انفينيتي❤

الجزء الحادي عشر❤

  اجمل ما يحدث في لحظات الخلاف💢 هي الصراحة💦 التي اخفتها المجاملات😑😊😅

               ............................
  
     جوري وصلت البيت وهي زعلانة ،وطوالي دخلت ما سلمت علي امها زي ما بتعمل دائما، دخلت غرفتها ومشت استحمت وغيرت واتوضت وصلت ،متجاهلة تلفونها البيضرب كتير من فارس ورؤى ويوسف ، كلهم أبت ترد عليهم ؛لأنها ما كانت في مزاج بيسمع ليها ترد ،فقامت رقدت ونامت...
صحت آذان العشاء ،قامت أتوضت وصلت ،ونزلت تحت تآكل لأنها حست بي جوع عشان قبيل ما أكلت ،دخلت المطبخ لقت جود هناك
جوري:يابت انتي لي هسي ما نمتي
جود:لا لا بس جيت آكل قبيل ما اتغديت
جوري:اهاااا
جود:مالك انتي وشك عامل كدا زي الكنتي بتبكي
جوري:لا لا ماف شي
جود:يابت انا حافظاك زي اسمي احكي لي حصل شنو
جوري:اتخيلي فارس قال لي شنو
جود:اها
جوري:.....وحكت ليها القصة
جود:برضو يا جوري مافي النهاية دا ود عمو ، وهو صحبك من سنتين الكلام دا ما بيعني إنك تزعلي منو عشان نقاش تافه زي دا
جوري:برضو دا ما بيعني انو يقول لي كدا
جود:انا ما عارفة غايتو لاكن احسن تسامحيه
جوري:نشوف ...وقامت طلعت غرفتها

..................................

في جامعة ناس جواد ......
جواد جا دخل الجامعة سلم علي اصحابو عمر و إيهاب ودخلو المحاضرة ،
وبعد طلعو ،مشو الكافتيريا (ياجماعة انا قلتا انو جواد عمرو 24 سنة وهو هسي مفروض يكون اتخرج لاكن كان مجمد سنة من الجامعة عشان كان عندو مشكلة حنعرفها في الاجزاء الجاية ،يعني ناس دفعتو اتخرجو هسي)،وطلبو واكلو ، وأثناء ما هم بيتونسو كدا فجأة جواد شاف رزان بتبكي وماسكها واحد من يدها وجاريها لي مكان ما فيه زول ، طوالي قام من محلو بي سرعة ومشا ليهم لقا الولد لازي رزان علي الحيطة ومقرب منها شديد ، ورزان بتبكي، قام طوالي لزاهو والولد وقع وقعد يضرب فيه ،والولد برضو بضربو لمن الجامعة كلها اتلمت وودوهم لي العميد
العميد:انتو قايلين الجامعة دي حلبة بتاعة مصارعة عشان تتشاكلو فيها كدا ،ال حصل بيناتكم شنو احكو لي
المهم جواد قال المشكلة ،والولد برضو حكاها
العميد وهو بأشر علي الولد لانو هو الغلطان:انتا مفصول لي مدة أسبوع ،وانتا واشر علي جواد بكرا وبعدو ماتجي ، ويلا اتفضلو وتاني ماتكرروها
جواد والولد طلعو برة
جواد:ممكن اعرف انتا داير من رزان شنو
الولد:ياخي نظام ماعارف يعني
جواد:اي ماعارف ومن هسي ما داير اعرف ،وانتا ابقا راجل تاني ألمس شعرة منها ،لانو المرة الجاية حيكون فيها موتك
ومشا خلا الولد خايف اصلا هو النوع الخواف داك يعني أقل كلام بيخوفو (حيناااااا هرشتا هسي ما قلنا نوبة)
جواد مشا بي سرعة عشان يطمن علي رزان ولقاها قاعدة معاها صحبتها وهي بتبكي و صحبتها بتحنس فيها
جواد جا وقف قدامها وقال بي لهفة واضحة:رزان انتي كويسة
رزان رفعت راسها وقامت من مكانها:انا آسفة ياجواد ما كان مفروض تدخل في مشكلة بي سببي انا آسفة والله
جواد اتخلع لمن قالت كدا وقام حضنها وقال:يابت انتي مجنونة انا بحبك كيف يعني اخليهو يضايقك مستحيل
رزان اتفاجات لمن حضنها وقامت اتفكت منو ونزلت راسها
جواد انتبه لي نفسو وقال:آسف
رزان:مامشكلة المهم العميد قاليك شنو
جواد:مامهم المهم انتي كويسة هسي
رزان:الحمد لله
جواد:يلا انا ماشي بعد دا ان ماشي البيت (محاضراتهم خلصت) لو احتجتي اي حاجة اضربي لي حاضر
رزان:حاضر ،مع السلامة
صحبت رزان بعد جواد مشا قالت ليها:وااااي يا رزان بس زي جواد دا تاني مادايرة حاجة في الدنيا دي ، وآي من عيونو ولا طولو ولا عضلاتو ولا شعرو ولا لهفتو عليك ولا شنو ولا شنو ما شاء الله تبارك الله ، أن شاء الله ربنا يحفظكم لي بعض،ويجمع بينكم في الحلال (اذا عندك صاحبة زي دي حافظي عليها وما تفرضي فيها لانها بتتمني ليك الخير دايما ،و مازي صحبات تانيات ،لانو الصحبة الزمن دا بقت بي مصلحة بس ،ودي لو وحدة تانية كان شلبتها، ولا عملت بينهم مشاكل)
رزان ضحكت: آميين ، لاكن انتي ما ملاحظة انك بتتغزلي في حبيبي قدامي يعني