امال : ماشاء الله الله يحفظج اكيد هواي اعترفولج ع جمال الشايلته
ملاك : اني ماختلط وي طلاب كلش بعيده عنهم اني طبعي مو اجتماعي ولا مرحه وانكت ف اني اعزل روحي افضل من انو اكعد بينهم واني ساكته
امال: اني متأكده اكو شي خلاج هيج
ام وائل : تفضلو. بنات هذا الچاي
ملاك وامال : عاشت ايدج
ام وائل : اخذوا راحتكم بنات اني راح اطبخ
ملاك : امال اي هواي اسباب خلتني هيج وحجيت قصتي كلها ل امال خطيه دمعت عيونها مدري ليش حبيتها للبنت وضليت احجي وياها وكتلها جنت ادور ع شغل
امال : ملوكه اني عندي شغل الج بس خاف ميعجبج يعني دااحاول اساعدج فدوه لضوجين مني
ملاك : تمام كولي شنو الشغل
امال : من ترجعين من الكليه تعاي لبيتنه طبخي اكل بما انو انتي تعرفين طبخين وذا يعجبج تنظفين بالغرف وننطيج راتب لان امي مريضه من زمان ندور ع بنت امينه مثلج يعني اذا تحبين وحبابه لضوجين مني
ملاك:لايروحي ادري بيج دتعرضين مساعده اذا هيج ماشي موافقه اشتغل وبيتكم كلش قريب ع بيتنه حتى عمتي ميضل بالها عليه يلا اموله اني اترخص
امال: براحتج ملوكه وهسه احاجي ماما واردلج خبر شوكت تبدين
ملاك: تمام حبيبي ح انتظر اتصال منج مع السلامه
امال : بيباي حبيبتي
