انفينيتي❤

الجزء السادس عشر❤

   لا شئ سيبقى ، حتى الشمس ستكسر القانون يوما وتشرف غربا ؛ لتعلن النهاية.....💔!

        ...................................

 
  الأسبوعين مرو ،والي حصل كالآتي (بي صوت دنيا سمير غانم) ،ناس جوري كانو شغالين كل يوم في المستشفى ،وبقت صحبة رئبال ،وناس جود روتينهم كان عبارة عن قراية وحصص بس ،وجا يوم الخطوبة ،رزان كانت بتجهز للخطوبة، وناس جوري اشترو الفساتين والحاجات بتاعة الخطوبة وعزمو الناس ،
يوم الخطوبة الصباح.....
جود مشت تصحي جوري عشان ينمو الترتيبات الأخيرة
جود:جوري يلا قومي
جوري:اممممم أقوم لشنو
جود:اجي؟! انتي ماعارفة الليلة خطوبة أخوك
جوري:براك قلت بها خطوبة أخوك ،ما خطوبتي ،واقفلي معاك الباب
جود:طيب احسن أنادي ماما
جوري:لا لا خلاص اها قمنا (طبعا امهم بتصحي بالجك)
جود:ههههه ،عشان تاني ماتسمعي الكلام
جوري:خلاص يابت اقطعي وشك بعد دا
جود:طالعة طالعة ،لاكن تاني بنادي أمي بس مابجيك، قولي ليها اقطعي وشك تمام
جوري:تمام
المهم جوري نزلت تحت وبدت تساعد امها في التغليف (ما قلت ليكم المرة دي منظمة)،وبعد خلصو ،محمد وجواد طلعو العقد ،وجو وناس البيت باركو لي جواد ،والساعة 7 جات ،ومشو يلبسو ،المهم لبسو و طلعو بي عرباتهم ،طبعا رزان كانت متفقة مع البنات العزمتهم كلهم أنهم يلبسو فساتين سوداء قصيرة ،والبلبسو بناطلين برضو تكون سوداء ،ويطقموها مع البعجبهم ،المهم بي اختصار يعني البنات كلهم يلبسو اسود ،وطبعا الرجال براهم والبنات براهم ،وجواد كان متفق مع رزان أنهم يعملو عقد يوم الخطوبة الصباح ،ورزان برضو حتلبس فستان اسود لكن ما قصير.
،جوري لبست فستان of shoulders ماسك من فوق ومن تحت منقوش شويتين بصل للفخذ ،قماشو دانتيل ،و استشورت شعرها وفكتو خلت جزء قدام وجزء ورا ،وعملت ميكب اسموكي،وكعب اسود، ولبست عباية وطرحة (عشان الفستان قصير طبعا ،وحتطلع العباية لمن يصلو)الصورة👇

وجود لبست فستان نفس طول حق جوري، فيه ورود ملونة من تحت ،و قماشو حرير ،واكمامو تلات أربع ،فيه حزام من النص ،وعملت شعرها كيرلي بي الجل بعد تعب لانو شعرها سبيبتو ناعمة ،وعملت آيلاينر تحت عينها(اها يا دبيكا)،وإضاءة برونزية زينت أرنبة أنفها وجنبات خدودها ،ولبستك أحمر ،ولبست طقم اكسسري فضي الصورة👇

جواد لبس في العقد الصباح جلابية ،في الخطوبة لبس بنطلون قماشي اسود ،وقميص ابيض ،والجكت العامل زي السديري دا لونو اسود ،وجزمة كلاسك سوداء ، وساعة.
المهم وصلو ونزلو وسلمت علي الناس وضيفوهم والبنات ملصو عباياتهم، وادوهم الحاجات ،واتونسو بعد شوية رزان جات نازلة ،وكانت لابسة ،فستان اسود بيصل للساق، من قماش التل، one shoulder ,وفيه حزام من النص و فيه كبسة من جوة (كبسة ولا جداد🐸)، وعملت روج أحمر دموي ،وهايلات ،آيلاينر ،وماسكرا، وكنتور (صراحة انا تعبتة من المكياج الكتير دا) ،وآيشادو أحمر طافي (عكس صارخ)،وبلاشر زين خدودها ،واكسسري فضية برضو ،مع آفريكن رينق، وكانت ما بتتوصف(عيني باردة)الصورة👇