Cyclone

7

Hoseok မနက်ခင်း အိပ်ယာနိုးလာတဲ့အခါ အကြည့်
တွေက ထုံးစံအတိုင်း Sofa ဆီ ဆိုက်ရောက်သည်။
မြင်နေကျပုံရိပ်ကို မတွေ့ရတဲ့အခါ ကြည်လင်နေတဲ့
မနက်ခင်းဟာ ရုတ်ချည်း မဲမှောင်သွားသလိုပဲ။
တစ်အိမ်ထဲနေနေတာတောင် သတိရနေမိတာကြောင့် Hoseok အရမ်းလွန်နေပြီမှန်း ကိုယ့်ကိုကိုယ်သိတယ်။
ဒါပေမယ့်လည်း တွေ့ချင်နေတဲ့ စိတ်က ချိုးနှိမ်မရသည်
မို့ အိပ်ယာပေါ်ကနေ ခပ်မြန်မြန်ထရင်း အောက်ထပ်ဆီ
ဦးတည်လိုက်သည်။

လှေကားကနေ ဆင်းလိုက်တာနဲ့ Sofa မှာ စာအုပ်
တစ်အုပ်နဲ့ ထိုင်နေတဲ့ Taehyung ကို တွေ့လိုက်ရ
တာကြောင့် Hoseok သဘောတကျပြုံးမိသည်။ အား.....အခုမှ နေသာထိုင်သာရှိသွားတာ။ ခြေသံကြားလို့ထင်တယ် ဖျတ်ခနဲ မော့ကြည့်လာကာ စာအုပ်ကို
ပိတ်လိုက်တာကြောင့် Hoseok လှေကားကနေ ခပ်မြန်
မြန်ဆင်းလာလိုက်သည်။ အကျင့်ပါနေတဲ့ မျက်လုံးက ဧည့်ခန်း နံရံကို ကြည့်မိသွားတာမို့ ချက်ချင်းအကြည့်လွှဲ
လိုက်သည်။ လှေကားကနေဆင်းလာတိုင်း ဒီ ဓာတ်ပုံကို တွေ့နေရတာမို့ တကယ်ကိုအဆင်မပြေဘူး။

" Morning Taehyung "

မျက်နှာချင်းဆိုင်မှာ ဝင်ထိုင်လိုက်တဲ့အထိ ကိုယ့်ကို
သေချာမကြည့်သေးတာကြောင့် Hoseok အပြုံး
တစ်ချို့နဲ့နှုတ်ဆက်လိုက်သည်။

" အင်း! "

အင်း တစ်လုံးသာဖြေရင်း တစ်နေရာတည်းကို စူးစိုက်
ကြည့်နေတာမို့ Hoseok အသာ မျက်ခုံးပင့်မိတယ်။
Taehyung ပုံစံက တစ်စုံတစ်ခုကို တွေးနေတာမို့
မျက်လုံးကျရာ နေရာကို စူးစိုက်ကြည့်နေတဲ့ ပုံစံပါပင်။

" ဘာဖြစ်နေတာလဲ "

မနေနိုင်တဲ့ လူက စပ်စပ်စုစုမေးလိုက်ပေမယ့်လည်း
ဈေးကိုင်တဲ့ vampire ပေါက်က အသာ ခေါင်းယမ်း
ပြသည်။

" ဘာမှမဟုတ်ဘူး....ဒါနဲ့ ပွဲတော်အတွက် ဘယ်နေ့
အိမ်ပြန်မှာလဲ "

ဆိုင်းမဆင့်ဗုံမဆင့်မေးခွန်းကြောင့် Hoseok အ့ံသြ
သွားတယ်။ Weather Controller တွေ ရဲ့
အစဉ်အလာတစ်ခုက နွေရာသီရဲ့ သုံးကြိမ်မြောက်
လပြည့်နေ့ ရောက်ရင် မြို့တော်ဖြစ်တဲ့ Nofrora မှာ
စုဝေးပြီး ပွဲတော်ကျင်းပလေ့ရှိကြသည်။ လပြည့်မတိုင်
ခင်ညရယ် လပြည့်ညရယ် လပြည့်ကျော်ညရယ်...
သုံးရက်တိတိ ကျင်းပတဲ့ ပွဲတော်ဖြစ်ပြီး ရည်ရွယ်ချက်
ကတော့ Weather Controller တွေ အချင်းချင်း
ရင်းနှီးစေဖို့ပါပင်။ တစ်ချို့တွေက Nofrora မှာ
မဟုတ်ပဲ သူတို့လို အပြင်လောကမှာ နေကြသည်မို့
မျိုးနွယ်စုကို မမေ့အောင် လုပ်ပေးတဲ့ ပွဲလည်းဖြစ်သည်။
Weather Controller မှန်သမျှ မဖြစ်မနေတတ်
ရောက်ရတာမို့ တစ်နည်းအားဖြင့် မျိုးနွယ်စုရဲ့ အင်အား
ကို စစ်ဆေးရာလည်း ရောက်လေသည်။