انفينيتي❤

الجزء التاسع عشر❤

    "أن تأتي متأخرا ،خير من إلا تصل💔"

        
               ............................

(رئبال)
طلعت من رماح ،بعد ما ختيت جنب بيتهم فرقة بتاعة حراسة لأني شاكي فيه لسة وكلامو ما اقنعني ،المهم اتوجهت علي بيت عم جوري وبديت أحقق معاهم كلهم ،وانتابني الشك في واحد حتعرفوه بعدين ،المهم رجعت البيت فضلت مساهر في التفاصيل كلها ،وأثناء ما انا قاعد كدا اتذكرت حاجة مهمة شديد ودي غابت عن بالنا كلنا ،انو نحنا ما شفنا كمرات المراقبة ،وخصوصا انو في المستشفى في كاميرا ،ضربت رأسي بي يدي وأنا بلوم نفسي اني ما اتذكرتها ،طوالي وبي ليلي داك ضربت لي الغفير عم عثمان ،ومشا فتح لي مكان غرفة المراقبة ،قعدت أفتش تفاصيل اليوم داك وبعد بحث طويل وجدتو ،فتحت الفيديو ،وطلع زي ما اتوقعت تماما ،ابتسمت بي نصر ، لاني عرفت سائق العربية ،رجعت البيت ،و............

~تغير في المشهد~
بعد يومين.....
  دخلنا البيت الفيه جوري ،ومعاي الشرطة
اقتحمناه ،وقبضنا اي حارس كان هناك ،وفي واحدين حاولو يضربو بي الرصاص ،المهم اتفاديتهم ومشيت لي الغرفة الكان فيها حارسين واقفين ، فتحتها وياريتني ما فتحتها ،دخلت لقيت جوري مربوطة وهي في حالة يرثي لها ،بقيت بعاين ليها وانا مصدوم ،عينت لي وقالت لي رئبال ساعدني ،جريت عليها ،فكيت ليها الحبل ،وفجئة حضنتني وبدت تبكي ،كانت بتبكي بي طريقة تقطع القلب ،بكت مسافة وبعداك حسيت بيها هدت ،لمن عاينت ليها لقيتها نامت طوالي قمت شلتها وطلعت برا خليت أمر قبض الحراس لي الشرطة ،ركبتها في العربية ،وطوالي مشيت بيها للمستشفى ،بعد ما ضربت لي اهلها ووريتهم اني لقيتها ووديتها المستشفى ،ماتتخيلو كمية الفرحة الحسيت بيها لمن لقيتها كأنو روحي كانت مافيشة وردت لي ،ياخ انا بحبها البت دي ،دخلتها الطوارئ ،وبعد شوية اهلها جو وبقينا مستنين،
تاني يوم.....
  صحيت الصباح مشيت المستشفى ،بعد اطمنت علي جوري ،وعرفت انها كويسة بس عندها كسر في اليد ،وجروح ،لاقيت اهلها سلمت عليهم ،والدكتور قال ليهم ممكن بعد دا تدخلو ليها ،دخلنا ليها ،وهي كانت بتبكي ،طوالي امها وأبوها جرو ليها ،وضموها وقعدو يبكو ،وجود برضو، المهم لمن زحو منها جا جواد وحضنها عليه شديد وبكا برضو وقال:سوو ليك شنو ياجوري وريني
جوري:ماتخاف هسي انا كويسة الحمد لله
جواد:لا لا ياجوري والله ،لو ماندمت العمل فيك كدا مايبقا اسمي جواد
انا:ماتخاف ما حيفرو مننا
محمد جا قال لي:شكرا ليك شديد ياولدي لو ما انتا بعد الله (سبحانه وتعالى) ماكنا حنعرف نعمل شنو
قلت ليه:العفو ياخالي انا ما عملت إلا الواجب
جواد قال لي:نخدمك في افراحك أن شاء الله
انا عاينت لي جوري وقلت:كيف بقيتي؟
قالت لي:الحمد لله
قلت ليهم:يلا انا استأذن بعد دا ،وطلعت

بعد أسبوع......
  صحيت الصباح ،ضربت لي جواد ،وقلت ليه أجمع لي كل اهلكم في بيتكم ،وضربت لي رماح وقلت ليه تعال في بيت جوري ،لانو عاملين كرامة بي خصوص إننا لقينها وانا داير أعتذر ليك قدام الجميع عن اتهامي ليك بي الباطل ،ضربت لي الشرطة ووريتهم إنهم يجو في العنوان الوريتهم ليه لمن اضرب ليهم ،وضربت كمان لي صحبي عشان يجيب معاه زول حتعرفوه بعدين ،وبرضو اتصلت علي جوري بعد ما شلت رقمها من رؤى ،وقلت ليها كلام حتعرفوه بعدين ،بعداك مشيت لبست وطلعت تقريبا بعد الضهر كدا ،وصلت البيت هناك ،ولقيت الناس الطلبت حضورهم كلهم جو ، سلمت عليهم ،وطلبت يقعدو في مكان واحد كلهم ومن بينهم جوري ،طبعا انا أجلت كل دا بعد ما طلعت من المستشفى ،عشان تكون قاعدة
           المهم بديت اتكلم:طبعا كلكم بتتسائلو انا لي جمعتكم هنا كلكم ،و برضو كلكم لي هسي ماعارفين منو الخطف جوري ولي شنو ،طيب انا حاوريكم ،وبي كل بساطة كمان ،اتنين اتفقو ،واحد يخطط والتاني ينفذ ،بي بساطة خالد ورماح اتفقو علي جوري ،رماح خطط ،وخالد نفذ ،الناس كلهم كانو فاتحين خشومهم لانهم ما فاهمين ،الا رماح وخالد وواحد تاني حتعرفوه ،المهم واصلت ليهم ،خالد ورماح ياجماعة وبي كل بساطة ،اتفقو علي جوري لي أسباب عدوانية ،ووقررو يخطفوها ،رماح مشا عطل سيارة سواق جوري ؛عشان ما تطلع معاه ،وجل قاليها انو دايرها في موضوع ويتقابلو في كافي ،وكمان اتفق مع مازن ولي الأسف الشديد وقال ليه يمشي يسوق جوري ويخدرها ويوديها ليهم ،  طبعا كل الأنظار اتحولت لي مازن وهو كان منزل راسو
              رئبال تابع:وطبعا الخطة تمت زي ماهم راسمينها ،وبعداك يقوم مازن يوديها لي خالد عشان كمان يقوم بي دورو المخططين ليه والما كان مازن عارف عنها اي شي ،علي ما اعتقد ، ويعذبها ،طبعا كلكم حتقولو انا عرفت كيف ،طيب ياجماعة ،أول حاجة رماح في شهود قاعدين معانا هنا شاهدين علي انو رماح ،داير ينتقم من جوري ،الي هم فارس ويوسف مع أدلة ،رئبال اشر ليهم قام فارس فتح ريكورد، فيه تصريح من رماح لي صحبو وانو صحبو حيجرجرو في الكلام لغاية ما يوريه، وصحبو يسجل الكلام دا ،ويديه لي رئبال ،الكان متفق معاه من البداية ،وبرضو اسكرين شوت لي محادثة رماح مع خالد ،واتفاقهم، وكمان صور ليهم مع بعض ،ودا بيدل علي إنهم بيعرفو بعض ،
رماح بي توتر قال:ا انت بتتهمني س ساي ،يمكن الحاجات دي كلها فبركة
ابتسمت ليه وقلت بي استهزاء:طيب أثبت لينا برآتك وطلع تلفونك وافتحو، اديني ليه
خالد:يازول اديك تلفوني لي شنو ،تلفوني ما فيه حاجة
قالت ليه:ايواااا، اها زي ماقالو الحرامي في راسو ريشة ،انا هسي قالت تلفونك فيه حاجة
المهم اداني تلفونو بعد جرجرة، وفتحتو ووريت المحادثات لي الناس كلهم ،وكانت حقيقة ،والصور والريكوردات دي كانت فبركة كلها بس عشان هو يعترف ،ويفك تلفونو ،وزي ما اتوقعت انو ما حيمسحهم ،لانو قايل انو ما حيتكشف،
بعداك قالت:أما بي النسبة لي خالد ،وزي ما قلنا قبيل انو متفق مع رماح ،وهو قام بي باقي المهام دي كلها ولي انو لو رماح اختفى حيلاحظو ليه ،ولانو ماف زول بيعرف خالد ،اكتشفت انو كل خالد بعد ما اخترقت حساب رماح بتاع الفيس ،ولقيت محادثاتو مع خالد ،والخالاني اني أقطع الشك بي اليقين(اليقين ولا الإحسان نييياهاهاها🐸💔) انو كانو بيتلاقو مع بعض ،دا غير صاحب خالد الاعترف لي ،وقام جاب واحد كدا ،وحكا ليهم مخطط خالد ورماح من طق طق لي السلام عليكم
   طبعا خالد ما أبدأ اي ريأكشن ،بالعكس كان ريلاكس وبعاين لي جوري شديد
رئبال:و كمان كان مشترك في الموضوع دا مازن برضو ،الي انا ما عرفت عمل كدا لي شنو
جواد ،داير يضرب مازن رئبال وقفو، وأبوه كان مصدوم شديد
مازن دموعو نزلت وقال وهو ندمان شديد:انتو ما فاهمين حاجة ياجماعة ،انا والله والله ،ما كنت قايل الموضوع حيصل لي كدا ،جو هددوني بي اختي الوحيدة ميس ،وقالو إنهم حياذوها، وأنا بي حكم اني ما بقدر امنعها تمرق ،فما كان عندي حل تاني ،قالو لي لو ماجبت جوري انت نحنا حنخطفها في الحالتين ،وكمان قالو لي لو وريت زول ،اعتبر انو أختك وبت خالت تاني ماف ،وكمان قالو أنهم ما حياذوها ، انا فكرت اكلم الشرطة بس لقيت اني لو قلت ليهم ماف زول حيشتغل بي خصوصا اني ما عندي اي دليل ضدهم ،والله انا كل يوم ما بنوم ،انا بقيت بكره نفسي عديل ،انتو قايلين انو جوري هسة هينانة علي ،والله العظيم انا كل يوم قلبي بتقطع ،لي درجة اني فكرت انتحر ،انا عارفكم حتقولو بيتكلم ساي ،لاكن الله يشهد بي الفي قلبي ،وعارف انو هسة كلامي دا ما مفيد بعد العملو كلو في جوري ،وأنا هسي ما عندي وش زاتو اعاين بيه للناس ولو اعتذرت عذري ما مقبول ،واوعدكم انو دي آخر مرة تشوفو فيها وشي تاني ،انا عارف اني مابشرف عائلة زي عائلتكم لأني وبي كل صراحة ما بستاهلكم، وبتمنى انو كلكم تعفو لي،وآخر كلمة بقولها ليكم آسف.
(انا آسف م كان المفروض اسوي الي سويته💔(دايلر❤))
 
        أي زول كان قاعد معاهم بكا ،حتى جوري ،ومشت وقفتو، وقالت ليه انها عافية ليه والحصل حصل خلاص ،وهي مرقت بي خير (الحمد لله) وانو هي متفهمة موقفو كويس
  المهم في النهاية خالد اعترف ،ورماح نكر ،وبالرغم من نكرو الشرطة قبضتو بي سبب الأدلة والشهود ،ومازن عفو ليه إلا جواد ماكان راضي،والموضوع انتهى .