منذ الولوج الي الحياة حتي الرحيل ،نسبح علي سطح لوحة........ أبدعها البارئ(سبحانه وتعالى)........وسخر لنا فيها بحرا من الالوان؛لنبحر..........اختر الوانك بعناية ؛لئلا ينقطع حبرها في منتصف الرحلة وتغدو باهتا ......عالقا لا تستطيع المضي ...ويقتلك المكوث!. (روسيال)
..................................
جوري لااااااا بتي مالها يا محمد بتي مالها يا جماعة شوفو بتي عليكم الله ساعدونا،يا مها عليك الله ماتكوركي نحنا زاتنا ماعارفين جواد اضرب للاسعاف بي سرعة، أي كويس يا ابوي ،الاسعاف وصلت ،خلوني أنا أركب مع بتي ، لالا أنا بركب جواد سوق أمك وجود والحقونا بالعربية في المستشفى ، وصلت عربية الاسعاف ونزلوها من العربية ودخلوا غرفة العمليات بي سرعة لسؤ حالتها وظلو منتظرينها بفارغ الصبر علي أمل انو العملية تنجح ،،جلست اختها في الكرسي بحزن ورجعت بها الذاكرة للوراء.......
.............................
استيقظت في منتصف الليل علي الصوت الذي اعتادته دائما وهو صوت أختها ،جود، التي تصرخ دائما في الليل لرؤيتها للكوابيس ، فقامت بفزع وذهبت إلى أختها في غرفتها جوري:جود مالك جود:ما ممكن يا جوري تاني حلمت بي نفس الكابوس 😢😢 أنا خايفة شديد يا أختي والله جوري:ماتخافي حبيبتي أنا تعالي نومي معاي في غرفتي جود:كويس يلا
(جوري محمد جميلة جسمها متناسق قوامها مائل للطول بشرتها ذات لون أسمر فاتح وصافي مائل للخمري يعطيها جاذبية أكثر عيونها واسعة ذات عدسة سوداء وفيها لمعان جذاب رموشها طويلة وغزيرة وحواحبينها غزيرة شعرها اسود باهت مائل للبني يبدا من وسط جبينها ويصل إلي وسط ظهرها يعني طويل لكن ما شديد وبادي من قدام وغزير شديد ناعم بصورة طبيعية ومحجبة، وكلها علي بعضها كيوت ،بريئة شديد وما عندها حركات البنات ألما ياها ديك وحنونة لاكن مابتسمح لي زول يستغلها يعني كان قامت الردح مابتسكت لاكن ماطوالي يعني بتسامحك اذا غلطه عليها لاكن إذا كترتها "اتقي شر الحليم اذا غضب"وعمرها 19 سنة بتقرا أسنان في مأمون سنة تانية ،وطبعا جوري عندها عقدة مع الاولاد بسبب قصة حصلت ليها (حكاها لي واحد😂😂😂القائل بشة (امزح امزح😂)) حنعرفها بعدين مابتحب تحتك بيهم الااصحابها اتنين بس حنعرفهم بعدين) (جود محمد بت عسل شديد لونها فاتح شعرها اسود فاحم طويل وجسمها متناسق وحلو شديد لاكن أقصر من أختها مايلة للقصر ومسكينة شوية عمرها 16 سنة بتقرا في تالتة في ثانوية مختلطة وعندها صحبتين حنتعرف عليهم) (جواد محمد عمرو 24 سنة خريج طب في الوطنية ، طويل مائل للسمار شعرو غزير وناعم حواجبو مقرونة أنيق شديد بحب يكون شياكة دايما عيونو مائلة للون العسلي بحب اخواتو جود وجوري وما عندو شي لي زول ومجنون شوية بحب الهظار شديد) (الأم مها عبدالرحمن مرة متشببة بتحتب أولادها ومصاحباهم ودائما بتهتم بيهم وجميلة بالرغم من كبر سنها) (الأب محمد صالح راجل ذو هيبة حنين علي اولادو وكلمتو بتمشي علي كل البيت عصبي شوية وضعو المادي فوق الممتاز) (جوري وجود وجواد ولدوهم في برطانيا امهم قالت لي أبوهم لمن جات تولد جواد انو احسن يولدوه في برطانيا عشان يشيلو الجنسية ، والبنات نفس الشئ ) عندهم اعمامهم اتنين واحد اسمو (إبراهيم صالح مرتو اسمها سلمي وعندو بتين واحدة قدر جود بتقرا معاها في نفس المدرسة اسمها عزة ،وهي شكلها عادي يعني لاشينة لا حلوة وبعد دا كلو شايفة روحا ومدلعة عشان هي الصغيرة ،والتانية عمرها 20 سنة واسمها عناب معرسة ولد خالتها اسمو عمر و بتقرا it في تالته باقي ليها سنة وتتخرج ومسكينة ما زي اختها) وعمهم التاني حنعرفو قريب
صحو الصباح بي صوت أمهم وهي بتقوم جوري عشان تمشي الجامعة مها:يابت قومي الصبح ازن قومي عشان تمشي الجامعة وبعدين ماله أختك نايمة معاك هنا جوري:حاضر يا ماما جود تاني رجعت تحلم نفس الحلم مها:غايتو الله يعينا والله الا نمشي نشوف دكتور نفسي تتعالج عندو انا ما عارفة اختك دي مالها جوري :أي والله دخلت استحمت واتوضت وصلت ولبست للجامعة جيمسوت اسود ومعاو كيمونو قصير شوية لونو زهري فاتح وطرحة سوداء وسبورت وردي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نزلت من السلالم بعد أن فرغت من لبسها وذهبت اي عائلتها جوري:صباح الخير محمد:صباح النور جوري:وين ماما مها:هدي انا حوري:يلا انا ماشة بعد دا مها:يابت اقعدي اشربي الشاي جوري :لا لا ما عاوزة جا جواد نازل من السلم جواد:صباح الخير كلهم:صباح النور مها:أحسن ليك تشربي جوري:لا لا والله كدا بتأخر محمد:يابت اسمعي كلام أمك، ونادي جود تجي تشرب الشاي جوري:حاضر يا بابا، جود يا جود جود:نعم جوري:بابا قل ليك تعالي اشربي الشاي جواد:يااخوانا الشااي الشاي بي جاي ......شاي ما عادي... شاي كوفتي كمان...بي موية صحة....(جات جود نازلة قاطعتو) جود:ومعاو كيكة😂 مها:ياود ماتعقل شوية جوري:معلش يا ماما اصلا هو كدا جواد:وانتي الدخلك شنو جوري:يلا انا ماشا الجامعة مع السلامة (ما لاحظتو لي قصف الجبهة بين جواد وجوري السفهتو زي الماحاصل شي😂) خلصت الشاي وشالت قروشها وودعتهم ومشت ركبت مع السواق يوصلها الجامعة........
في مكان تاني أول مرة نمشي ليهو (خارج السودان)... قاطع كلامه مع صديقه صوت الهاتف الذي يرن مرارا ، فذهب ليجيب.. :آلو المتصل:آلو السلام عليكم :وعليكم السلام المتصل:انت ولد سامية علي :ايوا منو معاي المتصل:انا الطبيب الخاص بيها،لو سمحت انا عاوز اقول ليك انو انتو مهملين أمكم دي شديد أول شي مامعاها زول غير الخدم وحالتها الصحية خطيرة شديد، وممكن تحصل ليها مضاعفات في أي لحظة ، وهسي هي راقدة في المستشفى ليها أسبوع مامعاها زول بتمنى انك تزورا في أقرب وقت جلس علي الكرسي بصدمة أثر ما سمعه :لاحول ولا قوة إلا بالله ، متين الكلام دى ولي ماف زول كلمني انا كنت بتكلم معاها قريب دا وما قالت لي حاجة الطبيب:والله راقدة ليها أسبوع جابتا الممرضة حقتها في المستشفى، وهسي لو ما انا شلتا الرقم بتاعك ما كان حتعرف :طيب شكرا ليك ،خلي بالك منها عليك الله ولو حصل اي شي اواحتاجت اي شي كلمني ،انا حااضرب ليك كل شوية الطبيب:أن شاء الله ،يلا مع السلامة :مع السلامة.
