"لا تستنزفي نفسك بالأسئلة كوني قدرية، لا تطاردي نجما هاربا، فالسماء لا تخلو من النجوم. ثم ما أدراك ربما في الحب القادم كان من نصيبك القمر🌚"
-أحلام مستغانمي.
......................
صحت الصباح بي نشاط وعملت طقوسها اليومية ،قعدت قدام التسريحة وهي بتعاين لي شعرها بي اهتمام ،لاحظت لي انو قام شوية بقا لحد نهاية ظهرها ،اتأملت شوية في نفسها ،قررت تعمل تغير شوية فيها ،وكمان زبط معاها انو أبوها عامل كرامة ليها الليلة ،مشت لي جود وقالت ليها انها حابة تعمل تغير ،جود رحبت بالفكرة ،وطبعا ما محتاجة تمشي اي مشغل (كوفير) لأنها معاها جود ،وجود شاطرة شديد في الحاجات دي ،المهم مسكت شعرها غسلتو وصبغتو صبغة سوداء داكنة ،لانو جوري شعرها بني فاتح بعكس حق جود الأسود ،المهم ضفرتو ليها مشاط وبعد مسافة فكتو وعملت ليه جل ومثبت شعر ،وبقا كيرلي ،طبعا ما محتاجة اوريكم شكل جوري.....
كانت عبارة عن تحفة ،ومع لونها الخمري شعرها جاي دمااااار ،وخاصة انها عملتو كيرلي لي أول مرة ،كانت بس بتعملو استرت، جود قعدتها في المراية وعملت ليها ماسكرا طبعا مع رموشها كانت حلوة، عملت ليها آيلاينر اسود وآيشادو آسود خفيف بس كان روعة حرفيا ،عملت لابلو شفاف ولامع، لبست اكسسري فضية ،وركزت على انها تلبس حلقان كتيرة في اذن واحدة.....
لبست فستان اسود من التل منقط بالأبيض اكمامو طويلة وشفافة ومن تحت برضو شفاف شوية ،لبست معاه صندل بلاستيك شفاف..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نزلت تحت ولقت كل الناس متلمين وبحمدو ليها السلامة ،قعدت معاهم واتونست ،بعد شوية كان الغدا في سفرة قعدو واكلو واتونسو، يعني باختصار كانت فرحانة وشبه نست الحصل معاها ،بس للاسف ما كل شي بدوم، اتحولت ملامح الفرح لي ملامح ما بقدر أعبر عنها لمن شافتو ،كان متغير شديد عن آخر مرة ،حست بالكره تجاهو، لا لا ما الكره احساس اكبر لو ممكن.....
دخل مع امو لي بيتها ،بعد شوية استقبلوهم اهلها بي سرور وبي ترحيب وهم بفضلوهم، ابتسم بي سخرية لي نفسو وهو بشوف نظراتها ،اللو كانت بتقتل كانت كتلتو، امو اتكلمت:سلامتك حبيبتي ان شاء الله تاني ما تشوفي شر جوري:الله يسلمك يا خالتو وتسلمي رئبال:سلامتك جوري بيس اقتضاب وكره:تسلم
جود كانت بتعاين لي الموقف بي سخرية وهي بتقول في نفسها لمتين حيمثل كدا قدام الناس وهو احقر من خلق ربي ،كان نفسها تقوم وتخنقو في اللحظة دي......
بعد شوية جوري استأذنت قامت وطلعت غرفتها وهي ما قادرة تقعد معاه في نفس المكان ،قعدت في سريرها بضجر وهي بتمسك تلفونها بقت تشوف في الخراميز 😂😂😂(حيفهموها ناس معينين😉) واندمجت معاهم ،اصلا هي المصبراها الايامات دي(كلنا والله❤) ،بس وزي ما قلت ما كل شي بدوم ،لغاية ما سمعت صوت باب الغرفة بيفتح وبيقفل ،رفعت رأسها بي استغراب وهي بتشوف دا منو....
قامت بي انفعال وهي بتتجاوزو وبتفتح الباب وبتقول:اطلع برا سريع... مسك يدها وجراها وقفل الباب بالمفتاح وقال:اسمعيني زحت يدها بي انفعال وهي بتقول:مستحيل انا تاني أسمعك ،وهسي اطلع برا مسك يدها تاني ،بس هي دفتو بي غضب وقرف منها وبتقول بي صراخ شديد:ما تهبشني تاني ابدا فاهم -وبصراخ اكتر وهستيريا- تاني ما تهبشني يا رئبال ابدا و تاني انت ما عندك الحق تتكلم معاي ابدا ،وهسي اطلع برا اطلع برا سريع...
لزاها بي قوة على الحيطة ،أصدرت تأوه خفيف ،مسك يدينها بي يد ،واليد التانية حاصرها بيها ،وقال:جوري والله لو ما سمعتيني انا ما حا اطلع من هنا ،عشان كدا احسن تسمعيني بالهداوة....
..............................
قاعدة بتتونس مع اهلها ،قام تلفونها ضرب ، طلعت برة لمن لقتو جاسم.... -آلو -جود كيفك؟ -الحمد لله وانت اخبارك شنو؟ -والله الحمد لله ،اسمعيني -اها -انا داير اتكلم معاك في موضوع -موضوع؟ -اي رأيك شنو نتلاقى بكرة في النادي -لاكن انا بكرة ما يومي بتاع التمرين -ماتخافي انا حاجز لينا ساعة بكرة -اهااا it's okay ،يلا see you -ت see you later
قفلت ورجعت جوة وكملت باقي ونستها ،مع ناس عناب وعلا البتكرها وناس ميس ،واعمامها وأولادهم ونسوانهم ،يعني كانت جمعة عائلية بحتة ،وكان معاهم ام رئبال وبعض الاقارب والاصحاب ،وصحباتها كمان ،واصحاب جوري.......
.......................
#لنا لقاء آخر. (لا تلهيكم عن الصلاة❤) #اللهم صل وسلم وبارك على نبينا محمد وعلى آله وصحبه وسلم. #خليكم بالبيت.
