Cyclone

Final

/ Unicode /

အပ်ကျသံတောင်ကြားရလောက်အောင် ငြိမ်သက်
နေတဲ့ အခန်းထဲ အကုန်လုံးက ဦးလေးရဲ့ မျက်နှာ
အရိပ်အကဲကို စောင့်ကြည့်နေကြသည် ။ Yoongi
hyung ဆီက သတင်းရရချင်း Nofrora ကို ပြန်လာ
ပြီး Seokjin hyung တို့အိမ်ကို လိုက်လာခဲ့ရာမှာ
ဒီလို အေးစက်စက်အခြေအနေထဲ သူပါ ငြိမ်နေ
ရတာပင် ။

" ခိုးပြေးတာ! ကလေးကလားနဲ့  လူကြားလို့မှ
မကောင်း! "

စိတ်ပျက်လက်ပျက် အသံက တိတ်ဆိတ်မှုကို ဖြိုခွဲ
လိုက်တဲ့အခါ အရှေ့မှာ ထိုင်နေတဲ့ Seokjin hyung
က ပေါင်ပေါ်တင်ထားတဲ့ လက်နှစ်ဖက်ကို အချင်း
ချင်း ဆုပ်နေတော့တယ် ။ Seokjin hyung ဘေးက
Namjoon ကလည်း ခေါင်းကိုငုံ့ထားတာများ ။
အပြစ်လုပ်ထားတဲ့ သူတွေမို့ အခုအချိန်မှာ ဘာမှ
ပြန်မပြောရဲကြတာ ။ hyung တို့က ဘာမှမပြော
ကြပေမယ့် သူရော အဖေနဲ့ အမေနဲ့ရောက
အခြေအနေမဟန်ရင် ဝင်ထိန်းဖို့ ပါးစပ်တစ်ပြင်ပြင်
နဲ့ စောင့်နေရသည် ။

" ကျွန်တော်~~ကျွန်တော် Haeyoo နဲ့ လက်မထပ်
ချင်ဘူး အဖေ "

Seokjin hyung ရဲ့ အားယူပြီးပြောလိုက်တဲ့
စကားကို ဦးလေးက ချက်ချင်း မေးခွန်းထုတ်တယ်။

" အဲ့ဒါနဲ့ပဲ Namjoon နဲ့ ခိုးပြေးရောလား "

" သူ့ကိုမှမချစ်တာကို ကျွန်တော်က Namjoon ကိုပဲ
ချစ်တာ "

ပြောရင်းနဲ့ အဖျားခတ်လာတဲ့ အသံကြောင့်
Namjoon က Seokjin hyung ရဲ့လက်ကို အသာ
လေး လှမ်းကိုင်လိုက်တယ် ။

"  ကျွန်တော်တို့ကို သဘောတူပေးပါ ဦးလေး
မဟုတ်ဘူး ကျွန်တော်တို့ကို သဘောတူပေးပါ အဖေ
ကျွန်တော် hyung ကို သေချာစောင့်ရှောက်ပါ့မယ်
ကတိပေးပါတယ် "

Namjoon ရဲ့ စကားအဆုံးမှာ ဦးလေးက
စိတ်မရှည်သလို ခပ်ကြိတ်ကြိတ်အော်တော့သည်။

" အေး အဲ့လို စောစောစီးစီး ခွင့်တောင်းလိုက်ရင်
ပြီးနေတာကို ခိုးများပြေးရသေးတယ် မင်းတို့ကို
ဘယ်သူက သဘောမတူဘူး ပြောလို့လဲ "

" ဗျာ~~~"

ဦးလေးရဲ့အဖြေမှာ အားလုံးအံ့သြသွားသလို
Namjoon ကလည်း အူတူတူလေး ကြည့်နေတဲ့
Seokjin hyung ကို ဆွဲခေါ်ကာ ချက်ချင်း ကြမ်းပြင်
မှာ ဒူးထောက်ထိုင်သည် ။