"مذ أدركت أن طغاة الحب كطغاة الشعوب ،
جبابرة على النساء ،وصغارا أمام من يفوقهم جبروتا
وأن سيدك أيضا له سيدة ،
وطاغيتك له من يخشاه ،صغر السادة في أعينها ،
وغدت سيدة نفسها . لا تخاف غير الله ،
ولا تنبهر سوى بأصغر كائناته"
-أحلام مستغانمي.
...........................
جود عاينت ليه بحدة وبي غضب وهي بتقول بي همس:طيب يا منذر انا غلطانة وانا قاصدة عملت ليها كدا ،يلا أمشي ليها خليها تنفعك ان شاء الله....
مشت منو بس هو مسكها وخلاها تقبل عليه وقال:انتي قصدك شنو يا جود؟
جود عاينت لي يدو الماسكها بيها بي زهج وهي بتحاول تفكها منو وقالت:قصدي؟ أعتقد انك فاهمو يا منذر وهسي فك يدي
منذر مسكها زيادة وقال:ما حا افكك لو ما قلتي لي
جود نفثت بي نفاذ صبر وبتقول:انا قصدي انو نرجع زي زمان اي واحد يمثل انو ما بيعرف التاني فواضح انو كدا احسن...
عاين ليها بي صدمة وهو بفك يدها ،كانت دايرة تمشي بس وقفت قدامو، حست بالندم من كلامها ،نزلت راسها بي اسف وهي بتقول:انا آسفة الكلام طلع مني في لحظة غضب ،بتمني تتفهم موقفي، وبالنسبة لي موضوع البت بتمني ننسى الموضوع دا ،ونفتح صفحة جديدة...
عاين ليها بي فرح ،حتى هو ما كان عارف الخلاه يهيج كدا ويصرخ فيها شنو ،الجو كان بارد شديد وشعرها كان مبلول ،قرب منها وفك ليها شعرها دخلها جوة لانو الجو كان بارد ،وداها غرفتها وشال بشكير ختاه فوق رأسها...
قعدها في السرير وبدأ ينشف ليها في شعرها ،انتهى من التنشيف وزحا البشكير مشا جاب مشط من التسريحة وبدأ يمشط في شعرها بي رفق....
كانت بتعاين ليه وهي ما قادرة تنطق حرف ،لي لحظة كان بجيها شعور انها تعترف ليه وما تخسرو، كان في اللحظة التانية بجيها شعور انها حتندم بس بتتجاهلو وبتحاول تعيش لحظتها...
كان بعاين ليها بي هيام وبلمس شعرها وبتفحص في تفاصيلو، قال ليها وهو بعاين في عيونها بي تمعن:شعرك اوعك تقصيه
عاينت ليه بي استغراب وخجل من نظراتو وقالت وهي بتهمس من قربو:أيوة حتى انا بحبو ههه(الناس الما بيعرفو يردو في اللحظات الزي دي يرفعو يدينهم ،غايتو انا أول واحدة🙌😂😂).....
ختا المشط في التربيزة بعد انتهى ،وقال ليها:لمي شعرك دا وما تفكيه للناس فاهمة؟
اتاففت بي تذمر وهي بتقول:لا بليز ما ترجع منذر الشرير
ضحك وهو بعاين لي دراميتها وقال:زي ما قلت ليك يلا عشان تنزلي قدامي....
لمت شعرها تسريحة بسيطة ،ما زي حقت قبيل بس حلوة برضو ،قبل ما تمرق معاه قالت ليه:منذر شكرا ليك انا ما قادرة أعبر ليك كيف انو انت ب بتخليني دائما مبسوطة....
اترددت قبل ما تعمل الخطوة الجاية ،بي اتوكلت وقربت منو وحضنتو وهي بتدفن وشها في صدرو...
أنت تقرأ
انفينيتي❤
Teen Fictionربما الأقدار تأتينا بما لا نشتهي💔 لاكنها محاطة بهالة من الخيرسنبصرها 👀بعد حين........،، قصة جميلة للكاتبة مزن❤
